Šablon:Motd/2023-11

2025: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2024: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2023: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2022: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2021: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2020: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2019: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2018: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30

01

Voileibän recept räkištadud sigalihanke. @mikel_anthony-päkeitai slokostib voileibäd, 2. kül'mku 2022. Sihe mülüdas sigaliha, munarič, XO-painatoz, amerikaižen General Mills-kompanijan Pillsbury-brendan Kuldaižed Kebnad Kaksitadud Paštikod. Video om 42 sekundad hätkte. Source file/Файл-источник Toižetada Allekirjutez Label in English / Подпись на русском

02

Federativižiden Mikronezijan Valdkundoiden «Mikronezijan patriotad»-gimn (vai «Kaikedme Mikronezijadme», angl.: Patriots of Micronesia / Across all Micronesia), om vahvištadud oficialižeks vl 1991. Melodii om saksan patriotine Wir hatten gebauet ein stattliches Haus-pajo («Mö sauvoiba kunigazpertid», vai Ich hab mich ergeben «Olen alištunu»), kirjuti muzikad August Daniel' fon Binzer (August Daniel von Binzer) vl 1819, sanoiden känduz oti sen-žo pajon vaihid. Edesti AÜV:oiden sodamerilaivišton orkestr vn 2008 vilukus. Audio om 36 sekundad hätkte. Source file/Файл-источник Toižetada Allekirjutez Label in English / Подпись на русском

03

Dominikan valdkundaline «Čomuden sar', loštan sar'»-gimn (angl.: Isle of Beauty, Isle of Splendour). Tegi sanoid Uilfrid Oskar Morgan Pond (Wilfred Oscar Morgan Pond), sid' kirjuti muzikad sanoile Lemuel' Makferson Kristian (Lemuel McPherson Christian). Gimn om sätud vl 1967 päižen saren täht, om vahvištadud kaiken valdkundan oficialižeks vl 1978 ripmatomuden sandan jäl'ghe. Edesti AÜV:oiden sodamerilaivišton orkestr vl 2014 vai sen aigemba. Audio om 49 sekundad hätkte. Source file/Файл-источник Toižetada Allekirjutez Label in English / Подпись на русском

04

Panaman valdkundaline «Kaglhan gimn» (isp.: Himno Istmeño). Kirjuti muzikad Santos Horhe Amatriain (Santos Jorge Amatriaim) üläopenikoiden levitadud pajon alusel vl 1897, sid' tegi sanoid Heronimo de la Ossa (Jeronimo de la Ossa), i muzik oli vajehtadud vähän sättumha sanoile. Gimn om sätud lopuks vl 1903 ripmatomuden sandanke Kolumbijaspäi, om vahvištadud oficialižeks vl 1906. Edesti AÜV:oiden sodamerilaivišton orkestr vl 2005. Audio om 1 min 50 sekundad hätkte. Source file/Файл-источник Toižetada Allekirjutez Label in English / Подпись на русском

05

Belfort Retro Vélo Tour-aigtego Bel'for-lidnas, Territorii Bel'for-departament, Francii, 24. kezaku 2023. Aigtego oli organizuidud vn 2023 Tur de Frans-velovoibuižiden 20. etapan statjas. Video om 24 min 20 s hätkte. Source file/Файл-источник Toižetada Allekirjutez Label in English / Подпись на русском

06

Doktor Pol Koen (Dr. Paul Cohen) ozutab AÜV:oiden armijale ičeze istorižiden saksofoniden unikališt kogodust, voib nähta sen soiton šingotest. Tö ed kulnugoi mugomid saksofonan toižendoid ende. Saksofonan bel'gine Adol'f Saks-melestegii oli sündnu vn 1814 6. päiväl kül'mkud. Video om 11 min 26 s hätkte, 21. sulaku 2015, tegi The United States Army Field Band. Source file/Файл-источник Toižetada Allekirjutez Label in English / Подпись на русском

