Bekeš'čab

Bekeš'čab
Békéscsaba

Lidnanznam	Flag
Valdkund	Mad'jaranma
Eläjiden lugu (2018)	59,357 ristitud
Pind	193,93 km²
Pämez'	Peter Sarvaš (reduku 2014—. Szarvas Péter​)
Telefonkod	+36−66
Aigvö	tal'vel UTC+1, kezal UTC+2

Lidnan sijaduz agjas i valdkundas (2017)

Bekeš'čab (mad'j.: Békéscsaba [ˈbeːkeːʃt͡ʃɒbɒ], slovak.: Békešská Čaba, saks.: Tschabe, rom.: Bichişciaba) om lidn Mad'jaranman suvipäivnouzmas. Se om Bekeš-agjan administrativine keskuz.

Istorii

Čab-külä (mad'j.: Csaba) mainitase vl 1330. Nügüdläine nimituz om turkan augotižlibundanke.

Bekeš'čab šingotase tömašinoiden tegimel, tekstiližel, omblend- i sömtegimištol.

Geografijan andmused

Lidnan kart kundaližen transportan maršrutoidenke (2012)

Lidn sijadase Köröš-jogen ližajogen randal (Tisan bassein), 89 m ü.m.t. keskmäižel korktusel.

Matkad Romanijan röunhasai om vižtoštkümne kilometrad päivnouzmha, Budapešthasai om 180 km lodeheze. Raudtestancii radab «Timišoar — Budapešt»-keskustal.

Klimat om ven kontinentaline subtropižen klimatan röunal. Keza om hätkeline räk. Voden keskmäine lämuz om +11,2 C°, kezakun-elokun +20,4..+22,1 C°, tal'vkun-uhokun −0,5..+1,3 C°. Ekstremumad oma −24,6 C° (tal'vku-uhoku) i +41,7 C° (eloku). Kezaaigan minimum om +4,4 C° (kezaku), tal'vaigan maksimum om +20,5 C° (uhoku). Ei voi panda halad kezakus-sügüz'kus (sügüz'kun minimum om +0,6 C°). Paneb sadegid 574 mm vodes, enamba semendkus-heinkus (59..68 mm kus), vähemba vilukus-keväz'kus (32..35 mm kus). Kun keskmäine relätivine nepsuz vajehtase 66..72 % röunoiš keväz'kus-sügüz'kus, 84..89 % kül'mkus-vilukus.

Eläjad

Vl 2012 lidnan eläjiden lugu oli 63 752 ristitud. Vll 1980−2001 lidnan ristitišt oli kaikiš suremb, 67..68 tuhad eläjid (67 968 rist. vl 2001). Edel 1930-nzid vozid slovakalaižed oliba enambuses lidnas.

Sebruzlidnad

• Romanii Bejuš, Romanii
• Saksanma Lüterštadt Vittenberg, Saksonii-Anhal't-federacijanma, Saksanma
• Suomenma Mikoi, Suomenma
• Romanii Odorheju Sekujesk, Romanii
• Romanii Salont, Romanii
• Pol'šanma Tarnovske Guri, Pol'šanma
• Slovakii Trenčin, Slovakii
• Ukrain Užgorod, Ukrain
• Serbii Zrenänin, Serbii

Irdkosketused

• Lidnan oficialine sait (bekescsaba.hu). (mad'j.) (angl.) (saks.)