Mine sisu juurde

Šablon:Motd/2024-05

Vikipedii-späi

2025: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2024: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2023: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2022: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2021: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2020: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2019: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2018: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31

01[vajehtada tekst]

Filosofijan Karl Marks-tedomehen meled baskankel'žes Ikusgela-saitaspäi, ližatud subtitroidenke. Videon hätkeližuz om 8 min 19 s, 16. kül'mku 2023.

Source file/Файл-источник Toižetada Allekirjutez
Label in English / Подпись на русском

02[vajehtada tekst]

Francijan Nacionaline al'pinizman naižiden ühthižjouk (franc.: Équipe Nationale d'Alpinisme Féminine / ENAF) ekspedicijan aigan Nepalas. Videon hätkeližuz om 10 min 12 s, 3. tal'vku 2012.

Source file/Файл-источник Toižetada Allekirjutez
Label in English / Подпись на русском

03[vajehtada tekst]

«Nanuk Pohjoižespäi» (angl.: Nanook of the North) om vn 1922 amerikaine dokumentaline mustvauged bigifil'm. Sen režissör, prodüser i scenarist om Robert Flaerti (Robert J. Flaherty), tegi Pathé Exchange-kompanijan täht. Flaertin ezmäine täuz'piduzline fil'm, toi znamasišt kommertišt satust i panendad kinematografha. Om fil'mdud Kanadan Gudzonan lahten randal, starinoičeb inuitoiden veroližes elos. Tegii mäni 16 kud rahvahan keskes ecmäs raudkivendod (löuzi, no vajagan ladun), fil'mzi i sid'-žo ozuti inuitoile, ku oli tehtud vigoid fil'mdandan aigan, ka sai nevondoid heišpäi. Videon hätkeližuz om 1 čas 18 min 3 s.

Source file/Файл-источник Toižetada Allekirjutez
Label in English / Подпись на русском

04[vajehtada tekst]

Mülüanimacii plüšbobaižidenke vn 2024 Tur de Frans-velovoibuižiden täht, mugažo Tur de Frans naižiden täht 2024- i Tur El'zas 2024-aigtegoile. Videon hätkeližuz om 35 sekundad, 24. sulaku 2024, tegi Tomas Bresson (Thomas Bresson), Bel'for-lidn, Francii.

Source file/Файл-источник Toižetada Allekirjutez
Label in English / Подпись на русском

05[vajehtada tekst]

Rhipsalidopsis gaertneri-erikon änikoičii kaktus Äipäivän aigan, libub Brazilijan suvespäi. Tämbäi (5. semendku) om Äipäiv ortodoksižes hristanuskondas. Videon hätkeližuz om 17 sekundad, 5. sulaku 2016, vitkotud kuvaduz.

Source file/Файл-источник Toižetada Allekirjutez
Label in English / Подпись на русском

06[vajehtada tekst]

K2-18-sisteman tähtaz (124 vauktuzvodes Maspäi) i K2-18b-planet oma necil pirdajan kuval. Nügüd'aigan K2-18b om üks'jäine egzoplanet Superma-statusanke, kudambas vezi om olmas i lämuz voib pid'oitelda elod. Planet om avaitud vl 2015 Kepler-teleskopan abul. Tedoidajad kävutiba sadud vozil 2016−2017 andmusid NASA:n/ESA:n Habbl-teleskopan abul, sädiba algoritmid tähtazvauktusen analizan täht, kudamb fil'truiše planetan atmosferan kal't. Rezul'tataks löutihe vezipurun molekulärišt allekirjutest, mugažo fiksiruihe vezinikad i gelijad planetan atmosferas. Videon hätkeližuz om 24 sekundad, 12. sügüz'ku 2019, tegi ESA/Hubble.

Source file/Файл-источник Toižetada Allekirjutez
Label in English / Подпись на русском

07[vajehtada tekst]

Irdpol'žen veden sauboiden (ned oma kingston-klananad paksus) rušind Pearson 530-purehvenehel kohendusen tehmižen täht, 10. tal'vku 2023. Videon hätkeližuz om 24 min 38 s.

Source file/Файл-источник Toižetada Allekirjutez
Label in English / Подпись на русском

08[vajehtada tekst]

Amerikaižen Keti Adel'son-violižnikan (Katy Adelson) originaline Ghost Ship-pajo («Laivannägund») raundanke (se-žo lopmätoi kanon, konz melodii om sätud renghaks), Denver, Kolorado-štat, 22. uhoku 2019, +50 F lämudel (+10 C°). Videon hätkeližuz om 2 min 55 s.

