Dominik

Vikipedii
Jump to navigation Jump to search
Dominikan Ühtnend
The Commonwealth of Dominica
 Flag
Flag of Dominica.svg
 Valdkundznam
Dominica-arms.PNG
Pälidn Rozo
Eläjiden lugu (2014) 73 449[1] ristitud
Pind 751 km²
Dominikan Ühtnend The Commonwealth of Dominica
Kel' anglijan
Valdkundan pämez' Čarl'z Savarin
Päministr Ruzvel't Skerrit
Religii hristanuskond
Valüt päivnouzmkariban dollar (XCD)
Internet-domen .dm
Telefonkod +1 767
Aigvö UTC-4

Dominik (angl.: Dominica [dəˈmɪnɨkə], sijaline virkand [ˌdɒmɪˈniːkə]), täuz' oficialine nimituz — Dominikan Ühtnend (angl.: The Commonwealth of Dominica), om valdkund ühtennimižel sarel Kariban meren päivnouzmpoles. Sen pälidn da kaikiš suremb lidn om Rozo.

Istorii[redaktiruida | redaktiruida purde]

Vl 1978 kül'mkun 3. päiväl Dominik tedoti ičeze ripmatomudes Sures Britanijaspäi, nügüdläine Konstitucii[2] tuli väghe sil-žo päiväl (möhembaižiden vajehtusidenke).

Geografijan andmused[redaktiruida | redaktiruida purde]

Dominikan geografine kart.

Valdkund om meriröunoiš Francijan merentagaižiden sar'hižiden departamentoidenke: Gvadelupanke lodehpoles da Martinikanke suvipäivnouzmpoles. Randanpird om 148 km.

Kaikiš korktemb čokkoim om Djabloten-vulkan, 1447 metrad valdmeren pindan päl.

Londuseližed vrad oma mec, gidroenergii, mahuz.

Politine sistem[redaktiruida | redaktiruida purde]

Ohjandusen form om unitarine parlamentine tazovaldkund. Valdkundan pämez' om prezident. Parlament valičeb händast 5 vodeks, kahtenden strokun om voimuz. Prezident paneb radsijha päministrad, a mugažo toižid ministrid päministran nevondan mödhe. Kaik ministrad oma sil-žo aigal parlamentan ühtnijad.

Parlament om üks'kodine. Se om Suiman Kodi (angl.: House of Assembly) 32 ühtnijanke: 21 heišpäi kaik rahvaz valičeb, 9 — prezident vai valitud ühtnijad pandas radsijha, 2 — eriližed radnikad. Valdatusiden strok om 5 vot.

Vl 2014 tal'vkun 8. päiväl Dominikan järgvaličendad oliba valdkundan parlamentha. Vl 2013 sügüz'kun 30. päiväl parlament valiči nügüdläšt Čarl'z Savarin-prezidentad.

Administrativiž-territorialine jagand[redaktiruida | redaktiruida purde]

   Kacu kirjutuz: Dominikan administrativiž-territorialine jagand.

Dominik alajagase 10 administrativižhe tulendha (angl. parish).

Eläjad[redaktiruida | redaktiruida purde]

Dominikas elädas dominikalaižed.

Vl 2001 oli 15 eländpunktad enamba 1 tuhad kaikenaigaižen ristitištonke.

Ižanduz[redaktiruida | redaktiruida purde]

Vl 2009 Dominikan päeksport oli bananad (39%), muil (22%); toine eksport — kakao (4%), medicinižed instrumentad, raud, sobad, kived, elektromašiništ, laivad da venehed.

Dominik om beneficiarii (sal'hensai) Kariban valdkundoiden röunmaksatomas torguindaspäi AÜV:oidenke.

Homaičendad[redaktiruida | redaktiruida purde]

  1. Dominikan ristitišton endustuz vl 2014 heinkus. — Mail'man faktoiden kirj (Cia.gov). (angl.)
  2. Dominikan Konstitucii Dominikan Ühtnendan oficialižel portalal (dominica.gov.dm).

Irdkosketused[redaktiruida | redaktiruida purde]


Pohjoižamerikan valdkundad
Pohjoižamerikan valdkundad
Amerikan Ühtenzoittud Valdkundad (AÜV) | Antigua da Barbud | Bagaman Sared | Barbados | Beliz | Dominik | Dominikanine Tazovaldkund | Gonduras | Grenad | Gvatemal | Haiti | Jamaik | Kanad | Kostarik | Kuba | Meksik | Nikaragua | Panam | Sal'vador | Sent Kits da Nevis | Sent Lüsii | Sent Vinsent da Grenadinad | Trinidad da Tobago