Mine sisu juurde

Šablon:Motd/2024-02

Vikipedii-späi

2025: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2024: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2023: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2022: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2021: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2020: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2019: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2018: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 |

01[vajehtada tekst]

«Völh Ozmaspäi» (angl.: The Wizard of Oz) om vn 1933 kanadiž-amerikaine lühüdpiduzline mujumul'tfil'm. Režissör Ted Ešbo (Ted Eshbaugh), scenarii om sätud amerikaižen Laimen Frenk Baum-lapsidenkirjutajan vn 1900 «Čudokaz völh Ozmaspäi»-romanan mödhe (The Wonderful Wizard of Oz). Lugedas sidä potencialižešti ezmäižeks mujumul'tfil'maks täuzin. Videon hätkeližuz om 7 min 53 s.

Source file/Файл-источник Toižetada Allekirjutez
Label in English / Подпись на русском

02[vajehtada tekst]

Lumenlähtend Podol'sk-lidnas, Moskvan agj, Venälaine Federacii, 2. uhoku 2019. Video om kahesa sekundad hätkte, ozutab mugažo avtotesildad Pahr-joges päliči (ven.: Пахра́) — Leninan prospektan palad.

Source file/Файл-источник Toižetada Allekirjutez
Label in English / Подпись на русском

03[vajehtada tekst]

«Kodvda i kahtišti kodvda» (angl.: Check and Double Check) om vn 1930 AÜV:oiden edelkodeksine fil'm komedii-žanras, Gollivudan klassik. Tegi RKO Radio Pictures-kompanii. Režissör Melvil Braun (Melville W. Brown), prodüser Uil'jam Lebaron (William LeBaron). Scenarii oti Amos i Endi-radiošou:d aluseks. Vändiba pärolid: Friman Gosden (Amos), Čarlz Korrell (Endi Braun), Sju Kerol (Džin Bler). Videon hätkeližuz om 1 čas 16 min 25 s.

Source file/Файл-источник Toižetada Allekirjutez
Label in English / Подпись на русском

04[vajehtada tekst]

Veresan satusen poimdüd mustikaine (latin.: Vaccinium myrtillus), se om puhtastadud, pestud i om vaumiž kävutamižele stökolmall'as. Om fil'mdud Brastad-žilos, Lüsečil'-kund, Ročinman suvipäivlaskm. Sätud Akaš Gandi-muzikankirjutajal (Aakash Gandhi) Dreamland-kompozicii («Unikuviden ma») om ottud socialižen YouTube-verkon kulundkirjištospäi joudjanke licenzijanke. Videon hätkeližuz om 1 min 16 s, 10. heinku 2022.

Source file/Файл-источник Toižetada Allekirjutez
Label in English / Подпись на русском

05[vajehtada tekst]

«Järed plan» (pers.: کلوزآپ ، نمای نزدیک‎ Klūzāp, nemā-ye nazdīk, angl.: Close Up) om vn 1990 Iranan fil'm dokumentaližen fantastikan žanras. Scenarijan statj om ottud realižes elospäi. Nimitihe ristituid fil'mas heiden todesižikš nimikš. Režissör i scenarijan tegii om Abbas Kiarostami (1940−2016), prodüser Ali Reza Zarrin. Panihe nort mest arestan alle da sudihe, väritihe händast manitelendas, miše kucui ičtaze tetabaks Mohsen Makhmal'baf-režissöraks i zavodi otta rahoid. Avainu manitelendad kanz armahti mest arvoimiženke, miše hän linneb ristitkundan arvokahaks ühtnijaks. Voib kävutada fil'man tedoid aluseks fil'miden, identižusen, čomamahtoižen sädamižen i olendan äišoiduižen tedoidusen täht. Videon hätkeližuz om 1 čas 37 min 59 s, originaližel persijan kelel anglijan subtitroidenke.

Source file/Файл-источник Toižetada Allekirjutez
Label in English / Подпись на русском

06[vajehtada tekst]

Päiväižen laskman vitkotud kuvaduz Šam Šui Po-rajonan päl, nägu Garden Hill (Nangšan')-kukhalpäi, lodehline Koulun, Honkong, Kitai. Videon hätkeližuz om 58 sekundad, 31. tal'vku 2020.

