Bagaman Sared

Vikipedii
Hüpähtada: navigacii, Ecind
Bagaman Sariden Ühtnend
Commonwealth of the Bahamas
 Flag
Flag of the Bahamas.svg
 Valdkundznam
Coat of arms of the Bahamas.svg
Pälidn Nassau
Eläjiden lugu (2014) 321 834[1] ristitud
Pind 13,939 km²
Bagaman Sariden ÜhtnendCommonwealth of the Bahamas
Kel' anglijan
Valdkundan pämez' Elizavet Toine
Päministr Perri Kristi
Religii hristanuskond
Valüt Bagaman Sariden dollar (BSD)
Internet-domen .bs
Telefonkod +1-242
Aigvö tal'vel UTC-5,
kezal UTC-4

Bagaman Sared (angl.: The Bahamas), täuz' oficialine nimituz — Bagaman Sariden Ühtnend (angl.: Commonwealth of the Bahamas), om valdkund ühtennimižil saril Pohjoižamerikas. Pälidn da surembaine lidn om Nassau (sigä eläb läz 80% valdkundan ristitištod).

Istorii[redaktiruida | redigeeri lähteteksti]

Vl 1973 heinkun 10. päiväl Bagaman Sared tedotiba ičeze ripmatomudes Sures Britanijaspäi. Valdkundan konstitucii[2] tuli väghe sil-žo päiväl.

Geografijan andmused[redaktiruida | redigeeri lähteteksti]

Bagaman Sariden geografine kart.

Bagaman Sared sijadase pohjoižpoles Kubalpäi da Kariban merelpäi, suvipäivnouzmpoles ÄUV:oiden Florid-štataspäi. Kaik om läz seičemed sadad sart sarištos, sured koumekümne niišpäi oma elänzoittud. Valdkundan pind om 13,939 km². Valdkundan randad lainištab Atlantine valdmeri. Randanpird om 3542 km.

Valdkundan kaikiš korktemb čokkoim om Alvernii-kukkaz (62 m) Ket-sarel.

Londuseližed varad oma keitandsol, aragonit, mec, kala, mahuz.

Politine sistem[redaktiruida | redigeeri lähteteksti]

Bagaman Sariden parlamentan panoram Nassaus.

Ohjandusen form om unitarine konstitucine monarhii parlamentižen demokratijanke. Valdkundan pämez' om britanijan kunigaznaine — Elizavet Toine. Päministr om otnuden tobmut parlamentan alakodiš partijan lider.

Parlament om kaks'kodine. Üläkodi om Senat (angl.: Senate) 16 ühtnijanke, jenaral-gubernator vahvištab heid. Alakodi om Suiman Kodi (angl.: House of Assembly) 38 ezitajanke, kaik rahvaz valičeb heid videks vodeks.

Bagaman päjärgvaličendad, sidä kesken parlamentan alakodihe, oliba vl 2012 semendkun 7. päiväl. Nügüdläine Margerit Pindling-jenaral-gubernator om radnikuses vs 2014 heinkun 8. päiväspäi. Enzne jenaral-gubernator om Artur Foulks (oli otnu radsijad vozil 2010-2014). Vs 2012 semendkun 8. päiväspäi päministr om Perri Kristi, hän jo oli valdkundan päministran vozil 2002-2007.

Administrativiž-territorialine jagand[redaktiruida | redigeeri lähteteksti]

   Kacu kirjutuz: Bagaman Sariden administrativiž-territorialine jagand.

Bagaman Sared alajagase 31 ümbrikho (angl.: district).

Eläjad[redaktiruida | redigeeri lähteteksti]

Bagaman Saril elädas bagamalaižed.

Toižed sured lidnad (enamba 10 tuh. ristitud vn 2009 rahvahanlugemižen mödhe, surembaspäi penembha): Friport, Uest End.

Vl 2009 eläjiden lugu oli 338,956 ristitud.

Ižanduz[redaktiruida | redigeeri lähteteksti]

Turizm da bankad anttas läz pol't valdkundan kogosüdäiproduktad.

Vl 2009 Bagaman Sariden päeksport oli polistiren (21%), hil'voižim da nukleinmuiktused (18%), kala da merenproduktad (11%); toine eksport — mašiništ (3%), kived (3%), parfümerii (3%), keitandsol (2%), käziinstrument (2%), raud da teraz (2%), avtod da likutimiden varapalad (2%), sodalaivad (1%), cement (1%).

Homaičendad[redaktiruida | redigeeri lähteteksti]

  1. Bagaman Sariden ristitišton endustuz vl 2014 heinkus. — Mail'man faktoiden kirj (Cia.gov). (angl.)
  2. Bagaman Sariden Konstitucijan tekst. — Bahamas.gov.bs. (angl.)

Irdkosketused[redaktiruida | redigeeri lähteteksti]


Pohjoižamerikan valdkundad
Pohjoižamerikan valdkundad
Amerikan Ühtenzoittud Valdkundad (AÜV) | Antigua da Barbud | Bagaman Sared | Barbados | Beliz | Dominik | Dominikanine Tazovaldkund | Gonduras | Grenad | Gvatemal | Haiti | Jamaik | Kanad | Kostarik | Kuba | Meksik | Nikaragua | Panam | Sal'vador | Sent Kits da Nevis | Sent Lüsii | Sent Vinsent da Grenadinad | Trinidad da Tobago