Source file/Файл-источник Toižetada Allekirjutez
Label in English / Подпись на русском

09[vajehtada tekst]

Nägud il'maspäi sur'veziš Ural-jogel Orenburg-lidnas, Orenburgan agj, Venälaine Federacii, vn 2024 10. sulakud. Videon hätkeližuz om 9 min 31 s.

Source file/Файл-источник Toižetada Allekirjutez
Label in English / Подпись на русском

10[vajehtada tekst]

Kitajine migrant-naine ujub Rio Grande-joges iliči Matamoros-lidnaspäi (Tamaulipas-štat, Meksikan pohjoižpäivnouzmaine röun) AÜV:oihe (Braunsvill, Tehas-štat) vn 2023 semendkun 10. päiväl. Videon hätkeližuz om 6 min 32 s, tegi Voice of America-kompanii.

Source file/Файл-источник Toižetada Allekirjutez
Label in English / Подпись на русском

11[vajehtada tekst]

Amerikaižiden «Apollon»-kosmoslaivoiden (angl.: Apollo) missijoiden aig (1960−1975). Videon hätkeližuz om 28 min 40 s, tegi NASA Kennedy Space Center.

Source file/Файл-источник Toižetada Allekirjutez
Label in English / Подпись на русском

12[vajehtada tekst]

Nece video om pühätadud udessündutadud Šotlandijan parlamentan radon 20-voččele jubilejale (angl.: Scottish Parliament, šotl.-kel't.: Pàrlamaid na h-Alba, šotl.-saks.: Scots Pairlament). Se om avaitud Edinburgas, Sur' Britanii, vn 1999 semendkun 12. päiväspäi (mäni 25 vot). Mülütab 129 ühtnijad, valitas heid nelläks vodeks, kudenz' kucund radab vn 2021 semendkuspäi. Videon hätkeližuz om 3 min 30 s, 1. heinku 2019, tegi Šotlandijan parlament.

Source file/Файл-источник Toižetada Allekirjutez
Label in English / Подпись на русском

13[vajehtada tekst]

Vn 1942 lühüdpiduzline «Lugendlehtesiden jonuz»-fil'm (angl.: Newspaper Train) ozutab, kut lugendlehtesed leviganziba Sures Britanijas Blic-sodan aigan (Toižen mail'man sodan pala, 7. sügüz'ku 1940 — 11. semendku 1941). Tarkoiged i objektivine press oli tarbhaine tagamas. Videon hätkeližuz om 6 min 7 s, tegi Suren Britanijan Informacijan ministruz, om digitaliziruidud Imperižen Sodamuzejan keradusespäi.

Source file/Файл-источник Toižetada Allekirjutez
Label in English / Подпись на русском

14[vajehtada tekst]

Tenggol-sar' (mal.: Pulau Tenggol) Malaizijan päpalan i sen Terengganu-štatan päivnouzmas, 24 kilometras sen kontinentaližes mererandaspäi: čomad nägud dronaspäi i loštajad korallrifad čuklos 4K-tarkoiktusenke. 0:00 Saren nägud, 3:37 Lahten rajon, 5:23 Saren fotokuvad dronaspäi, 14:36 Čukloitelend čudho, 29:02 Paindud johtutesed i hüväšt'jätand. Videon hätkeližuz om 30 min 13 s, 6. heinku 2023.

Source file/Файл-источник Toižetada Allekirjutez
Label in English / Подпись на русском

15[vajehtada tekst]

Venälaižen Federacijan Moskv-pälidnan nägud vn 2023 13. semendkud lidnan metron jonusespäi Kolomenskaja- i Tehnopark-stancijoiden keskes: Nagatinskii-metrosild (0:27—1:23), Moskvanjogi (0:45—1:08) i «Sar' unikuvaspäi»-bobuštuzpark (ven.: Остров мечты, 1:40—1:48) nägudas videos, kudamb om pühätadud Moskvan metropolitenan avaidusen 89. voz'päiväle. Videon hätkeližuz om 2 min 10 s.

Source file/Файл-источник Toižetada Allekirjutez
Label in English / Подпись на русском

16[vajehtada tekst]

Päivnouzmaine Tohopekalig-järv (angl.: East Lake Tohopekaliga pindanke 48,43 km², läz kahesad kilometrad diametral, 5,5 m süvütte) Osceol-ümbrikos, Florid-štatan päivnouzman keskuzpala, AÜV. Videon hätkeližuz om 1 min 9 s, 16. semendku 2023.