Source file/Файл-источник Toižetada Allekirjutez
Label in English / Подпись на русском

07[vajehtada tekst]

Mal'divan Sared-valdkundan uden Mohamed Muizzu-prezidentan (mal'd.: މުހައްމަދު މުއިއްޒު) inauguracine pagin, om änetadud vn 2023 17. kül'mkud. Audion hätkeližuz om 21 min 1 s.

Source file/Файл-источник Toižetada Allekirjutez
Label in English / Подпись на русском

08[vajehtada tekst]

«Gabbi mäneb kalatusele» (angl.: Gabby Goes Fishing) om vn 1941 amerikaine lühüdpiduzline mujumul'tfil'm. Režissör Deiv Fleišer (Dave Fleischer), prodüser Maks Fleišer (Max Fleischer), scenarijan tegii Karl Meier (Carl Meyer). Mulub Paramount Pictures-kompanijan «Gabbi»-serijha (1940−1941, kahesa mul'tfil'mad). Änetoitiba Pinto Kolvig (Pinto Colvig), Džek Merser (Jack Mercer). Gabbi naprib opeta prihašt kalan samižele, hot' prihaižele oliži da tuliži paremba äjan häneta. Videon hätkeližuz om 7 min 16 s.

Source file/Файл-источник Toižetada Allekirjutez
Label in English / Подпись на русском

09[vajehtada tekst]

«Ogibal Gila-bukačkulu» (angl.: The Giant Gila Monster) om vn 1959 AÜV:oiden vähäbüdžetine B-kategorijan fil'm tedoližen fantastikan i ülävarun žanroiš. Fil'mdihe Tehas-štatan Dallasas sen avtoteatroiden verkon täht. Režissör i scenarijan idejan sädai om Rei Kellogg (Ray Kellogg), prodüser Ken Körtis (Ken Curtis). Vändiba pärolid: severziden-se pojaviden fil'miden bukačkuluiš da zombiš Don Sallivan-akt'or (Čeiz Uinsted), vn 1957 Miss Mail'm-konkursan Liza Simona-ühtnii Francijaspäi (Liza), komedine Šug Fišer-akt'or (ravaz Harris-mez' ), Fred Grem (Džeff-šerif). Eläb meksikan sihlik mülüi effektoihe Gila-monstran sijas, kuvatihe händast peizažan penetud modelil. Videon hätkeližuz om 1 čas 14 min 42 s.

Source file/Файл-источник Toižetada Allekirjutez
Label in English / Подпись на русском

10[vajehtada tekst]

Uden kudmaižvoden jarmank (kit.: 年宵市場), toižin sanoin änikoiden San Vu-torguz (花市), Guandun-agjan administrativižes Guančžou-keskuses, Kitai. Video om vitkotud kuvaduz, sen hätkeližuz om pol'tošt minutad, 10. uhoku 2013. Vl 2024 kitajine Uz' voz' oigendase uhokun 10.-24. päivil, pühäč znamoičeb keväden zavodindad Kitain suves.

Source file/Файл-источник Toižetada Allekirjutez
Label in English / Подпись на русском

11[vajehtada tekst]

«Glen vai Glenda» (angl.: Glen or Glenda) om vn 1953 AÜV:oiden fil'm dokumentaline dram-žanras. Sen scenarijan tegii, režissör i üks' päkt'orišpäi om Ed Vud-noremb (Ed Wood, vändi Glenan rolid i Glendan mel'kuvid, mainitadud titroiš Deniel Devis-psedonimanke), tetaban Bela Lugoši-akt'oran (tedomez' ) i Vudan sen aigan Dolores Fuller-mel'heižen (Glenan Barbara-mel'heine) ühtnendanke. Se om Ed Vudan debütine rad. Prodüsirui fil'mad Džordž Vais (George Weiss, kudamb tegi «Lapsed kodvičuspäi»-fil'mad siš-žo socialižiden problemoiden temas sil-žo vodel, angl. Test Tube Babies). Nece fil'm om avtobiografine paloin, starinoičese toižen sugun sobiden panendan päle i transseksualižuses. Vud oli transvestitan ičeksaz, i fil'm om kucundaks tirpandmahtusennoks. Äjad ristitud lugetas fil'mad kaikiš pahembišpäi mail'mas, no se kändihe kul'tižeks penen büdžetan (20 tuh. US$) i ičevuiččen stilin tagut. Videon hätkeližuz om 1 čas 13 min 50 s.