07

Kirgizstanan Tazovaldkundan valdkundaline gimn (kirg.: Кыргыз Республикасынын Мамлекеттик гимни, «Korktad mäged...»). Tegiba sanoid runokirjutajad Žalil Sadikov (Жалил Садыков) i Šabdanbek Kulujev (Шабданбек Кулуев), kirjutiba muzikad sanoile Nasir Davlesov (Насыр Давлесов) i Kalii Moldobasanov (Калый Молдобасанов). Gimn om sätud i vahvištadud oficialižeks vl 1992. Audio om 1 min 55 sekundad hätkte, hor i soitod, purde: Kirgizstanan ohjastusen sait, 27. tal'vku 2012. Source file/Файл-источник Toižetada Allekirjutez Label in English / Подпись на русском

08

«Čang: dram edahaižes sijas» (angl.: Chang: A Drama of the Wilderness) om vn 1927 amerikaine dokumentaline etnografine bigifil'm. Se om fil'mdud Siaman džungliš, nügüdläižiden Laosan pohjoižen i Tailandan röunal. Režissörad, prodüserad i scenaristad oliba Merian Kuper (Merian C. Cooper) i Ernest Šodsak (Ernest B. Schoedsack), hö oliba vn 1933 kul'tižen King-Kong-fil'man režissöroin möhemba. Siaman lao-rahvahan professionaližetomad akt'orad vändiba ičtaze ičeze nimiden al. Fil'm om sätud «Paramount Pictures»-kompanijan palakundal. Vl 1929 fil'm sai «Oskar»-premijan nominacijad (premijan olendan ezmäine voz') čomamahtoižes edestuses. Video om 1 čas 7 min 1 s hätkte. Source file/Файл-источник Toižetada Allekirjutez Label in English / Подпись на русском

09

Kambodžan valdkundaline «Čomakulu kunigahuz»-gimn (khmer.: បទនគររាជ Bat Noko Riat, valdkundan amuine nimituz). Kirjuti muzikad Norodom Suramarit-princ (នរោត្ដម សុរាម្រិត) kunigazližen pert'kulun muzikinstruktoroiden F. Perrüšo (F. Perruchot) i Dž. Džekill (J. Jekyll) abul vll 1938−1939 sijaližen rahvahaližen melodijan alusel. Tegi sanoid Čon Nat-manah (ជួន ណាត) vl 1941. Gimn oli vahvištadud oficialižeks vl 1941 i vl 1947 ripmatomuden Francijaspäi sandan jäl'ghe, oli väges vhesai 1970, sid' vahvištihe tošti vl 1975 (sanoiden vajehtusenke) lühüdaks aigaks, vspäi 1993 gimn om väges möst. Edesti AÜV:oiden sodamerilaivišton orkestr vn 2008 sügüz'kus. Audio om 1 min 30 s hätkte. Source file/Файл-источник Toižetada Allekirjutez Label in English / Подпись на русском

10

NSTÜ:n Kazahan NST:n gimn (kaz.: Қазақ Кеңес Социалистік Республикасының мемлекеттік әнұраны, «Mö, kazahlaižed...»). Se om satud vl 1943, oli oficialižeks vll 1945−1992. Tegiba sanoid Kajum Muhamedhanov, Abdil'da Tažibaev i Gabit Musrepov, kirjutiba muzikad Mukan Tulebaev, Jevgenii Brusilovskii i Latif Hamidi. Muzik jäi Kazahstanan-ki oficialižes gimnas vhesai 2006. Audio om 3 min 27 sekundad hätkte, hor i soitod. Source file/Файл-источник Toižetada Allekirjutez Label in English / Подпись на русском

11

Güstav Flober-kirjutajan Madam Bovari-romanan (1856) ezmäižen palan 1. lugo, francijan kelel. Lugi i äneti LibriVox:an abul Nadin Ekert-Bule (Nadine Eckert-Boulet), 13. kül'mku 2012. Audio om 22 min 40 sekundad hätkte. Source file/Файл-источник Toižetada Allekirjutez Label in English / Подпись на русском

