Šablon:Motd/2024-07

1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31

01

Pohjoižamerikaine (Kanadine) majag (latin.: Castor canadensis) löuzi palikod i puhtastab sidä Korktas puištos (High Park 1,61 km²) Ontario-järven randištol, Toronto, Ontario-provincii, Kanad. Tämbäi (1. heinkud) om Kanadan päiv (angl.: Canada Day, franc.: Fête du Canada [faɛ̯t dzy kanadɑ]). Vl 1867 1. heinkud uz' federativine valdkund — Kanadan konfederacii oli sätud severziden-se konferencijoiden jäl'ghe. Videon hätkeližuz om 33 sekundad, 9. kül'mku 2023.

Source file/Файл-источник Toižetada Allekirjutez
Label in English / Подпись на русском

02

Täuz' päiväižen pimitez realižes aigas, om fil'mdüd Evropižen Suvižen observatorijan (ESO:n) La Sil'j-observatorijaspäi vn 2019 2. heinkud, viž vot tagaz. La Sil'j om ühteks koumes ESO:n observatorijaspäi rahvahatomas Atakam-mas, sijadase 600 km pohjoižhe Santjagospäi, Čilin keskuzpalan pohjoine. Se pimitez tegese, konz Kudmaine katab Päiväižen loštajad pindad i muga kändab päiväd öks. Videon hätkeližuz om 4 min 4 s, 4. heinku 2019, tegi A. Santerne (ESO).

Source file/Файл-источник Toižetada Allekirjutez
Label in English / Подпись на русском

03

Nece om lühüd video Vaugedvenämas. Tämbäi (3. heinkud) om Vaugedvenäman ripmatomuden päiv (vaug.: Дзень Незалежнасці Рэспублікі Беларусь, ven.: День независимости Республики Беларусь), se-žo Tazovaldkundan päiv (Дзень Рэспублікі). Se om valdkundaline praznik i lebupäiv, oigendase Minskan päzutandan voz'päiväl Saksanman okkupacijaspäi vl 1944 (vll 1991−1996 znamoitihe 27. heinkud, suverenitetan deklaracijan voz'päiväl). Videon hätkeližuz om 4 min 11 s, 15. sulaku 2019.

Source file/Файл-источник Toižetada Allekirjutez
Label in English / Подпись на русском

04

Vaugedpäine orl (latin.: Haliaeetus leucocephalus) Habukaižed-sugukundaspäi londuseližes Svit Springs-kel'dtahos («magedad purtked», angl.: Sweet Springs Nature Preserve 13 gektarad pindal), mererandaline Los Osos-tahond («kondjad» ispanijaks) Kalifornii-štatan keskuzpalan suves, Amerikan Ühtenzoittud Valdkundad, 18. kül'mku 2015. Se lind om AÜV:oiden valdkundaližiš simvolišpäi, valdkund oigendab Rimpatomuden päiväd tämbäi, 4. heinkud. Videon hätkeližuz om 1 min 30 s, originaline material oli stabiliziruidud.

Source file/Файл-источник Toižetada Allekirjutez
Label in English / Подпись на русском

05

Eki-jäžoman (Eqi) agjan murenduz vitkotud kuvaduses, Grenland, Danii. Videon hätkeližuz om 38 sekundad, 30. heinku 2023, tegi Žil' Loran (Giles Laurent).

Source file/Файл-источник Toižetada Allekirjutez
Label in English / Подпись на русском

06

Lühüd video Pühän Firminan festivališ (bask.: Iruñeko Sanferminak, isp.: Sanfermines / Las Fiestas de San Fermín) baskankel'žes Ikusgela-openduzsaitaspäi, ližatud subtitroidenke. Se jogavozne aigtego oigendase Pamplonas (Irunjas) (avtonomine Navarr-ühthižkund, Ispanii) kahesa voz'sadad jo, heinkun 6.−14. päivil, zavodiše Firmin Amjenalaine-pühämehen muštpäiväl (eli vll 272−303). Videon hätkeližuz om 1 min 22 s, 5. heinku 2023.

