Šablon:Motd/2025-07

2018: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31

01

Jemenan Sanaan Nostal'gii-pajo, edesti Hussein Moheb-pajatai Yemeni Tunes-koncertan aigan Parižas, organizator Heritage Symphonies project. Tämbäi (1. heinku) om Jemenan pajon päiv. Audion hätkeližuz om 6 min 2 s, 21. kül'mku 2023.

Source file/Файл-источник Toižetada Allekirjutez
Label in English / Подпись на русском

02

Nece video om sätud Alamaiš, Anna Leijstra-pagižii lugeb alaman kelen bil'dts-dialektal (8,5 tuh. kandajid). Bil'dts:an augotižlibund om erazvuitte i om sidodud päivlaskmaižfrizijan kel'he sen paloin. Pagin om regionaližeks valdkundan Frislandii-agjan täht. Videon hätkeližuz om 1 min 19 s, 16. reduku 2018, tegi Gillem Belmar (Guillem Belmar).

Source file/Файл-источник Toižetada Allekirjutez
Label in English / Подпись на русском

03

Anglijankel'žen Vikipedijan Climate-kirjutusen («Klimat») suline versii vn 2023 semendkun redakcijas. Audion hätkeližuz om 17 min 31 s, 18. semendku 2023, tegi Morrisjm-kävutai.

Source file/Файл-источник Toižetada Allekirjutez
Label in English / Подпись на русском

04

200 («Kaks' sadad») om lühüd mul'tfil'm veroližes stiliš AÜV:oiden kaks'sadandale jubilejale vl 1975. Rezissör Vins Kollinz (Vincent Collins). Videon hätkeližuz om 3 min 17 s, tegi valdkundaližen propagandan AÜV:oiden informacine agentuz (United States Information Agency) läz 1975. vot, anglijan kelel.

Source file/Файл-источник Toižetada Allekirjutez
Label in English / Подпись на русском

05

Anglijankel'žen Vikipedijan Logic-kirjutusen («Logik») suline versii vn 2023 kül'mkun redakcijas. Audion hätkeližuz om 1 čas 8 min 35 s, 4. kül'mku 2023, äneti Thrownfootfalls-kävutai, anglijan kelen šotlandijan paginal.

Source file/Файл-источник Toižetada Allekirjutez
Label in English / Подпись на русском

06

Alüminijan jodidan oiktan sintezan egzoenergetine reakcii: 2Al(s) + 3I₂(s) = 2AlI₃(s). Severz'-se veden tippuid oli ližatud tuhkitadud alüminijan i jodan segoitushe zavodimha reakcijad. Videon hätkeližuz om 32 sekundad, 7. kezaku 2016, tegiba phh. Kirillan i Mefodijan universitetan tedomehed Pohjoižmakedonijan Skopje-pälidnas.

Source file/Файл-источник Toižetada Allekirjutez
Label in English / Подпись на русском

07

Neciš Hubblecast-videoserijas nomer 19 Doktor Džei (Dr. J) vedab meid «Sil'mäd taivhal»-fil'man (angl.: Eyes on the Skies) kahtenden palan kal't, se om Rahvahidenkeskeižen astronomižen ühtnendan oficialižeks i pühätadud teleskopan melestehmižen 400-voččele jubilejale vl 2009. Videon hätkeližuz om 9 min 35 s, 3. sügüz'ku 2008, tegi Evropan kosmosagentuz.

Source file/Файл-источник Toižetada Allekirjutez
Label in English / Подпись на русском

08

Čarli Čaplin-akt'oran rol' (Džonni) vn 1914 zavodindan amerikaižes lühüdpiduzližes «Tehten paukatud radod eloho näht»-bigifil'mas (angl.: Making A Living). Se om ezmäine fil'm Čaplinan ühtnendanke akt'oraks. Videon hätkeližuz om 8 min 51 s.

Source file/Файл-источник Toižetada Allekirjutez
Label in English / Подпись на русском

09

Mani Rimdu om 19-päiväline festival', buddizman uskojad oigetas sidä Nepalan Džomolungman regionas religijan Rinpoče Padmasambhava-gurun-alusenpanijan muštoks. Se festival' kogoneb koumetoštkümnes aigtegoišpäi, kudambad mülütadas religiiceremonijoiden, karguiden da draman erazvuiččid elementoid. Lamoiden i šerpoiden sur' kogo vasttas Tengboče-jumalankodiš i sadas mel'hüvüt festivalin aigtegoišpäi: pühäd kargud mask päl da maskoita, loičendad, banketad. Videon hätkeližuz om 2 min 44 s, 8. kül'mku 2022.