Source file/Файл-источник Toižetada Allekirjutez
Label in English / Подпись на русском

17[vajehtada tekst]

Raketoiden Bolduin Čen-tedoidai-navedii (Baldwin Chen) ümbrikirjutab mašinad kodvimha raketlikutint gibridižel poltusel, Navedijoiden eksperimentaline raketlaboratorii Dakk-pälidnas, Amerikaine rahvahidenkeskeine universitet Bangladešas (angl.: American International University-Bangladesh). Projektan vei: Vasiul Bahar (Wasiul Bahar), videografad Ižand Rafi i Ibragim Hasan. Videon hätkeližuz om 3 min 22 s, 20. reduku 2023.

Source file/Файл-источник Toižetada Allekirjutez
Label in English / Подпись на русском

18[vajehtada tekst]

Vl 1940 Uz' Zelandii sai jablokoiden hüväd satust, i niiden sur' liig tegihe. Sodan mänend znamoiči, miše ei voi oli oigeta eksportpakitoitusid laivoil, ka piidab oli kulutada jablokoiden millionad konorid valdkundan südäimes. Kävutihe kommertižen radion väged, i nece sätud Ivan Perrin:al The New Zealand Apple Song («Udenzelandine jablokpajo») sai vägestust valdkundan jablokoiden edenendan pajon konkursas. Se pajo kändihe panijan muštho džinglan aigaližeks ozuteseks. Audion hätkeližuz om 2 min 30 s, edesti Theo Walters' Personality Band vl 1940.

Source file/Файл-источник Toižetada Allekirjutez
Label in English / Подпись на русском

19[vajehtada tekst]

Mi om datakeskusen südäimes? Video starinoičeb sen tehnižes infrastrukturas. Jagused: 00:00 Hüvät tulgat andmusiden ümbriradmižen keskushe: insaideran matk, 01:27 Keskpagoine UPS (rattematoman sötmižen purde) maihutuzkezranke, 02:53 Dizel'generatoran honuses, 08:13 Klimatkontrol': pompanhonuz, vilugoituzsistemad i purutuzčuhundused, 11:00 Optine kuid, andmusiden oigenduz i liigaižuz, 16:48 Il'man kondicionerad i ületud lavan vilugoituz serverhonuses, 19:18 Elektrusen järgendusen analiz serverhonuses, 21:43 Kut Deft kaičeb Colo-škapoid, 22:44 Serveroiden holituz varapaloiden i holitusen honuses. Videon hätkeližuz om 29 min 52 s, 29. viluku 2024, tegi Lawrence Systems.

Source file/Файл-источник Toižetada Allekirjutez
Label in English / Подпись на русском

20[vajehtada tekst]

Istorine rekonstrukcii Toižen mail'man sodan muštoks Meru Moval'-kundas vn 2024 8. päiväl semendkud, Territorii Bel'for-departament, Francii. Sen sodan Vägestusen päiv oigendase Evropan maiš 8. semendkud. Videon hätkeližuz om 1 čas 13 min 16 s.

Source file/Файл-источник Toižetada Allekirjutez
Label in English / Подпись на русском

21[vajehtada tekst]

Man ratud Starlink-kaimdajiden vitkotud kuvaduz, kut ned mändas Šveicarijan öližes taivhas Al'piden Čuggen-mägen päl (saks.: Tschuggen 2521 m ü.m.t. kortte), nägu Mürren-küläspäi (suks'kurort-ki) Bernan kantonan suves. Starlink-kaimdajiden gruppiruind kävutase andmaha tulendan sidod Internetha (m.n. skainet). Videon hätkeližuz om 12 sekundad, 8. semendku 2021.

Source file/Файл-источник Toižetada Allekirjutez
Label in English / Подпись на русском

22[vajehtada tekst]

Nece vn 1986 video ozutab, kut Man ratud kaimdajan andmusiden ümbriradmižen mahtuz (mul'tuspektraline skaniruind) voib paremboita läžundoiden löudmišt i niiden spravitandad. Videon hätkeližuz om 3 min 33 s, tegi amerikaine NASA STI Program.

Source file/Файл-источник Toižetada Allekirjutez
Label in English / Подпись на русском

23[vajehtada tekst]

Har'kivan metropolitenan nügüd'aigaižen 81-7036/7037-modelin elektrojonuz (tehtihe Kremenčug-lidnas) Jaroslav Mudrijan stancijal (ukr.: Ярослава Мудрого), Ukrain, 4. tal'vku 2019: jonusen tulend i lähtend ajaden. Stancii om saudud 30 m süvüdel (kaikiš süvemb), vll 1984−2024 sen nimituz oli Puškinskaja. Videon hätkeližuz om 1 min 2 s.