Source file/Файл-источник Toižetada Allekirjutez
Label in English / Подпись на русском

12[vajehtada tekst]

Hihtandsportan francine «kuldaine par» — Aksel' Gaše-Mollare (Axelle Gachet-Mollaret) i Ksavje Gaše (Xavier Gachet) Multisport Arêches-Beaufort-klubaspäi (om nimitadud Al'piden turistižen Areš-Bofor-stancijan mödhe) — om otnus suks'al'pinizmha, Francii, 13. semendku 2022. Par oti kaks'kümne mötalid rahvahidenkeskeižil voibištelendoil vl 2022, niiden kesken tegi koume dubläd Mail'man kupkal individialižes suks'joksendas. Se om istorine sezon necen hihtajiden paran täht. Videon hätkeližuz om 10 min 49 s.

Source file/Файл-источник Toižetada Allekirjutez
Label in English / Подпись на русском

13[vajehtada tekst]

«Moana» (mugažo anglijan kelel), vai «Suvimeriden Moana», om vn 1926 amerikaine dokumentaline mustvauged bigifil'm. Sen režissör, prodüser i scenarist om Robert Flaerti (Robert J. Flaherty), tegi Paramount Pictures-kompanijan täht. Flaertin kahtenz' täuz'piduzline fil'm vn 1922 «Nanuk Pohjoižespäi»-fil'man jäl'ghe, sen erineden ei tond surt kommertišt satust ozutadud holetoman elon tropižel sarel tagut. Ezmäine fil'm dokumentaližen fantastikan žanras. Om fil'mdud Samoan Savaji-saren küliš, valitud sijaližed eläjad oliba akt'orikš. Täuzin restavriruidud kopii ližatud kulundanke oli ozutadud vn 2014 Nju Jorkan fil'mfestivališ. Videon hätkeližuz om 1 čas 29 min 46 s.

Source file/Файл-источник Toižetada Allekirjutez
Label in English / Подпись на русском

14[vajehtada tekst]

Havajiden al'batrosoiden (latin.: Phoebastria immutabilis) karg kimindan aigan tün'valdmerižel Miduei-atollal, Amerikan Ühtenzoittud Valdkundad, semendku 2001. Videon hätkeližuz om 22 sekundad.

Source file/Файл-источник Toižetada Allekirjutez
Label in English / Подпись на русском

15[vajehtada tekst]

«Burrišon-kanzan matk» (franc.: Le Voyage de la famille Bourrichon) om vn 1913 francižen Žorž Mel'jes-režissöran lühüdpiduzline bigifil'm komedijan zanras. Scenarii oti francižiden Ežen Labiš- i Eduar Martin-dramaturgoiden vn 1860 nell'aktašt «Perrišon-ižandan matk»-muzikp'jesad varjeten täht aluseks (Le Voyage de monsieur Perrichon), kudamb om ekraniziruidud severz'-se kerdoid todesiženke nimenke, sidä kesken Nevondkundaližes Ühtištuses vl 1986. Se om Mel'jesan jäl'gmäine fil'm, mez' tuli bankrotnendale i möi studijad velgoiden tagut. Vodele 2000 lugetihe olnuziden kadoges fil'miden keskes, no löutihe i pästtihe tošti vl 2008. Video om 15 min 23 s hätkte.

Source file/Файл-источник Toižetada Allekirjutez
Label in English / Подпись на русском

16[vajehtada tekst]

Karola Rakete-merikapitan (Carola Rackete) vedab Blaues-Band-Aktion-kampanijad («sinivauvaz lent») i ezitab Grünhaide-kundan Fangšläze-stancijal (Fangschleuse) ani päivnouzmha Berlin-pälidnaspäi läz amerikaižen Tesla-kompanijan Berlin-Brandenburg-gigafabrikad (vai nomer nell', üks'jäine Evropas, radaškanzi vl 2022). Naine starinoičeb manalaižen veden kävutandan enambas lugumäras, ku fabrikan toižed pordhad lindäs saudud, i sen kel'dandan tarbhaižuses, Brandenburg-federacijanma, Saksanma, 9. tal'vku 2023. Videon hätkeližuz om seičeme minutad.