12

Malajine Edmund Jeo-režissör (sünd. 1984, angl.: Edmund Yeo, kit.: 杨毅恒 Yáng Yìhéng) edestab ičeze kitajan kelen standartižel mandarin-paginal 44th International Film Festival Rotterdam-aigtegon aigan, Alamad, 27. viluku 2015. Audio om 29 sekundad hätkte. Source file/Файл-источник Toižetada Allekirjutez Label in English / Подпись на русском

13

Fumarolad Demavend-mägel (5610 m ü.m.t.) läz krateran konusad Iranan pohjoižes suvhe Kaspijaspäi, 14. semendku 2014. Se magadai stratovulkan om Läihizen Päivnouzmman kaikiš korktemb čokkoim. Video om 15 sekundad hätkte. Source file/Файл-источник Toižetada Allekirjutez Label in English / Подпись на русском

14

Ühthižed nägud Al'piden Tet-de-Žirbo-mägelpäi (2370 m ü.m.t., franc.: Tête de Girbault «Žirbon pä») Sent-Etjen-an-Devolüji-kundas, Üläal'pad-departament Francijan suvipäivnouzmas, 3. reduku 2023. Video om 33 sekundad hätkte. Source file/Файл-источник Toižetada Allekirjutez Label in English / Подпись на русском

15

Sätud kompjuterprogramal flikker-judu (ruskedvauvaz judu). Oleleb läz kaikiš elektronižiš analogladimiš. Audio om 10 sekundad hätkte. Source file/Файл-источник Toižetada Allekirjutez Label in English / Подпись на русском

16

Čehanman valdkundaline «Kus minun kodi om»-gimn (čeh.: Kde domov můj). Se om sätud vl 1834, om vahvištadud oficialižeks vl 1993, no kävutihe Čehoslovakijan gimnan ezmäižeks palaks vspäi 1920 völ. Kirjuti muzikad František Škroup, tegi sanoid Jozef Kajetan Til (Josef Kajetán Tyl). Kompozicii om sätud «Fidlovačka aneb Žádný hněv a žádná rvačka»-komedijan täht («Fidlovačka, vai Ala laji da ala käregoiče»), sen ezmäine ozutez tegihe Pragan seižusiden teatras vn 1834 tal'vkus. Edesti Pragan rahvahaližen teatran orkestr, purde: valdkundaline vlada.cz-sait. Audio om 1 min 12 sekundad hätkte. Source file/Файл-источник Toižetada Allekirjutez Label in English / Подпись на русском

17

Marokon valdkundaline «Šerifoiden gimn» (arab.: النشيد الشريف‎ An-našīd aš-šarīf, berber.: ⵉⵣⵍⵉ ⴰⵛⵔⵉⴼ Izli ašrif), om vahvištadud oficialižeks vl 1956. Muzikan tegii om francine Leo Morgan-muzikankirjutai (Léo Morgan) vl 1952, pajo sai popularižust edehko ripmatomuden sandad vl 1956. Kirjuti nügüdläižid sanoid muzikale Ali Skuali Hussaini (Ali Squalli Houssaini) vl 1970, konz Marok kvalificiruihe Mail'man futbolčempionatha Meksikas. «Šerif» vai «šarif» om perandarvnimeks arabankel'žiš maiš. Edesti AÜV:oiden sodamerilaivišton orkestr vn 2003 3. semendkud. Audio om 1 min 8 s hätkte. Source file/Файл-источник Toižetada Allekirjutez Label in English / Подпись на русском

