Sim (lidn, Čeläbinskan agj)

Sim
Сим
Lidnanznam;	Flag;
Valdkund	Venäma
Eläjiden lugu (2023)	12,569 ristitud
Pind	19,52 km²
Pämez'	Ruslan Gafarov; (sulaku 2020—)
Telefonkod	+7−35 159-xx-xxx
Avtokod	74, 174
Aigvö	UTC+5 (MSK+2)

Sim (ven.: Сим, bašk.: Эҫем, tot.: Сем) om Venäman lidn da lidnankund Čeläbinskan agjan päivlaskmaižes sarakos. Mülüb Ašan rajonha, sen kahtenz' surtte lidn koumespäi.

Istorii

Eländpunktan aluz om pandud vl 1759 anastadud baškiran territorijal kuti žilo sauvomha da holitamha Katav-Ivanovskan kaugedraudan Siman tagondtegint, nimitihe jogen mödhe. Žilon nimituz oli Siman tegim (ven.: Симский Завод) vhesai 1928. Mail'man sodoiden aigkeskustas lidnan tegim pästli maižanduzazegid, vspäi 1935 — sanitarižid, pul'kančudimiden i avtoiden ližavedamid, matkkeitimpolid. Suren sodan aigan Moskvan aviacine tegim oli sirtud sihe. Radnikžilo sai lidnan statusad vn 1942 13. päiväl kül'mkud.

Sim šingotase agregatoiden tegimel aviacijan i avtoiden täht (givravlik, poltuztehnik).

Geografijan andmused

Lidn sijadase rajonan päivnouzmaiženno röunanno, Sim-jogen alangištos (bašk.: Эҫем 239 km pitte, Kaman hurapol'ne bassein), 312 m ü.m.t. keskmäižel korktusel.

Lähembaižed lidnad oma Ust'-Katav päivnouzmha, Aš päivlaskmha i Min'jar lodeheze. «Čeläbinsk — Uf»-avtote (M5-trass) mäneb ühtes kilometras pohjoižhe lidnaspäi. Lähembaine raudtestancii om Simskai (ven.: Симская) kudes kilometras pohjoižhe orhal vai avtotedme.

Klimat om ven kontinentaline. Heinkun keskmäine lämuz om +17,7 C°, vilukun −16,3 C°. Paneb sadegid 445 mm vodes.

Tobmuz

Karagank- (ven.: Караганка, 58 rist. vl 2010) i Kolosleik- (ven.: Колослейка, 23 rist. vl 2010) žilod mülüdas lidnankundha Siman ližaks. Lidnankundan pind — 506,82 km².

Lidnankundan tobmuden pämez' om sen Administracijan pämez'. Edeline Administracijan pämez' om Aleksei Rešetov (tal'vku 2015 — sulaku 2020). Lidnan Deputatoiden nevondkundan ezimez' om Väčeslav Zajiko (Вячеслав Заико) vn 2020 redukuspäi. Edeline nevondkundan ezimez' om Irina Jarovikova (reduku 2015 — reduku 2020).

Eläjad

Vn 2010 Venäman rahvahanlugemižen mödhe lidnan eläjiden lugu oli 14 466 ristitud, lidnankundan — 14 547 ristitud, vn 2021 lidnan — 12 858 ristitud. Kaik 13 170 ristitud elihe lidnas i 13 251 ristitud kaikes lidnankundas vl 2017, rajonan enamba videndest. Kaikiš suremb lidnan ristitišt oli 20..21 tuhad eläjid vll 1979−1992 (21 329 rist. vl 1979).

Rahvahad (2010): venälaižed — 93,5 %, totarlaižed — 2,8 %, baškiralaižed — 2,0 %, toižed rahvahad — 1,7 %.

Ortodoksižen hristanuskondan ph. Dimitrii Solunalaižen jumalanpert'^[1] om avaitud lidnas. Se om saudud vll 1759−1761, rekonstruiruihe vl 1821.

Lapsiden opendusen aluzkundad oma koume nomeruidud päivkodid (nomer 4, 8, 10), kaks' keskškolad (nomer 1 I.V. Kurčatovan nimed i nomer 2), školanirdpol'žen radon Raduga-keskuz («jumalanbembel'»), čomamahtoiden škol, lapsiden da norišton sportškol (futbol, basketbol, dzüdo). Siman mehanine tehnikum^[2] om lidnan professionaližen opendusen aluzkundaks.

Homaičendad

↑ Siman pühäpertid sobory.ru-saital. (ven.)
↑ Siman mehanižen tehnikuman sait (smtspo.ru). (ven.)

Irdkosketused

Lidnankundan oficialine sait (gorodsim.ru). (ven.)

Sim (lidn, Čeläbinskan agj) Vikiaitas

	Čeläbinskan agjan lidnad
	Aš \| Bakal \| Čebarkul' \| Čeläbinsk \| Jemanželinsk \| Jurüzan' \| Karabaš \| Kartali \| Kasli \| Katav-Ivanovsk \| Kištim \| Kopeisk \| Korkino \| Kus \| Magnitogorsk \| Miass \| Min'jar \| Näzepetrovsk \| Ozörsk \| Plast \| Satk \| Sim \| Snežinsk \| Suviural'sk \| Zlatoust \| Troick \| Tröhgornii \| Ust'-Katav \| Üläufalei \| Üläural'sk

[1] Siman pühäpertid sobory.ru-saital. (ven.)

[2] Siman mehanižen tehnikuman sait (smtspo.ru). (ven.)

[1]

[2]