Source file/Файл-источник Toižetada Allekirjutez
Label in English / Подпись на русском

10

Britanine (šotlandine) Uil'jam Dalrimpl-istorik (William Benedict Hamilton-Dalrymple, sünd. 1965) starinoičeb Ost-Indijan kompanijan čudokahas istorijas otten aluseks ičeze «Anarhii: Ost-Indijan kompanijan rattematoi libund»-kirjad (angl.: The Anarchy: The Relentless Rise of the East India Company), kudamb kändihe rahvahidenkeskeižeks bestselleraks. Ezmäižen globaližen korporativižen vägen levigandusen istorii kulub nügüd'aigižikš i opendab. Videon hätkeližuz om 1 čas 5 min 29 s, tegi British Library.

Source file/Файл-источник Toižetada Allekirjutez
Label in English / Подпись на русском

11

Raudtesauvojan mašinan rad, raudten udištamine Köl'nan i Düssel'dorfan keskes läz Köl'n-Štammhaim-stancijad (saks.: Köln-Stammheim), Pohjoine Rein da Vestfalii-federacijanma, Saksanma. Swietelsky-kompanijan tenpanii RU 800-S om 650 tonnad vedutte i 700 metrad pitte, voib otta vanhid rel'soid, špaloid da šebnäd i panda kaiked ut ühtenaigašti. Videon hätkeližuz om 5 min 40 s, 26. sulaku 2018.

Source file/Файл-источник Toižetada Allekirjutez
Label in English / Подпись на русском

12

Britanine istorijan da paleografijan Džulija Krik-tedonaine (Julia Crick, sünd. 1963), Londonan Kunigazližen kolledžan professor, tedoidab kaht käzikirjutest Britanižes kirjištospäi, kudambad todištadas normandijalaižiden i anglijalaižiden ühthižtöid Anglijan normandižen anastandan jäl'ghe vl 1066. Normandine Vil'hel'm I Anastai oli Anglijan kunigahan vll 1066−1087. Videon hätkeližuz om 2 min 53 s, 22. kül'mku 2018, tegi The British Library.

Source file/Файл-источник Toižetada Allekirjutez
Label in English / Подпись на русском

13

Must pihllind (latin.: Turdus merula) sötlese figpun (inžiran) ploduil. Om kaceltud Tuluzan ezilidnas, Francijan suvipäivlaskm. Videon hätkeližuz om 1 min 5 s, 12. sügüz'ku 2015, tegi Gyrostat.

Source file/Файл-источник Toižetada Allekirjutez
Label in English / Подпись на русском

14

Ruskedpakuine vauktanke kodikaži lipsutab vet lavalpäi, vitkotud kuvaduz. Videon hätkeližuz om 24 sekundad, 29. tal'vku 2016, tegi Grendelkhan-kävutai.

Source file/Файл-источник Toižetada Allekirjutez
Label in English / Подпись на русском

15

Veroline ukrainan Сіно моє, сіно-pajo («Hein minun, hein»), edestab Rahvahaline navedijoiden «Zor'a V. Plütins'kijan nimed»-hor (ukr.: Народний аматорський хор "Зоря ім. В. Плютинського"), Zor'an küläkundan Kul'turan da joudan Palac Zor'a-keskuz (Zor'a-pert'kulu), Rovnon agj, Ukrainan lodeh. Videon hätkeližuz om 3 min 44 s, 26. keväz'ku 2023, tegi Natalija Läšik-kävutai (Наталія Ляшик).

Source file/Файл-источник Toižetada Allekirjutez
Label in English / Подпись на русском

16

Trinity test («Stroic»-kodv anglijan kelespäi) tegihe südäitukazegišton ezmaižeks detonacijaks, Alamogordo-poligon, Nju Meksiko-štat, Amerikan Ühtenzoittud Valdkundad. Atombomban poukahtuz oli tehtud AÜV:oiden armijan ühtnendanke kut Manhettenan projektan pala, 80 vot tagaz necil päiväl, 16. heinku 1945. Videon hätkeližuz om 13 sekundad, 1945, tegi AÜV:oiden energetikan departament (U.S. Department of Energy).

Source file/Файл-источник Toižetada Allekirjutez
Label in English / Подпись на русском

17

Vn 1945 heinku Berlinas, Saksanma, 80 vot tagaz, Toižen mail'man sodan murendusiden jäl'ghe: Trümmerfrauen («ruinoiden naižed») ratas. Videon hätkeližuz om 52 sekundad, 1945, tegi Special Film Project 186-aigtegon ühtnii, AÜV:oiden armijan il'mvägiden pala sen aigan (U.S. Army Air Forces).