18

Francižen Marsel' Prust-kirjutajan (Marcel Proust, 1871–1922) käzikirjutused, 66 lehtpol't pdf-formatas. II — Kadotadud aigan ecmäs (franc.: À la recherche du temps perdu). A — käzikirjutused avtografoidenke (Manuscrits autographes). XXVII-XXX. Bloknotad (Carnets de notes). XXVII. Kommentarijad lugendan täht i ezisanad essen täht Sent-Böv:as (Sainte-Beuve), vn 1908 päpaloin. Source file/Файл-источник Toižetada Allekirjutez Label in English / Подпись на русском

19

Monakon valdkundaline gimn (monakon dialekt: Inu Munegascu, franc.: Hymne Monégasque). Kirjuti muzikad Teofil Bellando de Kastro (Théophile Bellando de Castro) vl 1841, aranžirui muzikad orkestran täht Leon Žeen (Léon Jehin) vl 1914, tegi nügüdläižid sanoid liguran kelen monakon dialektal Lui Notari (Louis Notari) vl 1931. Gimnan ezmäine versii sanoidenke francijan kelel oli vahvištadud oficialižeks vl 1848, no nügüd'aigan vaiše versii monakon dialektal om oficialine ruhtinasen pätandan mödhe. Edesti AÜV:oiden sodamerilaivišton orkestr vl 2000. Audio om 1 min 18 s hätkte. Source file/Файл-источник Toižetada Allekirjutez Label in English / Подпись на русском

20

Deb Haaland-biznesnaine (sünd. 1960) ozatab Veteranoiden päivanke (angl.: Veterans Day 2019): «Ozavad Veteranoiden päiväd kaikile! Olen kitäi kaikeks igäks meiden veteranoile i heiden kanznikoile», AÜV, 11. kül'mku 2019. Praznik oigendase 11. kül'mkud i oli pühätadud Ezmäižen mail'man sodan lopule edel 1954. vot (Korejan sodan lop). Video om 35 sekundad hätkte. Source file/Файл-источник Toižetada Allekirjutez Label in English / Подпись на русском

21

Nimitadud valdkundan enččen Žak Širak-prezidentan oiktastuseks torgun (franc.: place Jacques-Chirac) üläihastuseline avaiduz Bel'for-lidnas, Territorii Bel'for-departament, Francii, 17. kezaku 2023. Video om 24 min 51 s hätkte. Source file/Файл-источник Toižetada Allekirjutez Label in English / Подпись на русском

22

Livanan valdkundaline «Kaik mö olem tatanmas, ezikuviš, flagas!»-gimn (araban kelen transkripcii: Koullouna lilouaṭaan lil oula lil alam). Kirjuti muzikad Vadih Sabra vl 1925. Tegi sanoid Rašid Nahlä. Gimn om valitud konkursan alusel i om vahvištadud oficialižeks vl 1927 Francijan mandatan al. Edesti AÜV:oiden sodamerilaivišton orkestr, 8. reduku 2009. Audio om 51 sekundad hätkte. Source file/Файл-источник Toižetada Allekirjutez Label in English / Подпись на русском

23

Keiptaunan stadion (angl.: Cape Town Stadium, afrik.: Kaapstad-stadion, kos.: Inkundla yezemidlalo yaseKapa) i lidnan ühthižed nägud, Suviafrikan Tazovaldkund, 3. sügüz'ku 2023. Stadion om saudud vll 2007−2009, mülütab 58 tuhad kacujid, kävutase futbolan i regbin vändoiden täht. Video om 27 sekundad hätkte. Source file/Файл-источник Toižetada Allekirjutez Label in English / Подпись на русском

24

Haitin valdkundaline «Dessalinii»-gimn (franc.: La Dessalinienne). Tegi sanoid Žüsten Lerisson-kirjutai (Justin Lhérisson), kirjuti muzikad Nikolä Žeffrar (Nicolas Geffrard). Gimn om sätud vl 1903, se om valitud sen-žo voden konkursan alusel valdkundan revolücijan sadavoččele jubilejale, om vahvištadud oficialižeks vl 1904. Nimitihe voziden 1791−1804 Gaitin revolücijan Žan-Žak Dessalin-lideran oiktastuseks. Edesti AÜV:oiden sodamerilaivišton orkestr vn 2003 3. semendkud. Audio om 37 sekundad hätkte. Source file/Файл-источник Toižetada Allekirjutez Label in English / Подпись на русском

