Solomonan Sared

Vikipedii
Hüpähtada: navigacii, Ecind
Solomonan Sared
Solomon Islands
 Flag
Flag of the Solomon Islands.svg
 Valdkundznam
Coat of arms of the Solomon Islands.svg
Pälidn Honiar
Eläjiden lugu (2014) 609,883[1] ristitud
Pind 28,896 km²
Solomonan SaredSolomon Islands
Kel' anglijan
Valdkundan pämez' Elizavet Toine
Päministr Manasse Sogavare
Religii hristanuskond
Valüt Solomonan Sariden dollar (SBD)
Internet-domen .sb
Telefonkod +677
Aigvö UTC+11

Solomonan Sared (angl.: Solomon Islands, se om täuz' oficialine nimituz) vai Solomonad, om ümbärtud Koralliden- da Solomonan meril sar'hine valdkund Valdmerimaiš. Sen pälidn da kaikiš suremb lidn om Honiar.

Istorii[redaktiruida | redaktiruida purde]

Vl 1978 heinkun 7. päivän Solomonan Sared tedištoitiba ičeze ripmatomudes Sures Britanijaspäi, nügüdläine Konstitucii[2] om väges sil-žo päivälpäi.

Geografijan andmused[redaktiruida | redaktiruida purde]

Solomonan Sariden geografine kart.

Solomonan Sared sijadase 992 saril. Ned ottas ühtennimižen sarišton tobjan palan, sijadase päivnouzmpolehe Papua — Udes Gvinejaspäi da lodeheze Vanuatuspäi. Solomonan Sariden randad lainištadas Tünen valdmeren Koralliden- da Solomonan mered. Randanpird — 5313 km.

Sared oma kattud korallil vedenalaižiden aktivižiden vulkanoiden päd. Kaikiš korktemb čokkoim om Popomanaseu-mägenoc, 2310 m meren pindan päl. Om lühüdoid täuz'vezižid jogid.

Klimat om valdmerine ekvatorialine räk neps mussonine, lujad tropižed ciklonad oma harvad. Kesklämuz om +26,5°C vodes ümbri. Paneb sadegid 3050 mm vodes.

Vozil 2007 da 2014 järedad manrehkaidused oliba (8 da 7.6 ballad Rihter-pordhišton mödhe).

Londuseližed resursad — kala, mec, fosfatad, kuld, boksitad, hahktin, cink, nikel'. Tarbhaižiden kaivatusiden löudmižsijad seištas koskmatomil.

Politine sistem[redaktiruida | redaktiruida purde]

Solomonan Sariden parlamentan pertid Honiaras.

Ohjandusen form om unitarine konstitucine monarhii parlamentarižen sistemanke. Valdkundan pämez' om britanine Elizavet Toine-kunigaznaine. Valitud parlamental videks vodeks jenaral-gubernator om hänele abuhu. Ohjastusen pämez' om valitud parlamental päministr, hän paneb 20 ministrid radsijha.

Nacionaline Parlament (angl.: National Parliament) om üks'kodine 50 ezitajanke, kaik rahvaz valičeb heid 4 vodeks. Valičemižoiktuz om 21-voččil da sen vanhemb.

Vl 2014 kül'mkun 19. päivän Solomonan Sariden päjärgvaličendad oliba, sidä kesken valdkundan parlamentha.

Administrativiž-territorialine jagand[redaktiruida | redaktiruida purde]

   Kacu kirjutuz: Solomonan Sariden administrativiž-territorialine jagand.

Solomonan Sared alajagadas 9 agjaha (provincijha) ühten Pälidnaižen territorijanke (Honiar) sen ližaks.

Eläjad[redaktiruida | redaktiruida purde]

Solomonan Saril elädas solomonan sarilaižed. Valdkundas om 120 sijališt kel't.

Toižed sured eländpunktad (3...7 tuh. rist. vl 2005, surembaspäi penembha) oma Gizo, Auki, Noro.

Ižanduz[redaktiruida | redaktiruida purde]

Vl 2009 Solomonan Sariden päeksport oli parded (72%), kala (10%); toine eksport — pal'mvoi (5%), kakao (5%), kopr (torhuz kokospähkmišpäi).

Homaičendad[redaktiruida | redaktiruida purde]

  1. Solomonan Sariden ristitišton endustuz vn 2014 heinkus. — Mail'man faktoiden kirj (Cia.gov). (angl.)
  2. Solomonan Sariden Konstitucii (wipo.int). (angl.)

Irdkosketused[redaktiruida | redaktiruida purde]


Valdmerimaiden valdkundad
Valdmerimaiden valdkundad
Avstralii | Federativižed Mikronezijan Valdkundad | Fidži | Kiribati | Maršalan Sared | Nauru | Palau | Papua — Uz' Gvinei | Samoa | Solomonan Sared | Tong | Tuvalu | Uz' Zelandii | Vanuatu