Šablon:Motd/2025-04

1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30

01

Vn 2023 Šnobelän premijan (angl.: Ig Nobel Prize) ceremonii 14. päiväl sügüz'kud, mäni onlain täuzin vll 2020−2023 COVID-19-läžundan pandemijan tagut. Vl 2020 premijan ühthine suruz oli kümne trillionad Zimbabven dollarad (US$10), andase vspäi 1991 Nobelän premijan todesižil laureatoil Nobelän premijan kanman. Kümne arvlahjad oliba anttud möst. Kaik vägestajad tegiba midä-se satust, kudamb ezmäi nagranzoitab ristituid, sid' hö meletadas avaromb. Videon hätkeližuz om 1 čas 26 min 28 sekundad.

Source file/Файл-источник Toižetada Allekirjutez
Label in English / Подпись на русском

02

Vedajatoi avtomatine Kopenhagenan metropoliten (dan.: Københavns Metro [kʰøpm̩ˈhɑwˀns ˈme̝ːtsʰʁo]) radab 24/7 režimas, Danii, 30. sügüz'ku 2022. Se holitab pälidnan aglomeracijan koume kommunad: Kopenhagen, Frederiksberg, Tornbü. Videon hätkeližuz om 8 min 20 s.

Source file/Файл-источник Toižetada Allekirjutez
Label in English / Подпись на русском

03

Periodižen cikadan Magicicada cassini-erikon emäč (13. pol'v) vereb amerikaižen jalaimen tüvel (Ulmus americana), vitkotud kuvaduz (19 minutad oma kätud ühteks minutaks), 25. semendku 2024. Videon hätkeližuz om 56 sekundad.

Source file/Файл-источник Toižetada Allekirjutez
Label in English / Подпись на русском

04

Video ozutab painuden bicepsha harjoitust štanganke, 5. reduku 2015. Siš erinend sel'gitase EZ-ristipun i oiktan štangan kävutandan keskes. Videon hätkeližuz om 2 min 53 s, anglijan kelel, tegi Colossus Fitness.

Source file/Файл-источник Toižetada Allekirjutez
Label in English / Подпись на русском

05

Ol'gen nügüd'aigaižen obrädindan video dronaspäi, obrädmižpress ajeleb Saksanman tundmatomas tahos. Videon hätkeližuz om 1 min 11 s, tegi Deutsche Welle-medijankompanii («Saksan ald») vl 2016.

Source file/Файл-источник Toižetada Allekirjutez
Label in English / Подпись на русском

06

Ristitun vaginaližen sündundan video Tlakolula de Matamoros-lidnankundan läžundkodišpäi läz Oahak-lidnad, Oahak-štat, Meksikan suvi, 5. tal'vku 2010. Videon hätkeližuz om 4 min 6 s, tegi Isai Ruiz.

Source file/Файл-источник Toižetada Allekirjutez
Label in English / Подпись на русском

07

Amerikaižen NASA:n Brendi Din-sel'genzoitai (Brandi Dean) pagižeb Džioja Massa-doktoranke (Dr. Gioia Massa) kazvatadud kompaktižes lämuzhonuses RKS:an laidal cinnii-heimon (latin.: Zínnia) dekorativižes änikkazmuses, 15. keväz'ku 2016. Videon hätkeližuz om 9 min 18 s.

Source file/Файл-источник Toižetada Allekirjutez
Label in English / Подпись на русском

08

Anglijankel'žen Vikipedijan Ma-kirjutusen audioversii ratud intellektan änenke, 30. reduku 2024. Se om sätud ezmäižeks haškuks naprindas tehta kaik anglijankelišt vikipedijad mobiližen audioformatan nägul. Tö voit kormata failad mp3-formatas ičeze ližaprogramha-plejerha. Audion hätkeližuz om 1 čas 2 min 49 s.

Source file/Файл-источник Toižetada Allekirjutez
Label in English / Подпись на русском

09

Video ozutab, kut kacta statistikad kirjutuses vai sen redaktoras. Ozutesikš, teile voib löuta, kut paksus Vikipedijan kirjutuz oli kactud jäl'gmäižil X päivil Pageviews Analysis-instrumentan abul (ei ole Vikipedijan mobiližes variantas). Nece video om openduzserijan Vikipedijas palaks. Videon hätkeližuz om 3 min 30 s, 19. kezaku 2024.