Source file/Файл-источник Toižetada Allekirjutez
Label in English / Подпись на русском

24[vajehtada tekst]

Vn 1989 lugendgidrodinamikan (angl.: Computational Fluid Dynamics, CFD) grafik sel'gitase nenil ozutesil: šattlan lendusen problemad, F-18-lendimen il'mvalud, ratud südäikera, rotor-stator koverikahambidenke labidoidenke. Videon hätkeližuz om 24 min 25 s, 26. keväz'ku 2012, tegi NASA STI Program.

Source file/Файл-источник Toižetada Allekirjutez
Label in English / Подпись на русском

25[vajehtada tekst]

Tülenid londuseližes ümbrištos Raudisandur-kül'bendrandanno (isl.: Rauðisandur), lühüdaigaine kaclend dronan abul varuitomas keskustaspäi, Vestfirdir-pol'sar' i region Islandijan lodehes, 5. eloku 2023. Nägub, miše dron om lähemba živatoidennoks mi om digitaližen 1,5x-tobnendusen tagut, zum oli ližatud kaičemha tüleniden holetomut. Videon hätkeližuz om 30 sekundad, tegi Giles Laurent.

Source file/Файл-источник Toižetada Allekirjutez
Label in English / Подпись на русском

26[vajehtada tekst]

Dronan lenduz Babel'sberg-lidnuses ümbri (saks.: Schloss Babelsberg, sauvuz om letud vll 1835−1849) Brandenburg-federacijanman administrativižes Potsdam-keskuses, Berlinan päivlaskmaine ezilidn, Saksanma, 21. kezaku 2019. Videon hätkeližuz om 2 min 52 s.

Source file/Файл-источник Toižetada Allekirjutez
Label in English / Подпись на русском

27[vajehtada tekst]

«Dinaburga»-raudteekspress DMU DR1A-187 zavodib ajelendad DaugavpilsRig-maršrutadme, lähtend Daugavpils-Passažirine-stancijaspäi, Latvii, 19. semendku 2011. Likutimen avaiduz i äi savud. DR1 znamoičeb «Dizel'jonuz Rigaspäi, 1. toižend». Videon hätkeližuz om 3 min 14 s.

Source file/Файл-источник Toižetada Allekirjutez
Label in English / Подпись на русском

28[vajehtada tekst]

Istorijan andmusiden vizualizacii sel'gitajas «Viž koverad, kudambad vajehtiba mail'mad»-videos (angl.: Five graphs that changed the world). Videon hätkeližuz om 5 min 57 s, 24. keväz'ku 2023, tegi The Royal Society britanižen BBC-kompanijan meletusiden mödhe.

Source file/Файл-источник Toižetada Allekirjutez
Label in English / Подпись на русском

29[vajehtada tekst]

Spiraline Messje 74-galaktik (vai М74, NGC 628) sijadase läz 30 millionad vauktuzvozid keskustal meišpäi. Se om galaktikan üks' möhembiš kuvišpäi, om sadud NASA:n/EKA:n Habbl-kosmosteleskopan abul. Kosmosobjektan hijamad oma čomitadud vezinik-gazan loštabil ruskedvauvhil agjoil i oma pidatadud vauhsinižel vauktusel noriden tähthiden millionoišpäi. Videon hätkeližuz om 5 min 44 s, 29. kül'mku 2007.

Source file/Файл-источник Toižetada Allekirjutez
Label in English / Подпись на русском

30[vajehtada tekst]

Tedoidagat amerikaižen NASA:n antennad 70 metrad diametral edahaižen kosmižen sidon täht (angl.: Deep Space Network, DSN), 5. eloku 2021. Mugoman suruden antennad ratas üksin verkon koumes keskuses: Fort Irvin-sodabaz amerikaižen Kalifornii-štatan suves, Madrid, Kanber. Video 360°, sen hätkeližuz om 2 min 24 s, tegi NASA.

Source file/Файл-источник Toižetada Allekirjutez
Label in English / Подпись на русском

31[vajehtada tekst]

«Tundmatoi» (angl.: The Unknown) om vn 1927 AÜV:oiden čomamahtoine bigifil'm draman i ülävarun žanras. Tegi Metro-Goldwyn-Mayer-kompanii 217 tuhad US$ budžetaspäi. Režissör Tod Brauning, prodüser Irving Tal'berg, scenaristad Tod Brauning, Uoldemar Jang i Džozef Farnhem. Vändiba pärolid: Lon Čeini (veičiden kädetoi Alonzo-čudii), Džoan Krouford (Nanon Zanzi, cirkan pidajan tütär), Norman Kerri (cirkan Malabar-vägič). Alonzo i Norman armastadas Nanonad, no Alonzon naprindad vedadas ičeze surmannoks. Videon hätkeližuz om 1 čas 6 min 40 s.

Source file/Файл-источник Toižetada Allekirjutez
Label in English / Подпись на русском