25

Surinaman valdkundaline «Jumal om meidenke Surinamanke»-gimn (alam.: God zij met ons Suriname), vai «Libugasoiš, rahvahanikad» (sranan-tongo: Opo Kondre Man). Kirjuti muzikad Johannes Korstianus de Pöi (Johannes Corstianus de Puy) vl 1876. Tegi eziauguižid sanoid lüteranine Kornelis Atses Hukstra-pap' (Cornelis Atses Hoekstra) vl 1893, nügüdläižid niiden alusel — Trefossa-runokirjutai vl 1959 (todesine nimi oli Henri Frans de Zil, Henri Frans de Ziel). Gimn om vahvištadud oficialižeks vn 1959 tal'vkus, valdkund sai ripmatomut vl 1975. Edesti AÜV:oiden sodamerilaivišton orkestr vl 2019. Audio om 54 sekundad hätkte. Source file/Файл-источник Toižetada Allekirjutez Label in English / Подпись на русском

26

«Puhthan kinon viž minutad» (franc.: Cinq Minutes de cinéma pur) om vn 1926 francine eksperimentaline lühüdpiduzline fil'm, tegi Anri Šomett-režissör, scenarist da akt'or (Henri Chomette, 1896−1941). Cinéma pur (terminan avtor om Anri Šomett) oli avangardan toižendan fil'mtegijoiden francine likund, tariči narrativižetomid sädusid. Video om 4 min 39 s hätkte. Source file/Файл-источник Toižetada Allekirjutez Label in English / Подпись на русском

27

Kaivopuiston lentonäytös 2017-aigtego (rahvahidenkeskeine nimituz Helsinki Air Show 2017) mäni Suomenman Hel'sinki-pälidnas vn 2017 8. kezakud Suomen aviacijan muzejan ühtnendanke. Se oli pühätadud valdkundan ripmatomuden sadavoččele jubilejale i kogoni 17 palaspäi. Palad 4..7, Vesikoneiden paraati («Gidrolendimiden parad»). Video om 4 min 56 s hätkte, keskuzližen Kaivopuisto-rajonan (roč.: Brunnsparken) mererand. Source file/Файл-источник Toižetada Allekirjutez Label in English / Подпись на русском

28

Albanijan valdkundaline «Gimn flagale» (alb.: Hymni i Flamurit). Kirjuti muzikad Čiprian Porumbesku (Ciprian Porumbescu) vl 1883, tegi sanoid Asdreni-runokirjutai (todesine nimi oli Aleksandër Stavre Drenova) vl 1912. Gimn om vahvištadud oficialižeks vl 1912 ripmatomuden sandan jäl'ghe. Edesti AÜV:oiden sodamerilaivišton orkestr vl 2003. Audio om 1 min 6 s hätkte. Source file/Файл-источник Toižetada Allekirjutez Label in English / Подпись на русском

29

Vn 1927 AÜV:oiden kinohronik Džordž Gossfildan polhe (George Hossfield), mez' kändihe painmižen kirjutandmašinal čempionaks 131 sana minutas rezul'tatanke. Video om 23 sekundad hätkte, Fox News. Source file/Файл-источник Toižetada Allekirjutez Label in English / Подпись на русском

30

Evropan vägestusen päivän Toižes mail'man sodas oigenduz (8. semendku-dat) Meru-žilos, Meru-Moval'-municipalitet (Meroux-Moval) suvipäivnouzmha Bel'foraspäi, Territorii Bel'for-departament, Francii, 8. semendku 2023. Video om 1 čas 12 min 40 s hätkte. Source file/Файл-источник Toižetada Allekirjutez Label in English / Подпись на русском