Source file/Файл-источник Toižetada Allekirjutez
Label in English / Подпись на русском

10

Sel'gitai video, edestab lidnan avaruziden kazmusidenke ližoid, «vihandoiden zonoiden» tarbhaižust. Videon hätkeližuz om 2 min 14 s, 2. kezaku 2023, tegi Simpleshow Foundation, subtitroidenke anglijan kelel.

Source file/Файл-источник Toižetada Allekirjutez
Label in English / Подпись на русском

11

Video suvikorejižen augotižlibundan Saksanman Bön-Čhol' Han-filosofas (sünd. 1959, kor. 한병철 / 韓炳哲 Han Byeong-cheol, angl. Byung-Chul Han), hänen kaceged oma tetabad ispanižes mirus. Ičeze kirjoiš filosofijan tedomez' da opendai paneb kritikan alle nügüdläšt neoliberalizmad Päivlaskmmas. Vn 2024 video om ottud baskankel'žes Ikusgela-openduzsaitalpäi, hätkeližuz om 7 min 44 s, subtitroidenke.

Source file/Файл-источник Toižetada Allekirjutez
Label in English / Подпись на русском

12

NOA Scifi Science Fiction Teaser Trailer 2017/2018 om sätud todud rahoišpäi video fil'man treileran nägul, edestab tedoližen fantastikan žanran utopijanvastašt toižendad. Videon hätkeližuz om 1 min 39 s, 9. sügüz'ku 2017, anglijan kelel.

Source file/Файл-источник Toižetada Allekirjutez
Label in English / Подпись на русском

13

Pursa Kattuna (kann.: ʼಪುರ್ಸಕಟ್ಟುನʼ Purskattun) om veroline ritualine kargun form, edestase tulukel'žil ristituil erazvuiččiš kastoišpäi Belthangadi-talukan (municipalitetan) tahoidme, Suvikannad-ümbrik Karnatak-štatan suvipäivlaskmas, Indijan suvi. Se kul'turritual oigendase satusenobrädindan lopus, jätktase severt-se öid (koumespäi vidhesai) ühten aigan Suggu-kun täuz'kudamen pordonke. Videon hätkeližuz om 39 min 55 s, 2. reduku 2023, tegi Karavali Wikimedians User Group.

Source file/Файл-источник Toižetada Allekirjutez
Label in English / Подпись на русском

14

Agrovol'taikan sel'gitai video, se tedo ühtenzoitab söndtavaroiden kazvatamišt päiväižen energijan toižetamiženke. Ühtniba videoho: Džasper Küppers (Jasper Kueppers), hän radab inženeran energijan udištabiš purtkiš Infratec-kompanijas; Anna Vogan-maižanduzkonsul'tant (Anna Vaughan); Viktorijan universitetan (Vellington) Alan Brent-professor; lambhiden i lehmiden Džonni Makfadzean-fermer (Johnie McFadzean); «Tū Mai Rā Energy»-kompanijan palakundan Kollum Skit-menedžer (Callum Skeet). Videon hätkeližuz om 6 min 24 sekundad, om sätud Udes Zelandijas vl 2024, anglijan kelel.

Source file/Файл-источник Toižetada Allekirjutez
Label in English / Подпись на русском

15

Järgeline orav (latin.: Sciurus vulgaris) Tul-lidnan Keskuzližes kul'turan da lebun puištos P.P. Belousovan nimed (ven.: Центральный парк культуры и отдыха имени П. П. Белоусова 143 ga pindal, alusenpanend 1893), Tulan agj, Venälaine Federacii, 28. viluku 2025. Videon hätkeližuz om 36 sekundad, tegi Olksolo-kävutai.

Source file/Файл-источник Toižetada Allekirjutez
Label in English / Подпись на русском

16

Video vn 2021 Fagradal'sfjall-lämoimägen lavanheitandas, om tehtud dronan abul, Islandijan suvipäivlaskm. Ei olend lämoimägiden lavanheitandoid Reikjanes-pol'sarel 815 vot, vn 2021 keväz'kun 19. päivhäsai. Fagradal'sfjallan lavanheitand oli hätkeline, jätksi heitta veresad lavad pordoil vn 2021 sügüz'kun 18. päivhäsai. Videon hätkeližuz om 1 min 50 s.

