Karabaš

Karabaš
Карабаш
Lidnanznam;	Flag;
Valdkund	Venäma
Eläjiden lugu (2023)	10,339 ristitud
Pind	48 km²
Pämez'	Stanislav Afanasenko; (kül'mku 2022—)
Telefonkod	+7−35 153-xx-xxx
Avtokod	74, 174
Aigvö	UTC+5 (MSK+2)

Karabaš (ven.: Караба́ш, tot.: Карабаш, bašk.: Ҡарабаш «must mägenpä») om Venäman lidn Čeläbinskan agjan pohjoižes. Se om Karabašan lidnümbrikon administrativine keskuz.

Istorii

Eländpunktan aluz om pandud vl 1822 kuti Soimanovskii-žilo samha kuldad sijaližiš letkišpäi. Löutihe vas'ken kivendod, i vspäi 1837 ezmäine vas'kentegim oli ranu viž vot. Vspäi 1910 nügüdläine vas'kentegim radab. Nimitihe Karabaš-žilod mägen mödhe. Radnikžilo sai lidnan statusad vn 1933 20. päiväl kezakud. 1980-nzile vozile sauptihe äi kaivuzid, i lidnan ekologine olend oli paha, sen tagut ristitišt poleni lujas.

Karabaš šingotase vas'kentegimel^[1], abrazivtegimel vas'kentegimen jändusil^[2], mugažo leibänkombinat i murdonsortiruindan tegim (vspäi 2019) ratas lidnas. Ende radiotegim oli väges.

Geografijan andmused

Lidn sijadase ümbrikon keskuzpalas, 350 m ü.m.t. keskmäižel korktusel. Om ümbärtud järvil. Sak-Elg-jogi (bašk.: Соҡ-Йылға 19 km pitte, Tobolan hurapol'ne bassein) i Bogorodskii-uit sil oma lidnan suviröunaks. Matkad Čeläbinskhasai om 84 km päivnouzmha-suvipäivnouzmha orhal, 109 km avtotel vai raudtel. Lähembaine lidn om Kištim 33 km pohjoižpäivnouzmha orhal, 38 km avtotel vai raudtel.

Pirit-raudtestancii (ven.: Пирит) radab vspäi 1960 sarakol Kištimaspäi, se om vaiše jüguiden täht vspäi 2009.

Tobmuz

Kaik ühesa pen't žilod mülüdas lidnümbrikho Karabašan ližaks. Lidnümbrikon pind — 682 km².

Lidnümbrikon pämez' om sen Administracijan pämez'. Edeline Administracijan pämez' om Oleg Budanov (tal'vku 2015 — reduku 2022). Lidnümbrikon Deputatoiden nevondkundan ezimez' om Dmitrii Šutkin vn 2010 sulakuspäi.

Eläjad

Vn 2010 Venäman rahvahanlugemižen mödhe lidnan eläjiden lugu oli 13 152 ristitud, lidnümbrikon — 13 424 ristitud. Kaik 11 178 kaikenaigašt eläjad oli lidnas i 11 385 eläjad kaikes lidnümbrikos vl 2017. Kaikiš suremb lidnan ristitišt oli 38 300 eläjad vl 1939.

Rahvahad (2010): venälaižed — 88,0 %, totarlaižed — 4,5 %, baškiralaižed — 4,0 %, toižed rahvahad — 3,5 %.

Ortodoksižen hristanuskondan nell' pühäpertid^[3] oma kaičenus i saudud lidnas: koume jumalanpertid i časoun'.

Kaslin tegimištoliž-gumanitarižen tehnikuman Karabašan filial om lidnan professionaližen opendusen aluzkundaks.

Galerei

Kialimen vezivaradimen padosein (2012)
Ph. Ioann Kuldansun jumalanpert', vn 2012 nägu (om saudud vll 2006−2008)
Karabašan vas'kentegim vl 2008
TEM18DM-3127-lämuzvedim läz Pirit-raudtestancijad vl 2016

Homaičendad

↑ Karabašan vas'kentegimel lehtpol' rmk-group.ru-saital. (ven.) (angl.)
↑ Karabašan abrazivtegimen sait (abraziv.info). (ven.)
↑ Karabašan pühäpertid sobory.ru-saital. (ven.)

Irdkosketused

Lidnümbrikon oficialine sait (karabash-go.ru). (ven.)

Karabaš Vikiaitas

	Čeläbinskan agjan lidnad
	Aš \| Bakal \| Čebarkul' \| Čeläbinsk \| Jemanželinsk \| Jurüzan' \| Karabaš \| Kartali \| Kasli \| Katav-Ivanovsk \| Kištim \| Kopeisk \| Korkino \| Kus \| Magnitogorsk \| Miass \| Min'jar \| Näzepetrovsk \| Ozörsk \| Plast \| Satk \| Sim \| Snežinsk \| Suviural'sk \| Zlatoust \| Troick \| Tröhgornii \| Ust'-Katav \| Üläufalei \| Üläural'sk

[1] Karabašan vas'kentegimel lehtpol' rmk-group.ru-saital. (ven.) (angl.)

[2] Karabašan abrazivtegimen sait (abraziv.info). (ven.)

[3] Karabašan pühäpertid sobory.ru-saital. (ven.)

[1]

[2]

[3]