Panam

Vikipedii
Jump to navigation Jump to search
Disambig gray.svg Sil sanal voib olda toižid znamoičendoid; miše nähta niid, tulgat tänna.
Panaman Tazovaldkund
República de Panamá
 Flag
Flag of Panama.svg
 Valdkundznam
Coat of arms of Panama.svg
Pälidn Panam-lidn
Eläjiden lugu (2014) 3 608 431[1] ristitud
Pind 75 420 km²
Panaman Tazovaldkund República de Panamá
Kel' ispanijan
Valdkundan pämez' Huan Karlos Varela
Päministr eile olmas
Religii hristanuskond
Valüt panaman bal'boa (PAB) 
AÜV:oiden dollar (USD) ($)
Internet-domen .pa
Telefonkod +507
Aigvö UTC-5

Panam (isp.: Panamá), täuz' oficialine nimituz — Panaman Tazovaldkund (isp.: República de Panamá), om valdkund Keskuzamerikas. Sen pälidn da kaikiš suremb lidn om Panam-lidn.

Istorii[redaktiruida | redaktiruida purde]

Vl 1821 kül'mkun 28. päiväl Panam tedoti ičeze ripmatomudes Ispanijaspäi.

Vl 1903 kül'mkun 3. päiväl Panam tedoti ripmatomut Kolumbijaspäi.

Jäl'gmäine Konstitucii (nellänz' lugul) om vahvištadud parlamental vl 1972 redukun 11. päiväl, tuli väghe sil-žo vodel. Vozil 1978, 1983, 1993, 1994, 2004 necidä Konstitucijad vajehtihe peneks.

Vl 1968 sodakukerduz oli valdkundas.

Geografijan andmused[redaktiruida | redaktiruida purde]

Panaman topografine kart.

Valdkund sijadase Panaman kaglhal. Sen Panaman kanal om znamasine mail'man torguindan täht.

Panam om mavaldkundröunoiš Kostarikanke (röunan piduz — 348 km) päivlaskmas da Kolumbijanke (339 km) päivnouzmas. Ühthine röun kuivmadme — 687 km. Valdkundan pohjoižed randad lainištab Atlantižen valdmeren Kariban meri, suvižed randad — Tün' valdmeri. Läz Tünen valdmeren randištod om tuha pen't sart. Ühthine randanpird om 2490 km.

Tazangištod levigatas pidust' Panaman molembid valdmererandoid. Reljef om mürk, mäged oma man südäimehe. Kaikiš korktemb čokkoim om Baru-vulkan (toine nimi — De Čiriki) man päivlaskmpoles, 3475 m valdmeren pindan päl. Kaikiš znamasižembad joged oma Rio Čepo, Rio Čagres da Rio Tuir. Langenijad Tünhe valdmerhe joged oma kaikiš surembad da pidembad. Sured vezivaradimed (ratud järved) oma Gatun (Panaman kanalal) da Bajano.

Klimat om meren subekvatorialine mussonine, neps da pil'vekaz. Kaikuččen kun kesklämuz om +24...+29°C päiči mägiš. Semendkul-vilukul paneb sadegid, voden toižel aigal om kuiv sezon. Vodes paneb sadegid 1300-3000 mm regionidme.

Londuseližed varad oma vas'kkivend, kuld, mec, merenproduktad, gidroenergii.

Politine sistem[redaktiruida | redaktiruida purde]

Valdkundan parlamentan pert' Panam-lidnas.

Panam om unitarine konstitucine prezidentine tazovaldkund.

Valdkundan pämez' om prezident. Kaik rahvaz valičeb händast da varaprezidentad 5 vodeks. Toižen strokun ei ole voimust. Prezident om ohjastusen pämez', paneb ministrid radsijha. Ministrad da üks' varaprezident oma abuiš prezidental. Ohjastusele sab säta käskusid.

Parlament om üks'kodine Nacionaline Suim (isp. Asamblea Nacional), sen 71 ühtnijoid mugažo rahvaz valičeb 5 vodeks.

Valdkundan järgenduseližed generaližed valičendad oliba vl 2014 semendkun 4. päiväl, parlamentan ühtnijoid da prezidentad valitihe. Nügüdläine Huan Karlos Varela-prezident sai 39,1%.

Administrativiž-territorialine jagand[redaktiruida | redaktiruida purde]

   Kacu kirjutuz: Panaman administrativiž-territorialine jagand.

Panam jagase 10 agjaha (provincijha) (isp. provincia) da 3 avtonomižhe agjaha (isp. comarca indígena). Völ om 2 avtonomišt ümbrikod agjoiden paloikš. Agjad alajagase 66 ümbrikho (isp. distrito), niiden keskes 10 oma lidnümbrikod. Ümbrikoid alajagadas 630 municipalitetha (isp. corregimiento).

Eläjad[redaktiruida | redaktiruida purde]

Panamas elädas panamalaižed.

Panaman toižed sured lidnad (enamba 70 tuh. ristituid vl 2010, surembaspäi penembha): San Migelito, Tokumen (nened kahted oma Panaman ezilidnad), David, Las Kumbres, Kolon.

Ižanduz[redaktiruida | redaktiruida purde]

Panaman päeksport om antibiotikad (28%), kivivoi (11%); toine eksport om laivad (6%), zelläd (5%), sobad, kuld, bananad, kala, kofe, sahar.

Homaičendad[redaktiruida | redaktiruida purde]

  1. Panaman ristitišton endustuz vl 2014 heinkus. — Mail'man faktoiden kirj (Cia.gov). (angl.)

Irdkosketused[redaktiruida | redaktiruida purde]


Pohjoižamerikan valdkundad
Pohjoižamerikan valdkundad
Amerikan Ühtenzoittud Valdkundad (AÜV) | Antigua da Barbud | Bagaman Sared | Barbados | Beliz | Dominik | Dominikanine Tazovaldkund | Gonduras | Grenad | Gvatemal | Haiti | Jamaik | Kanad | Kostarik | Kuba | Meksik | Nikaragua | Panam | Sal'vador | Sent Kits da Nevis | Sent Lüsii | Sent Vinsent da Grenadinad | Trinidad da Tobago