Katav-Ivanovsk

Katav-Ivanovsk
Катав-Ивановск
Lidnanznam;	Flag;
Valdkund	Venäma
Eläjiden lugu (2023)	14,454 ristitud
Pind	24,7 km²
Pämez'	Ivan Norko; (keväz'ku 2017—)
Telefonkod	+7−35 147-xx-xxx
Avtokod	74, 174
Aigvö	UTC+5 (MSK+2)

Katav-Ivanovsk (ven.: Ката́в-Ива́новск, tot.: Кытау-Ивановск, bašk.: Ҡытау-Ивановск) om Venäman lidn da lidnankund Čeläbinskan agjan päivlaskmaižes sarakos. Se om Katav-Ivanovskan rajonan administrativine keskuz i kaikiš suremb lidn.

Istorii

Eländpunktan aluz om pandud vl 1755 kuti žilo sauvomha da holitamha raudtegint, nimitihe Katav-jogen mödhe i torgovanoiden-alusenpanijoiden nimiden mödhe: Ivan Tverdišev i Ivan Mäsnikov. Tehtihe rel'soid edel Oktäbrin revolücijad. Oli radnikžiloks vspäi 1933, sai lidnan statusad vn 1939 27. päiväl elokud. Rajonan keskuz vspäi 1935.

Katav-Ivanovsk šingotase cementantegimel, navigacijan laivladimiden tegimel, valamižtegimel (mašiništ i varapalad tegimišton täht), räkištadud semniden edheotandal.

Geografijan andmused

Lidn sijadase rajonan keskuzpalan pohjoižes, Katav-jogen randoil (bašk.: Ҡытау 111 km pitte, Kaman hurapol'ne bassein), Suviuralan pautkil, 477 m ü.m.t. keskmäižel korktusel. Katav-Ivanovskan uit (1,6 km²) om olmas 18. voz'sadaspäi, se om saudud päivnouzmha lidnan keskusespäi.

Matkad Čeläbinskhasai om 209 km päivnouzmha orhal, 257 km avtotedme vai raudtedme. Lähembaižed lidnad oma Ust'-Katav ühesatoštkümne kilometrad pohjoižhe orhal, 28 km avtotedme vai 45 km raudtedme, Jurüzan' 19 km pohjoižpäivnouzmha orhal, 23 km avtotedme vai raudtedme, i Tröhgornii (SATÜ) 18 km päivnouzmha-pohjoižpäivnouzmha orhal vai 27 km avtotel.

Manrehkaidused viž..kuz' magnitudanke oleldas harvoin. Katav-raudtestancii (edel 1963. vot Katav-Ivanovskii Tegim) radab vspäi 1905, se om lopstancijaks sarakol «Čeläbinsk — Uf»-keskustaspäi.

Tobmuz

Polovink-žilo (ven.: Половинка, 154 rist. vl 2010) i Nil'skii-žilo (kaikenaigaižeta ristitištota vl 2010) mülüdas lidnankundha Katav-Ivanovskan ližaks.

Eläjad

Vl 1939 lidnan ristitišt oli 14 300 eläjad. Vn 2010 Venäman rahvahanlugemižen mödhe lidnan eläjiden lugu oli 17 630 ristitud, lidnankundan — 17 784 ristitud, rajonan pol', vn 2021 lidnan — 14 663 ristitud. Kaik 16 088 ristitud elihe lidnas i 16 210 ristitud kaikes lidnankundas vl 2017. Kaikiš suremb lidnan ristitišt oli 22..24 tuhad eläjid vll 1979−1998 (24 972 rist. vl 1989).

Rahvahad (2010): venälaižed — 90,2 %, totarlaižed — 3,6 %, baškiralaižed — 3,3 %, toižed rahvahad — 2,9 %.

Ortodoksižen hristanuskondan kaks' pühäpertid^[1] om kaičenus lidnas: Ioann-endustajan jumalanpert' (om saudud vll 1824−1825) i Ill'a-endustajan časoun' (1901). Niiden ližaks Jumalanmaman Kazanin jumalaižen puine pühäpert' udessündutase vl 2020.

Lapsiden opendusen aluzkundad oma päivkodid, kaks' aluzškolad (nomer 4 i 5), kaks' keskškolad (nomer 1 i 2), korrekcine škol-internat, lapsiden sädamižen pert', čomamahtoiden škol, lapsiden da norišton sportškol. Katav-Ivanovskan industrialine tehnikum^[2] om lidnan professionaližen opendusen aluzkundaks.

Galerei

Lidnan kodirandantedištandmuzei (2014, ende raudtegimen Belosel'skijad-Belozerskijad-ruhtinasiden-valdoičijoiden erižpert')
Ioann-endustajan jumalanpert', vn 2018 nägu
Cementnikoiden kul'turkeskuz (2014)

Homaičendad

↑ Katav-Ivanovskan pühäpertid sobory.ru-saital. (ven.)
↑ Katav-Ivanovskan industrialižen tehnikuman sait (k-iit74.ru). (ven.) (+ äikel'ne avtomatine känduz)

Irdkosketused

Lidnankundan lehtpoled rajonan oficialižel katavivan.ru-saital. (ven.)

Katav-Ivanovsk Vikiaitas

	Čeläbinskan agjan lidnad
	Aš \| Bakal \| Čebarkul' \| Čeläbinsk \| Jemanželinsk \| Jurüzan' \| Karabaš \| Kartali \| Kasli \| Katav-Ivanovsk \| Kištim \| Kopeisk \| Korkino \| Kus \| Magnitogorsk \| Miass \| Min'jar \| Näzepetrovsk \| Ozörsk \| Plast \| Satk \| Sim \| Snežinsk \| Suviural'sk \| Zlatoust \| Troick \| Tröhgornii \| Ust'-Katav \| Üläufalei \| Üläural'sk

[1] Katav-Ivanovskan pühäpertid sobory.ru-saital. (ven.)

[2] Katav-Ivanovskan industrialižen tehnikuman sait (k-iit74.ru). (ven.) (+ äikel'ne avtomatine känduz)

[1]

[2]