Kus (lidn)

Vikipedii
Jump to navigation Jump to search
Kus
Куса
 Lidnanznam
Coat of Arms of Kusa (Chelyabinsk oblast).png
 Flag
Flag of Kusa (Chelyabinsk oblast).png
Valdkund Venäma
Eläjiden lugu (2017) 17 368 ristitud
Pind 15 km²
Kus Куса
Pämez' Valerii Vasenöv
(kül'mku 2 015—)
Telefonkod +7-35 154-xx-xxx
Avtokod 74, 174
Aigvö UTC+5 (MSK+2)


Kus (ven.: Куса́, bašk.: Ҡуҫа) om Venäman lidn da lidnankund Čeläbinskan agjan lodehes. Se om Kusan rajonan administrativine keskuz (vspäi 1940).

Istorii[redaktiruida | redaktiruida purde]

Eländpunktan aluz om pandud vl 1778 kuti žilo sauvomha da holitamha Kusan raudantegint. Nimitihe Kus-jogen mödhe (bašk.: Ҡуҫа 59 km pitte). Šingotihe kaugedraudan čomamahtoližel valamižel 19. voz'sadan aigan. Kätihe Kusinskii Tegim-radnikžiloks vn 1928 28. päiväl elokud, se sai lidnan statusad vn 1943 8. päiväl vilukud.

Kus-lidn šingotase valamižmašinansauvomižen tegimel[1] (katilmašiništ), mecan ümbriradmižen mašiništon tegimel, henoiden diamantoiden ümbriradmižel, sömtegimištol (lihaproduktad, olud).

Geografijan andmused[redaktiruida | redaktiruida purde]

Lidn sijadase rajonan suvipäivlaskmas, Kus-jogen lanktendan sijas Ai-jogehe oiktalpäi (bašk.: Әй, Kaman hurapol'ne bassein), 352 m ü.m.t. keskmäižel korktusel. Matkad Čeläbinskhasai om 126 km päivnouzmha orhal, 178 km avtotedme vai 220 km raudtedme. Lähembaine lidn om Zlatoust 24 km suvipäivnouzmha orhal, 31 km avtotel vai 70 km raudtel.

Kus-raudtestancii (ven.: Куса) om olmas lidnan lodehes, edel 2012 vot se radoi passažiroiden-ki täht.

Koume žilod mülüdas lidnankundha Kusan ližaks, niiden ühthine ristitišt oli 87 eläjad vl 2010.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe lidnan eläjiden lugu oli 18 792 ristitud, lidnankundan — 18 879 ristitud. Kaikiš suremb lidnan ristitišt oli 21..22 tuhad eläjid vll 1959−1998 (22 800 rist. vl 1992). Kaik 17 436 ristitud elihe lidnankundas vl 2017.

Rahvahad (2010): venälaižed — 86,9%, baškiralaižed — 7,7%, totarlaižed — 3,8%, toižed rahvahad — 1,6%.

Professionaližen opendusen lähembaižed aluzkundad ratas Zlatoustas.

Homaičendad[redaktiruida | redaktiruida purde]

  1. Kusan valamižmašinansauvomižen tegimen sait (klmz74.ru). (ven.)

Irdkosketused[redaktiruida | redaktiruida purde]



Čeläbinskan agjan lidnad
| Bakal | Čebarkul' | Čeläbinsk | Jemanželinsk | Jurüzan' | Karabaš | Kartali | Kasli | Katav-Ivanovsk | Kištim | Kopeisk | Korkino | Kus | Magnitogorsk | Miass | Min'jar | Näzepetrovsk | Ozörsk | Plast | Satk | Sim | Snežinsk | Suviural'sk | Zlatoust | Troick | Tröhgornii | Ust'-Katav | Üläufalei | Üläural'sk