Source file/Файл-источник Toižetada Allekirjutez
Label in English / Подпись на русском

17

Video animacijanke, sel'gitab tedoidusen satusid globalizacijan i rahvahidenkeskeižen torguindan sferas. Sektoroidenkeskeine analiz oli tehtud 189 valdkundas, se tedoiži veden, energijan i mahusen varoiden varuitomut sidoden niiden kulutandad nacionaližel i ižandusen sektoroiden tazopindoil purtkihe. Analiz laski tehta ezimeletust, miše valdkundad i niiden ižandusiden sarakod oma alištunuded znamasižes märas niiden varoiden üläkävutandale, varmdusetomudele i degradacijale. Videon hätkeližuz om 1 min 27 s, 25. reduku 2020, anglijan kelel.

Source file/Файл-источник Toižetada Allekirjutez
Label in English / Подпись на русском

18

Kanjaapu (Kanyaapu) om veroližen kargun toižend, edestase Tulunadu-regionas tulu-rahvahal maaji-kun aigan, Karnatak-štat, Indijan suvi. Nalke-sebran artistad käveltas pertišpäi toižhe möhäl ehtal da öl, ozutadas kargud i sadas lahjoid. Videon hätkeližuz om 6 min 56 s, 27. uhoku 2025.

Source file/Файл-источник Toižetada Allekirjutez
Label in English / Подпись на русском

19

Tulunadu-regionan induizman kargun Būta Kōlā-edestusen loštabad verod jätktas elod Dolu:n süviš ritmoiš, vätud tikitakoil Tase:n teraviš tonoiš, i Nadasvara:n melodikahiš kulundoiš, säten noidustajad garmonijad, kudamb om jumalakahan olmusen oletuseks, Karnatak-štat, Indijan suvi. Audion hätkeližuz om 12 min 52 s, 17. tal'vku 2024.

Source file/Файл-источник Toižetada Allekirjutez
Label in English / Подпись на русском

20

Hristanuskondan muzikaline Victimae Paschali Laudes-jäl'genduz («Äipäivän žertvan hüvästuz» latinan kelespäi, keskaigaine klassine muzik, om sätud 11. voz'sadal), se om velgusine edestusele katoližen messan aigan i protestantizman erasiš-se evharistižiš liturgižiš radnikoičendoiš Suren Nedalin pühäpäiväl, kudamb tuli tämbäi (20. sulaku) necil vodel, ühtenaigašti Päivlaskmman i Päivnouzmman uskon sarakoiš. Audion hätkeližuz om 1 min 49 s, änetusen dat om 2. semendku 2007, sädi Makemi-kävutai.

Source file/Файл-источник Toižetada Allekirjutez
Label in English / Подпись на русском

21

Anglijankel'žen Vikipedijan Rapanui-kirjutusen audioversii (angl.: Easter Island, isp.: Isla de Pascua) ratud intellektan änenke, 28. reduku 2024. Se om sätud ezmäižeks haškuks naprindas tehta kaik anglijankelišt vikipedijad mobiližen audioformatan nägul. Tö voit kormata failad mp3-formatas ičeze ližaprogramha-plejerha. Audion hätkeližuz om 1 čas 18 min 5 s.

Source file/Файл-источник Toižetada Allekirjutez
Label in English / Подпись на русском

22

Francine Navya Autonom Shuttle-elektrobus ičeohjandusenke (toižin sanoin professionaližeta vedajata) tehnologiženno Čalmers-universitetanno, Göteborg, Ročinma, 2018. Sen-žo voden semendkus Ročinman transportagentuz kacli seičeme taričendad Nobina-projektale ližaks (se oli hüvästadud jo) kodvimha likkuimid ičeohjandusenke Ročinman avtoteil. Videon hätkeližuz om 41 sekundad.

Source file/Файл-источник Toižetada Allekirjutez
Label in English / Подпись на русском

23

Kodv ozutab amorfižen olan (1) i magnijan silicidan (2) vaumičendoid, niiden aigan jauhotud lete vajehtase magnijan tuhkal: :: (1) SiO₂(s) + 2Mg(s) = Si(s) + 2MgO(s); i :: (2) 2Mg(s) + Si(s) = Mg₂Si(s). Ümbrikirjutadud kut (1) reakcii zavodiše lämbitusel; sid' se mäneb iče (ičeze abul) i andab äi energijad. Videon hätkeližuz om 18 sekundad, 7. kezaku 2016, tegiba phh. Kirillan i Mefodijan universitetan himižen palakundan professorad i üläopenikad Pohjoižmakedonijan Skopje-pälidnas.