Source file/Файл-источник Toižetada Allekirjutez
Label in English / Подпись на русском

18

Kulundiškendan video. Nägub, se oli nelländen pol'ven sodameriaviacijan Grumman F-14 Tomcat-murendai (pästtihe vll 1974−1992, oli kävutandas vll 1974−2006), ületab leten Mah 1-pigut läz 30 metras veden päl, amerikaižen laivan i aviakandajan keskes. Kulundlaineh kuvastase veden pindaspäi edel lendint. Mugažo pilot, nägub, pästi signalraketoid leten siriči laivoiš. Videon hätkeližuz om 8,1 sekundad, 30. sulaku 2005 vai sen aigemba.

Source file/Файл-источник Toižetada Allekirjutez
Label in English / Подпись на русском

19

«Keralan jäl'gmäine meckunigahuz»-serijan mannan-heimos (angl.: Last Forest Kingdom of Kerala) ezmäine pala («Augotižlibund», The Origin). Se om unikaline ühthižkund, kaiči ičeze identižust Keral-štatan Päivlaskmaižiden Gatoiden mecoiš, Indijan suvi. Videon hätkeližuz om 4 min 56 s, 29. keväz'ku 2025, tegi Earthlore by Archival and Research Project (ARPO).

Source file/Файл-источник Toižetada Allekirjutez
Label in English / Подпись на русском

20

«Keralan jäl'gmäine meckunigahuz»-serijan mannan-heimos (angl.: Last Forest Kingdom of Kerala) kahtenz' pala («Pajel Iruthal – Laskii likkuda takaine», Payel Iruthal – The Path to Letting Go). Se om unikaline ühthižkund, kaiči ičeze identižust Keral-štatan Päivlaskmaižiden Gatoiden mecoiš, Indijan suvi. Pajel Iruthal om koumevozne verotego mušttamha kolijoiden polhe: seičeme päiväd vodes kolnuden partnör ištub kourudel i spravitase hilläšti johtutaden. El'gendajan kaikile ristituile verotegon pä om elon, kargun i joudutandan Kalavuttu-festival' (angl. Kalavvoottu). Kackat, kut opaluz andase ihastusele i verod oigetas spravitandad. Videon hätkeližuz om 11 min 11 s, 5. sulaku 2025, tegi Earthlore by Archival and Research Project (ARPO).

Source file/Файл-источник Toižetada Allekirjutez
Label in English / Подпись на русском

21

«Keralan jäl'gmäine meckunigahuz»-serijan mannan-heimos (angl.: Last Forest Kingdom of Kerala) koumanz' pala («Kalavuttu – Kargun, arvostusen andan i grähkanheitandan jogavozne festival'», Kalaavoottu - Annual Festival of Dance, Tribute & Atonement). Se om unikaline ühthižkund, kaiči ičeze identižust Keral-štatan Päivlaskmaižiden Gatoiden mecoiš, Indijan suvi. Festival' om loštai aigtego, znamoičese karguil, muzikal da verotegoil. Sebr keradase ühthe, miše loitas i toda jogavoččid andoid ičeze jumaloile, tehta veroližid Mannan Koothu-karguid, pakita armahtust da blahoslovindad tulebale vodele. Trauran seičemepäiväline Pajel Iruthal-verotego vaumičeb üläihastusid, abutab spravitandale da ühtmudele kolnuziden läheližiden arvostusen mušton aktan kal't. Videon hätkeližuz om 10 min 33 s, 18. sulaku 2025, tegi Earthlore by Archival and Research Project (ARPO).

Source file/Файл-источник Toižetada Allekirjutez
Label in English / Подпись на русском

22

Zavodiden puišt ümbrikacundan kezrad ristitunke vedandvägeks, 1. eloku 2012. Video 25 sekundad hätkte om sätud Šveicarijan rahvahanpäiväl 2012 Ženevan keskuzližen Plenpale-rajonan torgul (Plaine de Plainpalais), Ženevan kanton, Šveicarii, tegi Clément Bucco-Lechat-kävutai.

Source file/Файл-источник Toižetada Allekirjutez
Label in English / Подпись на русском

23

Video ümbrikacundan ogibalas London Eye-kezras («Londonan sil'm») fokusiruindanke sen tehnologijal, 24. reduku 2016. Se ümbrikacundan kezr om kaikiš surembišpäi mail'mas, 135 m kortte, om saudud vll 1993−1999 i sijadase Temzan suvirandal London-pälidnas, Sur' Britanii. Videon hätkeližuz om 7 min 42 s, tegi Kauko Helavuo-kävutai.

