Kartali

Vikipedii
Mine navigeerimisribale Mine otsikasti
Kartali
Карталы
 Lidnanznam
Kartaly COA (2007).gif
 Flag
Flag of Kartaly (Chelyabinsk oblast).png
Valdkund Venäma
Eläjiden lugu (2020) 28,227 ristitud
Pind 86,13 km²
Kartali Карталы
Pämez' Vladimir Vereta
(uhoku 2021—)
Telefonkod +7−35 133-xx-xxx
Avtokod 74, 174
Aigvö UTC+5 (MSK+2)


Kartali (ven.: Карталы́, ukr.: Картали, tot.: Кәртәле) om Venäman lidn, lidnankund da raudtesol'm Čeläbinskan agjan suves. Se om Kartalin rajonan administrativine keskuz.

Istorii[redaktiruida | redaktiruida purde]

Eländpunktan aluz om pandud vll 1914−1915 kuti žilo udenno Kartali-stancijanno «TroickOrsk»-raudtekeskustan sauvomižen aigan. Nimitihe jogen mödhe. Aigan mändes Kartali ühtenzoiti žiloid kivihilen kaivuzidenno i kozakoiden Poltavk-žilod (aluz 1843 kuti Poltavskii). Kartali-žilo sai lidnan statusad vn 1944 17. päiväl sulakud. Vll 1964−2005 raketdivizii seižui lidnanvuiččes Lokomotivnii-žilos koume kilometrad lidnaspäi, se žilo om erine lidnümbrik (ei ole SATÜ:n statusad vspäi 2017) i ei mülü rajonha.

Kartali šingotase raudten edheotandoil, šebnän samižel, sömtegimištol (elevator, leibän produktoiden pästand). Om maižanduzrajonan keskuseks.

Geografijan andmused[redaktiruida | redaktiruida purde]

Lidn sijadase rajonan keskuzpalan päivnouzmas, Karataliajat-jogen oiktal randal päpaloin (ven.: Караталыаят 175 km pitte, Tobolan hurapol'ne bassein), 300 m ü.m.t. keskmäižel korktusel. Matkad Kazahstanan röunhasai om 25 km päivnouzmha raudtedme, Čeläbinskhasai om 240 km pohjoižhe orhal, 321 km avtotedme vai raudtedme. Lähembaine lidn om Magnitogorsk 118 km lodeheze orhal, 168 km avtotel vai 140 km raudtel.

Kaks' raudtestancijad ratas lidnas, Kartali-I i Kartali-II.

Kartali om lidnankundan üks'jäine eländpunkt.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe lidnan eläjiden lugu oli 29 131 ristitud, rajonan koume videndest. Kaikiš suremb lidnan ristitišt oli 42 801 eläjad vl 1970.

Rahvahad (2010): venälaižed — 89,5%, ukrainalaižed — 2,7%, kazahlaižed — 2,3%, totarlaižed — 2,1%, toižed rahvahad — 3,4%.

Ortodoksižen hristanuskondan koume jumalanpertid[1] oma olmas lidnas: Jumalanmaman Kazanin jumalaižen (om saudud vll 1900−1903), Mihail-arhangelan (2007), Jumalanmaman «Kaikiden gorähižiden ihastuz»-jumalaižen (2014−2015).

Professionaližen opendusen aluzkund om Kartalin äisarakoline tehnikum.[2]

Galerei[redaktiruida | redaktiruida purde]

Homaičendad[redaktiruida | redaktiruida purde]

  1. Kartalin pühäpertid sobory.ru-saital. (ven.)
  2. Kartalin äisarakoližen tehnikuman sait (кмт74.рф). (ven.) (+ äikel'ne avtomatine känduz)

Irdkosketused[redaktiruida | redaktiruida purde]



Čeläbinskan agjan lidnad
| Bakal | Čebarkul' | Čeläbinsk | Jemanželinsk | Jurüzan' | Karabaš | Kartali | Kasli | Katav-Ivanovsk | Kištim | Kopeisk | Korkino | Kus | Magnitogorsk | Miass | Min'jar | Näzepetrovsk | Ozörsk | Plast | Satk | Sim | Snežinsk | Suviural'sk | Zlatoust | Troick | Tröhgornii | Ust'-Katav | Üläufalei | Üläural'sk