Source file/Файл-источник Toižetada Allekirjutez
Label in English / Подпись на русском

17[vajehtada tekst]

Kitajine veroline levan karg (kit.: 舞獅 / 舞狮 wǔshī, u ši, japon.: 獅子舞 sisimai) 61. Dzümangoku-festivalin (十万石祭り dzümangoku-matsuri «sadan tuhan rishavadon aigtego») aigan Kag-lidnan Nango-rajonas, Isikav-prefektur, Japonii, 9. sügüz'ku 2023. Videon hätkeližuz om 3 min 36 s.

Source file/Файл-источник Toižetada Allekirjutez
Label in English / Подпись на русском

18[vajehtada tekst]

Ajelend avtobusal rahvahidenkeskeižennoks valdkundaližennoks Berlin-Brandenburg-lendimportannoks (BER), nägu vedajan kabinaspäi, Saksanma, kül'mku 2023. Videon hätkeližuz om 12 min 41 s, taksi om 11 min 12 s aigal, seižutesen aig om 12 min 4 s.

Source file/Файл-источник Toižetada Allekirjutez
Label in English / Подпись на русском

19[vajehtada tekst]

«Ümbärduz» (angl.: Detour) om vn 1945 kezakun AÜV:oiden dramfil'm nuar-žanras. Tegi Gollivudan vähäbüdžetine Producers Releasing Corporation-kompanii. Režissör Edgar Ul'mer (Edgar G. Ulmer), prodüser Leon Fromkess. Scenarii oti amerikaižen Martin Goldsmit-kirjutajan vn 1939 ühtennimišt romanad aluseks. Vändiba pärolid: Tom Nil (El Roberts-pianonvändai) i Enn Sevidž (Vera-avtostopnik). Uhokun 19. päiv om Enn Sevidž-aktrisan sündundpäiväks. Videon hätkeližuz om 1 čas 7 min 59 s.

Source file/Файл-источник Toižetada Allekirjutez
Label in English / Подпись на русском

20[vajehtada tekst]

Marsan Deimos-kaimdajan mänend Päiväižen diskan ezimal vn 2024 20. päiväl vilukud. Näguz om kaceltud Marsan pindaspäi amerikaižen NASA:n ičelikujal Perseverance-avtol. Videon hätkeližuz om 14 sekundad, 23. viluku 2024. Todhižikš näguz oti 137 sekundad, vitkotud kuvaduz 10x-pigudenke om ozutadud.

Source file/Файл-источник Toižetada Allekirjutez
Label in English / Подпись на русском

21[vajehtada tekst]

Saksalaiž-pol'šanmaine ülenpäižusen Görlitz-Zgorzelec-parad Kristofer-irdan päiväl (angl.: Christopher Street Day / CSD), 30. sügüz'ku 2023. Se päiv oleleb Saksanmadme kezan ühtes lebupäivišpäi vspäi 1972. Aigtego zavodihe Görlic-lidnan päraudtestancijanno (Saksonii-federacijanma), ristikoiči Neise-joged (Odran hura ližajogi) tel samhas Zgoželec-lidnhasai. Videon hätkeližuz om 2 min 7 s.

Source file/Файл-источник Toižetada Allekirjutez
Label in English / Подпись на русском

22[vajehtada tekst]

Päivnouzmaižen Azijan ižandusen terav šingotez vedatab immigrantoiden ližadujad lugumärad kaikes miruspäi, otnus biznesha ristituid tobjimalaz, afrikalaižid-ki. Stefani Ho (Stephanie Ho) rižazi tantoi Kitain suvišt kommertišt Guančžou-lidnad i tegi reportažad eläbiš siš immigrantoiš Afrikaspäi da heiden diasporas, 26. kezaku 2009. Videon hätkeližuz om 3 min 31 s, tegi Voice of America.

Source file/Файл-источник Toižetada Allekirjutez
Label in English / Подпись на русском

23[vajehtada tekst]

Saksanman kaiken valdkundan Warntag-kodvindsignalizacii levitase mobiližiden verkoiden kal't. Sen radon zavodind planiruiše 11:00-aigal, no zavodiše severziš-se sekundad aigemba. Videon hätkeližuz om 7 min 13 s, 14. sügüz'ku 2023.