Source file/Файл-источник Toižetada Allekirjutez
Label in English / Подпись на русском

24

Sildoiden ganzan Gamburg-lidn vasttab päidust. Sil-žo aigal Deutsche Bahn AG-kompanijan NightJet 470-raudteekspress Cürihaspäi ületi ajaden enamba tuhad kilometrid i tuleb Gamburgan ezilidnoihe. Jonuz läksi Šveicarijaspäi enččel ehtal i ristikoiči matkas läz kaiked Saksanmad öližen aigan. Videon hätkeližuz om 14 min 28 s, nägu fiksiruidud vedimen kabinas kameraspäi, 23. kül'mku 2024.

Source file/Файл-источник Toižetada Allekirjutez
Label in English / Подпись на русском

25

Evropine Polistes dominula-bapshaine sab monarh-lipkaižen (latin.: Danaus plexippus) gaved'madod asklepiasan Asclepias fascicularis-erikon änikusespäi universitetižen Palo Alto-lidnan keskuzpalas, San Hosen lodehline ezilidn, Kalifornii-štat, Amerikan Ühtenzoittud Valdkundad. Pala om ozutadud piguden nelländesel. Videon hätkeližuz om 3 min 46 s, om sätud vn 2025 valdkundan Ripmatomuden päiväl (4. heinku), tegi Dennis.insect.filmer-kävutai.

Source file/Файл-источник Toižetada Allekirjutez
Label in English / Подпись на русском

26

Dron lendab Rod-Ailend-štatan administrativižen Providens-keskusen palan päl, Amerikan Ühtenzoittud Valdkundad, 29. keväz'ku 2025. Videon hätkeližuz om 2 min 58 s, tegi Wheeler Cowperthwaite-kävutai.

Source file/Файл-источник Toižetada Allekirjutez
Label in English / Подпись на русском

27

Penen lihansöjan Drosera capensis-kazmusen vitkotud kuvaduz (Suviafrikan Tazovaldkundan suven endemik), se tabazi i söb plodkärbhašt. Todesižes aigas se scen oti nell' časud. Videon hätkeližuz om 17 sekundad, 3. heinku 2009, tegi Scott Schiller-kävutai.

Source file/Файл-источник Toižetada Allekirjutez
Label in English / Подпись на русском

28

Policii kändab kassetšlibakoid varuitomikš Kijevas Venäman öližen londan jäl'ghe raketoil da dronoil edel vn 2025 kezakun 17. päivän päidust. Šlibakoiden pala putui äižiruižen pertin fateroihe da läheli sidä. Kaik 28 ristitud pölištuiba i 134 lidnalašt vai sen enamba oliba satatadud sen londan rezul'tataks. Videon hätkeližuz om 56 sekundad, tegi Ukrainan nacionaline policii, Kijevan policijan kommunikacijoiden palakund.

Source file/Файл-источник Toižetada Allekirjutez
Label in English / Подпись на русском

29

Huan Mari Beltran (Juan Mari Beltran) Soinuenea-muzejaspäi Oiarsun-lidnuden municipalitetas (avtonomižen Baskma-ühthižkundan pohjoižpäivnouzm, Ispanii) vändab levitadud mail'mas vargan-rahvahansoitol. Videon hätkeližuz om 1 min 2 s, 20. reduku 2020, tegi Soinuenea-kävutai.

Source file/Файл-источник Toižetada Allekirjutez
Label in English / Подпись на русском

30

Amerikaine jumalanboronaine (latin.: Scolopax minor) londuseližes Mushorn-kel'dtahos (angl.: Moosehorn National Wildlife Refuge 116,35 nellikkilometrad pindal), Men-štatan päivnouzmaine čoga mererandanno i Kanadan röunanno, Amerikan Ühtenzoittud Valdkundad. Ned lindud likkudas vedaden hibjan massad jaugaspäi toižhe, i čibudas päl ühtenaigašti. Ned likundad kožudas äjidenke pajoidenke! Antkat tedoid meile teiden naprindoiš, ku lindäs. Videon hätkeližuz om 18 sekundad, 20. sulaku 2018, tegi Keith Ramos/USFWS Headquarters (AÜV:oiden kalan i mecelon radnikoičend).

Source file/Файл-источник Toižetada Allekirjutez
Label in English / Подпись на русском

31

Alüminijan jodidan oiktan sintezan egzoenergetine reakcii: 2Al(s) + 3I₂(s) = 2AlI₃(s). Severz'-se veden tippuid oli ližatud tuhkitadud alüminijan i jodan segoitushe zavodimha reakcijad. Videon hätkeližuz om 32 sekundad, 7. kezaku 2016, tegiba phh. Kirillan i Mefodijan universitetan tedomehed Pohjoižmakedonijan Skopje-pälidnas.

Source file/Файл-источник Toižetada Allekirjutez
Label in English / Подпись на русском