Source file/Файл-источник Toižetada Allekirjutez
Label in English / Подпись на русском

07

Vn 2024 Kristofer-irdan päiv (angl.: Christopher Street Day, CSD) Fraiburg-lidnas, Baden-Vürtemberg-federacijanma, Saksanman suvipäivlaskmaine čoga. Necil vodel demonstracii oli pühätadud borcuindale oigedradikaližen politikan kampanijoid vaste. Videon hätkeližuz om 11 minutad, 22. kezaku 2024.

Source file/Файл-источник Toižetada Allekirjutez
Label in English / Подпись на русском

08

Keilan vezilanktendan (est.: Keila juga kuden metrad kortte, 70 m levette) i usadiban (Keila-Joa mõis, saks.: Schloß Fall «Fall'-zamk») ühthižed nägud dronaspäi penes Keila-Joa-žilos, Tallidnan päivlaskmaine ezilidn, Harju-makund, Estinman lodeh, vn 2022 kezakun augotiž. Video om 1 min 1 s hätkte.

Source file/Файл-источник Toižetada Allekirjutez
Label in English / Подпись на русском

09

Istorijanedeližen Akrotiri-eländpunktan kaivandused Tir (Santorin)-sarel, Kikladad-sarišt Egeižes meres, Grekanma, 11. keväz'ku 2017. Minoin civilizacii oli Krital da lähižil saril vll 3600−1400 EME. Ei olend löutud ristituiden jändusid eländpunktas Pompejin erineden, eläjad ehtiba evakuiruidas edel Santorin-lämoimägen lujad seičemeballašt lavanheitandad (datiruiše vll 1700−1600 EME), kudamb mahapani amušt lidnad. Video om 3 min 39 s hätkte.

Source file/Файл-источник Toižetada Allekirjutez
Label in English / Подпись на русском

10

Peipusjärven i Mustvee-lidnan ühthižed nägud dronaspäi Estinman päivnouzmas kaks' vot tagaz (10. heinku 2022). Video om 1 min 13 s hätkte.

Source file/Файл-источник Toižetada Allekirjutez
Label in English / Подпись на русском

11

«Ristit kinoapparatanke» (ven.: Человек с кино-аппаратом, ukr.: Людина з кіноапаратом) om vn 1929 nevondkundaline eksperimentaline dokumentaline bigifil'm sel'ktata süžetata. Se om tundištadud 21. voz'sadal ühteks parahimiš fil'mišpäi mail'mas, dokumentaližiden fil'miden i Ukrainan fil'miden keskes mugažo. Tegi VUFKU-kompanii (Kaiken Ukrainan fotokinoohjanduzkund, radoi vll 1922−1930). Režissör i scenarist Dziga Vertov. Fil'mdand mäni Odessan, Kijevan i Moskvan irdoil da edheotandoil. Venäkel'ne fil'm, kogoneb lühüdoiš dokumentaližiš fragmentoišpäi, starinoitas nügüd'aigaižen lidnan elos. Om operatoran i montažan tehnikoiden enciklopedijaks. Ozutase, kut voib konstruiruida toziolendad järgeližen fiksiruindan sijas, ei ole titroid specialižešti ližadamha tarkust videorivehe. Videon hätkeližuz om 1 čas 7 min 7 s.

Source file/Файл-источник Toižetada Allekirjutez
Label in English / Подпись на русском

12

Orelan tora (ven.: Орловская битва) om vn 1943 nevondkundaline täuz'piduzline dokumentaline fil'm Orelan strategižes tungendoperacijas. Se tora om tetab Operacii Kutuzov-nimenke mugažo, zavodihe Toižen mail'man sodan ramuziš vn 1943 12. päiväl heinkud, 81 vot tagaz. Fil'man režissörad Rafail Gikov, Lidija Stepanova. Video om 48 min 35 s hätkte.

Source file/Файл-источник Toižetada Allekirjutez
Label in English / Подпись на русском

13

Vn 1915 «Kadoi princ»-romanan (angl.: The Lost Prince) ezmäižen palan änetuz. Kirjan tegii om britaniž-amerikaine Frensis Eliza Hodžson Börnett-kirjutainaine (Frances Eliza Hodgson Burnett, 1849−1924). Audion hätkeližuz om 13 min 46 s, 19. semendku 2009, om ottud librivox.org-saitalpäi.