Source file/Файл-источник Toižetada Allekirjutez
Label in English / Подпись на русском

24

Samaldusen iškendan vitkotud kuvaduz (240 kadrad sekundas pigudenke) kesköl Muurame-kundas läz Jüväsküläd, Kesksuomenma-agjan suvi, Suomenma, 22. kezaku 2021. Videon hätkeližuz om 8,1 sekundad.

Source file/Файл-источник Toižetada Allekirjutez
Label in English / Подпись на русском

25

Löutud kaivatusiš paleogenan (läz 30 mln vozid tagaz) gavedin tätüine (läz 4 mm pitte), sen sinhrotronižen röntgenmikrotomografijan andmusiden 3D-vizualizacii, kudambas bapshaižen-parazitan Xenomorphia resurrecta-erikon ižač om simmetrižes pozas edel lähtendad tätüižespäi. Vn 2018 videon hätkeližuz om 43 sekundad.

Source file/Файл-источник Toižetada Allekirjutez
Label in English / Подпись на русском

26

Aati Kalendža (Aati Kalenja) om rahvahanveron toižend, vedase tulu-rahvahal Tulunadu-regionas sen rahvahan aati-kun aigan (heinku-eloku), Karnatak-štat, Indijan suvi. Nalke-sebran ühtnijad edestadas Kalendžin henged, kudamb, kut lugedas, tuleb aati-kun aigan kaičemha külälaižid mugomid onetomuzid vaste kut läžundad i londuseližed katastrofad. Artistad sobdäs ombeltud londuseližiš materiališpäi kostümid päle (kokospal'man lehtesed, arek-pähkmiden kored), käveltas pertišpäi toižhe, ozutadas kargud da veroid, miše küksta pahut da toda korktad aigad. Hö sadas lahjoid vajehtuseks, mugomid kut ris, kokospähkmed i maplodud. Videon hätkeližuz om 3 min 8 s, 15. viluku 2025.

Source file/Файл-источник Toižetada Allekirjutez
Label in English / Подпись на русском

27

Himine kodv: magnijan silicid (Mg₂Si) ližadase solmuiktusen (HCl) kümneprocentižhe vezisegoiteshe. Intensivine reakcii tegese, sädajad gazanvuiččed produktad ičepaladas lopotusidenke (ližareakcijad). Reakcijan tazostuz: Mg₂Si(s) + HCl(aq) = MgCl₂(aq) + SiH₄(g) . Videon hätkeližuz om 42 sekundad, 7. kezaku 2016, tegiba phh. Kirillan i Mefodijan universitetan himižen palakundan professorad i üläopenikad Pohjoižmakedonijan Skopje-pälidnas.

Source file/Файл-источник Toižetada Allekirjutez
Label in English / Подпись на русском

28

Openduzvideo sel'gitab maksutoman i avaitud kaikile LibreOffice Writer-ofisprogramholitusen alusid. 17-palaižen videon hätkeližuz om 21 minutad, 9. uhoku 2017, anglijan kelel.

Source file/Файл-источник Toižetada Allekirjutez
Label in English / Подпись на русском

29

Džomolungman nägu Kala Pathar-kaclendlavudelpäi (5645 m ü.m.t.), 1. kül'mku 2016. Kala Pathar om populärine mel'heižtaho, sijadase Pumori-mägen suvipautkel iškendaks, Nepalan Gimalajiden Gorakšep-järven (läz 5200 m ü.m.t.) i külän päl. Kaikiš kebnemb Džomolungman lähine nägu avaidase silpäi, kaikiš korktemb Man pindal vebkamer radab. Videon hätkeližuz om 34 sekundad.

Source file/Файл-источник Toižetada Allekirjutez
Label in English / Подпись на русском

30

Sel'gitai video siš, kut parazitine Euduboscquella triangula-mikrob protistoiden Dinoflagellätad-üläklassaspäi inficiruib Helicostomella longa-infuzorijad Tintinnidad-heimkundaspäi. Videon hätkeližuz om 1 min 35 s, 21. heinku 2021, tekstanke anglijan kelel.

Source file/Файл-источник Toižetada Allekirjutez
Label in English / Подпись на русском