Sombathei

Sombathei
Szombathely

Lidnanznam	Flag
Valdkund	Mad'jaranma
Eläjiden lugu (2018)	77,984 ristitud
Pind	97,52 km²
Pämez'	Tivadar Puškaš (reduku 2010—, Puskás Tivadar)
Telefonkod	+36-(0)94
Aigvö	tal'vel UTC+1, kezal UTC+2

Lidnan sijaduz agjas i valdkundas (2017)

Sombathei vai Sombathel' (mad'j.: Szombathely ['sombɒt.hɛj], slovak.: Kamenec, saks.: Steinamanger, horv.: Sambotel) om lidn Mad'jaranman päivlaskmas. Se om valdkundan kümnenz' lidn eläjiden lugun mödhe, Vaš-agjan administrativine keskuz.

Istorii

Eländpunktan aluz om pandud rimalaižil vl 45 EME kuti Savarii (Savaria), Pannonii-provincijan pälidn, sen jändused oma kaičenus paloin. Vn 458 manrehkaiduz pani lidnad mantazole. Mad'jaran nimituz libui sobatan jarmankoišpäi: szombat «sobat» i hely «sija».

Toižen mail'man sodan jäl'ghe mašinansauvomižen, tekstiližen i sömtegimišton edheotandad oliba saudud da radoiba Sombatheliš.

Geografijan andmused

Lidnan kart mikrorajoniden nimidenke (2021)

Lidn sijadase 216 m ü.m.t. keskmäižel korktusel. Pened Perint i Djondjoš-joged jokstas lidnadme. Matkad Avstrijan röunhasai om kümne kilometrad päivlaskmha, Budapešthasai om 220 km päivnouzmha. Budapešt — Grac raudtekeskust läbitab lidnad.

Eläjad

Vl 2013 lidnan eläjiden lugu oli 77 547 ristitud. Kaikiš suremb lidnan ristitišt oli 85 617 eläjad vl 1990.

Rahvahad (enamba 0,4 % vl 2011): mad'jaralaižed — 83,0 %, saksalaižed — 2,0 %, čiganalaižed — 0,8 %, horvatijalaižed — 0,6 %, toižed rahvahad — 1,2 %, rahvahuden ozutandata — 12,4 %.

Sebruzlidnad

• Italii Ferrar, Italii (vspäi 1997)
• Venäma Joškar-Ol, Marii Elan Tazovaldkund, Venäma (vspäi 1971)
• Saksanma Kaufboiren, Bavarii, Saksanma (1992)
• Danii Kol'ding, Danii (1991)
• Suomenma Lapenrand, Suomenma (1983)
• Horvatii Sisak, Horvatii (2003)

Irdkosketused

• Lidnan oficialine sait (szombathely.hu). (mad'j.)