Source file/Файл-источник Toižetada Allekirjutez
Label in English / Подпись на русском

14

«Bardelis Čomakulu» (angl.: Bardelys the Magnificent) om vn 1926 AÜV:oiden bigifil'm romantižen draman žanras. Tegi Metro-Goldwyn-Mayer-kompanii. Režissör King Vidor, scenaristad Merien Einsli i Doroti Farnum. Scenarii oti Rafael' Sabatini-kirjutajan vn 1906 ühtennimišt romanad aluseks. Vändiba pärolid Džon Gilbert (Bardelis) i Elinor Bordman (Roksalin de Leveden). Džon Uein edestab epizodišt rolid mugažo (hänen kahtenz' rol' elos). Francižen Lui XIII Oiktusekaz-kunigahan nor' Bardelis Čomakulu-favorit tegeb parid, miše voib sada Francijan kaikiš enamba kel'dajan neiččen armastust. Ozaitelemižed todas mest valdkundan suvhe, rattematomad vasthalibundad oliba siš keskuztobmut da kunigast vaste. Vll 1936−2006 lugetihe fil'mad kadonudeks (MGM likvidirui tetabid kopijoid), no löutihe kopijad Francijas. Videon hätkeližuz om 1 čas 29 min 35 s.

Source file/Файл-источник Toižetada Allekirjutez
Label in English / Подпись на русском

15

Jogavoččen Tur de Frans-aigtegon baskan velosipedistoiden edestuz baskankel'žes Ikusgela-openduzsaitaspäi, ližatud subtitroidenke. Videon hätkeližuz om 1 min 22 s, 9. heinku 2024.

Source file/Файл-источник Toižetada Allekirjutez
Label in English / Подпись на русском

16

«Sinine bard» (franc.: Barbe bleue) om vn 1901 francižen Žorž Mel'jes-režissöran lühüdpiduzline trükbigifil'm. Video om 11 min 4 s hätkte.

Source file/Файл-источник Toižetada Allekirjutez
Label in English / Подпись на русском

17

«Veri i lete» (angl.: Blood and Sand) om vn 1922 amerikaižen Fred Niblo-režissöran täuz'piduzline bigifil'm dram-žanras. Prodüser Džessi Laski. Scenarii oti ispanižen Visente Blasko Ibanjes-kirjutajan ühtennimišt psihologišt romanad aluseks (1908, isp.: Sangre y arena). Kompanii-distribjutor: Paramount Pictures. Vändiba pärolid: Rudol'f Valentino (Huan Gal'jardo), Lila Li (Karmen), Nita Nal'di (dona Sol' ). Nor' goll' kulähine mez' (Huan Gal'jardo) kändase matadoraks, naiden hän oti laps'aigan Karmen-našt akaks. Mez' sai tetabut i zavodib sudaruškad (dona Sol' ), sid' naprib küksta händast. Dona Sol' starinoičeb kaikiš azjoiš Karmenale i Huanan mamale, miše mureta naimiželod. Huan kändase ozatomaks, vägetomaks i pölištub hargaspäi arenal, no sab armahtust akaspäi edel ičeze surmad. Video om 1 čas 43 min 22 s hätkte.

Source file/Файл-источник Toižetada Allekirjutez
Label in English / Подпись на русском

18

Dokumentaline video (grafikanke paloin) sigaferman azjoiš vl 2012 sel'genzoitusita, sijadase läz Džeir-lidnut, Uz' Suviuel's-štat, 20 minutas Avstralijan Pälidnaižes Territorijaspäi, Avstralii. Video om 42 min 24 s hätkte, 5. eloku 2012.

Source file/Файл-источник Toižetada Allekirjutez
Label in English / Подпись на русском

19

Video Köl'n-lidnan 17. voz'sadan rekonstruiruidud näguiš, Pohjoine Rein da Vestfalii-federacijanma, Saksanma. Joudjaline Köl'n-lidn oli torguindan znamasižeks keskuseks sil aigal. Video om 31 sekundad hätkte, 24. uhoku 2019, tegi ZDF-kompanii Terra X-TV-oigendusen täht.