Source file/Файл-источник Toižetada Allekirjutez
Label in English / Подпись на русском

24[vajehtada tekst]

«Potömkin-somuzlaiv» (ven.: Броненосец «Потёмкин») om vn 1925 nevondkundaline bigifil'm dram-žanras. Tegi Goskino-kompanii. Režissör i scenarijan üks' tegijoišpäi om Sergei Eizenštein, prodüser Jakov Blioh. Eziauguižen scenarijan tegii om Nina Agadžanova. Fil'man tegend mäneb Venälaižen imperijan Odessan portas, vn 1905 kezakus. Eziauguižešti meletihe vasthalibundad somuzlaival fil'man vn 1905 Venäman revolücijas epizodaks vaiše, no ei olend aigad tehta toižid sen revolücijan 20-voččele jubilejale. Vändiba pärolid: Aleksandr Antonov (Vakulenčuk-merimez' ), Vladimir Barskii (Golikov-käsknik), Grigorii Aleksandrov (Gilärovskii-leitnant), Ivan Bobrov (nor' merimez' ). Videon hätkeližuz om 1 čas 11 min 7 s.

Source file/Файл-источник Toižetada Allekirjutez
Label in English / Подпись на русском

25[vajehtada tekst]

Daanjal Či (Daanyal Chee) om amuine kitajine islamanuskoi i uz' mod torguindas avoinudel irdal. Hän starinoičeb Teočju-sömän (Kitain Guandun-provincijan Čaošan'-regionaspäi) möndan istorijad Singapuras. Enččel korporativine radnik, Či valiči todenzoitta ičeze himod kulinarijannoks edel ravastusen päivid. Videon hätkeližuz om 6 min 27 s, Singapur, 28. sulaku 2023.

Source file/Файл-источник Toižetada Allekirjutez
Label in English / Подпись на русском

26[vajehtada tekst]

«Sur' vauged hillüz» (angl.: The Great White Silence) om vn 1924 britanine dokumentaline bigifil'm voziden 1910−1913 Britanižes Antarktižes Ekspedicijas (vai angl.: Terra Nova Expedition). Tegi British Film Institute-kompanii, se-zo restavrirui fil'mad vl 2011. Režissör i prodüser Gerbert Ponting (Herbert G. Ponting). Vändi pärolid ekspedicijan Robert Skott-käsknik (Robert Falcon Scott). Hän i nell' tošt ühtnijad koliba tagamatkal Suvinabalpäi «Terra Nova»-laivannoks, no heiden päivkirjad jäiba. Videon hätkeližuz om 1 čas 47 min 7 s.

Source file/Файл-источник Toižetada Allekirjutez
Label in English / Подпись на русском

27[vajehtada tekst]

Monumentoiden alangišt (navahon kel': Tsé Biiʼ Ndzisgaii, angl.: Monument Valley), video dronaspäi Jut- i Arizon-štatoiden röunal, AÜV, 27. heinku 2017. Geologine muštnik sijadase navaho-rahvahan rezervacijas, om pühäsijaks i regionaližeks kel'dtahoks. Kävutase tagamaks fil'mdandas kovbojiš i klipoiden tehmižen täht. Videon hätkeližuz om 2 min 13 s.

Source file/Файл-источник Toižetada Allekirjutez
Label in English / Подпись на русском

28[vajehtada tekst]

Ülenpäižusen parad Aahen-lidnas Kristofer-irdan päiväl (angl.: Christopher Street Day / CSD), Pohjoine Rein da Vestfalii-federacijanma, Saksanma, 12. eloku 2023. Oleleb Saksanmas kezan ühtes lebupäivišpäi vspäi 1972. Videon hätkeližuz om kahesa minutad.

Source file/Файл-источник Toižetada Allekirjutez
Label in English / Подпись на русском

29[vajehtada tekst]

Kurortižen Heringsdorf-kundan baltine kül'bendrand aigaližel homendesel, Uzedom-sar', Meklenburg da Ezine Pomeranii-federacijanma, Saksanman pohjoižpäivnouzmaine čoga ani Pol'šanman röunanno, 2023. Videon hätkeližuz om 20 minutad.

Source file/Файл-источник Toižetada Allekirjutez
Label in English / Подпись на русском