Sol'nok

Sol'nok
Szolnok

Lidnanznam	Flag
Valdkund	Mad'jaranma
Eläjiden lugu (2024)	66,426 ristitud
Pind	187,24 km²
Pämez'	Ferenc Salai (1998−2002, reduku 2006—, Ferenc Szalay)
Telefonkod	+36−56
Aigvö	tal'vel UTC+1, kezal UTC+2

Lidnan sijaduz agjas i valdkundas (2017)

Sol'nok (mad'j.: Szolnok [ˈsolnok]) om lidn Mad'jaranman keskuzpalas. Se om Jas-Nad'kun-Sol'nok-agjan administrativine keskuz.

Istorii

Eländpunkt mainitase ezmäižen kerdan vl 1075 kuti ühtennimižen komitatan pälidn. Oli peneks küläks mongoližen vägitungendan jäl'ghe. Kätihe lidnuseks edel turkoiden londad, no hö otiba lidnad i valdoičiba siš vll 1552−1685.

Lidnan tobj pala oli muretud vl 1685 i 1944. Vspäi 1847 raudte ühtenzoitab Sol'nokad Budapeštanke.

Geografijan andmused

Lidnan kart (2023)

Lidn sijadase 90 km suvipäivnouzmha Budapeštaspäi, Tis-jogen molembil randoil, 68 m ü.m.t. keskmäižel korktusel.

Klimat om ven kontinentaline valdmeren valatoitusenke, subtropižen klimatan röunal. Keza om hätkeline räk päivoikaz, tal'vaig om pil'vekaz. Voden keskmäine lämuz om +11,4 C°, kezakun-elokun +20,7..+22,6 C°, tal'vkun-uhokun −0,5..+1,5 C°. Ekstremumad oma −24,8 C° (viluku) i +40,4 C° (heinku). Kezaaigan minimum om +4,9 C° (kezaku), tal'vaigan maksimum om +20,2 C° (uhoku). Ei voi panda halad semendkus-sügüz'kus (semendkun minimum om +0,8 C°). Paneb sadegid 532 mm vodes, enamba kezakus-heinkus (65..69 mm kus), vähemba vilukus-keväz'kus (25..30 mm kus). Kun keskmäine relätivine nepsuz vajehtase 63..69 % röunoiš keväz'kus-sügüz'kus, 84..86 % kül'mkus-vilukus.

Eläjad

Vn 2001 Mad'jaranman rahvahanlugemižen mödhe lidnan eläjiden lugu oli 77 631 ristitud, vn 2011 — 72 953 ristitud, vn 2022 — 66 061 ristitud. Kaikiš suremb lidnan ristitišt oli 78 328 eläjad vl 1990.

Rahvahad (2001): mad'jaralaižed — 98 %, čiganalaižed — 1 %, toižed rahvahad — 1 %.

Sebruzlidnad

• Romanii Baja Mare, Romanii (vspäi 1990)
• Pol'šanma Bel'sko-Bäl, Pol'šanma (1995)
• Italii Forli, Italii (1998)
• Sur' Britanii Istvud, Anglii, Sur' Britanii (2006)
• Japonii Judz, Japonii (2004)
• Estinma Rakvere, Estinma (2008)
• Suomenma Regimägi, Suomenma (1969)
• Saksanma Roitlingen, Baden-Vürtemberg, Saksanma (1990)
• Izrail' Šoham, Izrail' (2001)

Irdkosketused

• Lidnan tobmuden sait (info.szolnok.hu). (mad'j.)