Source file/Файл-источник Toižetada Allekirjutez
Label in English / Подпись на русском

20

Source file/Файл-источник Toižetada Allekirjutez
Label in English / Подпись на русском

21

Šablon:Motd/2024-07-21 (vep)

Source file/Файл-источник Toižetada Allekirjutez
Label in English / Подпись на русском

22

Pertin panendan mantazole i sauvomižen vitkotud kuvaduz Cürih-lidnas, Cürihan kanton, Šveicarii, vn 2020 sulakuspäi vn 2022 kül'mkuhusai. Video om 2 min 28 s hätkte, 31. keväz'ku 2023, tegi Construction Camera Sietec Swiss.

Source file/Файл-источник Toižetada Allekirjutez
Label in English / Подпись на русском

23

«Vaugedverižen aznoičend» (angl.: A Blonde's Revenge) om vn 1926 amerikaine lühüdpiduzline bigifil'm komedii-žanras. Prodüser Mak Sennet, režissör kanadalaine Del Lord. Vändi pärolid Ben Törpin-komik. Video om 19 min 55 s hätkte.

Source file/Файл-источник Toižetada Allekirjutez
Label in English / Подпись на русском

24

Etik digitaližes medicinas: sel'gitai video ratud intellektan kävutandoiš medicinan sferas i sen irgusen märas, 14. eloku 2023. Video om 1 min 37 s hätkte, tegi KI-Campus.

Source file/Файл-источник Toižetada Allekirjutez
Label in English / Подпись на русском

25

Sel'gitai video valdmeren redustoitandan plastmassal polhe plastikbutulkoišpäi, 23. heinku 2018. Ned butulkad mülüdas löutud kül'bendrandoil kaluiden kümnikha. Joga vodel Evropan täuz'kaznu eläi job 73 butulkad vet. Se kontinent om kaikiš järedamb plastikredustoitai mail'mas, üks' million tonnoid vodes. Video om 1 min 27 s hätkte, tegi Surfrider Foundation Europe.

Source file/Файл-источник Toižetada Allekirjutez
Label in English / Подпись на русском

26

Mal'divan Sared-valdkundan Qaumii Salaam-gimn (mal'd.: ޤައުމީ ސަލާމް, «Sädam tervhen meiden male»). Sädi sanoid Muhammad Žamel' Didi vl 1948, kirjuti muzikad šrilankalaine Vannakuvattavaduge Don Amaradeva vl 1972. Audion hätkeližuz om 1 min 8 s, instrumentaline versii, edesti AÜV:oiden sodamerivägiden orkestr (U.S. Navy Band) 2000-nzil vozil.

Source file/Файл-источник Toižetada Allekirjutez
Label in English / Подпись на русском

27

Samba-kargun festival': CoburgCabana Samba Parade-aigtego Koburg-lidnas, Bavarii-federacijanma, Saksanma, 14. heinku 2024. Video om 9 min 30 s hätkte.

Source file/Файл-источник Toižetada Allekirjutez
Label in English / Подпись на русском

28

Šablon:Motd/2024-07-28 (vep)

Source file/Файл-источник Toižetada Allekirjutez
Label in English / Подпись на русском

29

Fil'mdud dronaspäi videoiden kompiläcii londusen näguidenke, 7. tal'vku 2018. Om sätud veloturan aigan külätahondoidme Astorii-portlidnudespäi (Oregon-štatan lodehline čoga) Nju Jorkhasai (Nju Jork-štat), Amerikan Ühtenzoittud Valdkundad. Video om 15 min 51 s hätkte, tegi Ryan Van Duzer-kävutai.

Source file/Файл-источник Toižetada Allekirjutez
Label in English / Подпись на русском

30

Fil'mdud dronaspäi video veden kodviden distancižes keradamižes Verde-jogespäi (angl.: Verde River) toižen dronan abul (kulutandkvadrokopter DJI Phantom 4 Pro), tundmatoi valdkund, 2. keväz'ku 2017. Video om 2 min 59 s hätkte, tegi Doug Von Gausig-kävutai.

Source file/Файл-источник Toižetada Allekirjutez
Label in English / Подпись на русском

31

Nagoi-lidnan fil'mdüd järgeliženke pigudenke pigustadud video (giperlaps), Japonii, 2. kezaku 2018. Video om 1 min 28 s hätkte, tegi filmhaltig-kävutai.

Source file/Файл-источник Toižetada Allekirjutez
Label in English / Подпись на русском