Šablon:Motd/2025-09

1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30

01

Päiväižen laskman aigan vitkotud kuvaduz rahvahaližes Josemite-puištos (angl.: Yosemite National Park 3070 km² pindal), Kalifornii-štatan keskuzpalan päivnouzm, AÜV. Kuvahaine ličese ülähäks Hafdoum-mägen-kall'on pautkedme (Half Dome «pol'kumpal» 2696 m ü.m.t.), nägu Jäžoman čokkoimespäi (Glacier Point, Gleišer-Point 2199 m ü.m.t.). Savu palospäi levitase taivhadme. Videon hätkeližuz om 11 sekundad, 15. heinku 2023, tegi G. Edward Johnson-kävutai.

Source file/Файл-источник Toižetada Allekirjutez
Label in English / Подпись на русском

02

Ozutai koncentriruidud rikmuiktusen degidratacijan ičendad reakcii: 2C₁₂H₂₂O₁₁(s) + 2H₂SO₄(l) = 23C(s) + CO₂(g) +2SO₂(g) + 24H₂O(g). Konz koncentriruidud rikmuiktuz reagiruib saharozanke, ka jäl'gmäižen vitk karbonizacii tegese. Reakcii kaimdase gazoiden tehmižel, kudambad abutadas vahtanvuiččen hil'nikproduktan sädandale, se ülendase himižen stokanan päl. Videon hätkeližuz om 1 min 49 s, 7. kezaku 2016, tegiba phh. Kirillan i Mefodijan universitetan tedomehed Pohjoižmakedonijan Skopje-pälidnas.

Source file/Файл-источник Toižetada Allekirjutez
Label in English / Подпись на русском

03

Cikadan (latin.: Cicadidae) X-pol'ven jäl'gmäižen verendan vitkotud kuvaduz, Montgomeri-ümbrik, Merilend-štat, Vašingtonan pohjoine ezilidn, Amerikan Ühtenzoittud Valdkundad. Tegihe üht kuvad 15 sekundas 2,5 časud öližen aigan. Videon hätkeližuz om 34 sekundad, 15. semendku 2021, tegi G. Edward Johnson-kävutai.

Source file/Файл-источник Toižetada Allekirjutez
Label in English / Подпись на русском

04

Fil'mdud dronan abul Toksuei-vezilanktendan nägu (angl.: Toxaway Falls) damban taga ühtennimižel privatižel ratud järvel (2,6 km²) i Toksuei-jogel, Pohjoižkarolin-štatan suvipäivlaskm, Amerikan Ühtenzoittud Valdkundad. US64-mante mäneb dambadme, seižundtaho om sen teverel, voib tehta seižundad i kacta ümbrištod. Videon hätkeližuz om 9 min 21 sekundad, 30. eloku 2020, tegi Nature In 4K By: Paul King-kävutai.

Source file/Файл-источник Toižetada Allekirjutez
Label in English / Подпись на русском

05

Venäman imperijan Pötr Čaikovskii-muzikankirjutajan «Melanholine serenad»-säduz (ven.: Меланхолическая серенада, franc.: Sérénade mélancolique, uhoku 1875), hänen ezmaine tö violižen orkestranke täht. Gregor Monlun (Grégor Monlun) edesti sädust, tegi änetust da mikširui Sintia Vong (Cynthia Wong) vl 2010 anglijankel'žes Konkordii-universitetas (Université Concordia / Concordia University, Monreal', Kanad). Audion hätkeližuz om 10 min 26 sekundad.

Source file/Файл-источник Toižetada Allekirjutez
Label in English / Подпись на русском

06

Ümbrikacundan Maulangren-lava (angl.: Mawlangren view point) päidusen aigan Kinši-jogen päl (Kynshi River), Meghalai-štat Indijan päivnouzmaižes sarakos. Štatan nimi kändase kut «pil'viden kodisija», i lavalpäi voib nähta pil'vid alahan. Sätud dronan abul videon hätkeližuz om 49 sekundad, 25. kül'mku 2023, tegi Wann Majaw-kävutai.

Source file/Файл-источник Toižetada Allekirjutez
Label in English / Подпись на русском

07

Levitadud Pohjoižamerikas rusked orav (latin.: Tamiasciurus hudsonicus) kuleb kroikoin kidoid, lühüd fragment. Meclondusen Mel'hüvüden alangišt-kel'dtaho (angl.: Pleasant Valley Wildlife Sanctuary 5,7 km² pindal), Lenoks-lidnut, Berkšir-ümbrik Massačusets-štatan päivlaskmas, AÜV:oiden pohjoižpäivnouzm. Videon hätkeližuz om 9,2 sekundad, 10. heinku 2025, tegi Paul Danese-kävutai.

Source file/Файл-источник Toižetada Allekirjutez
Label in English / Подпись на русском

08

Kanadan armijan kinohronik oli kümneminutižed fil'mad, kaikutte mülüti severt-se süžetoid. Levigandihe hronikoid armijadme of the troops, by the troops and for the troops-frazanke («sodavägiš, ičeze sodavägil i sodavägiden täht»). Nece om vn 1942 rolik nomer 01, südäiolend kogoneb kudes palaspäi. Videon hätkeližuz om 11 min 22 s, tegi Kanadan armijan fil'moiden da foton alajaguz (Canadian Army Film and Photo Unit), om ottud Kanadan kirjištos da arhivaspäi.

Source file/Файл-источник Toižetada Allekirjutez
Label in English / Подпись на русском

09

Kanadižed Xanterra Bombardier-lumiavtod tehtas niiden jäl'gmäižen matkan Hudus-tahondas (Hoodoos), rahvahaline Jellouston-puišt (angl.: Yellowstone National Park 8983 km² pindal), Vajoming-štatan lodeh i lähižed štatad, Amerikan Ühtenzoittud Valdkundad, 1. keväz'ku, 2016. Videon hätkeližuz om 1 min 14 s, tegi YellowstoneNPS-kävutai.

Source file/Файл-источник Toižetada Allekirjutez
Label in English / Подпись на русском

10

Kül'mehtujan muil bul'kun nägu jän kristalloidenke, ned likkudas Marangonin effektan mödhe. Om filmdud Makgregor-lidnudes, Minnesot-štatan keskuzpalan pohjoižpäivnouzm, Amerikan Ühtenzoittud Valdkundad. Videon hätkeližuz om 24 sekundad, 3. uhoku 2023, tegi Lorie Shaull-kävutai.

Source file/Файл-источник Toižetada Allekirjutez
Label in English / Подпись на русском

11

Karolan sildan nägud (saks.: Carolabrücke El'bas päliči) päiväs sen palahižen (päkeskustan) roimahtandan jäl'ghe Drezdenas (Saksonii-federacijanman administrativine keskuz, Saksanma), üks' voz' tagaz tarkoikti. Jäl'ghine kodv ozuti, miše piidab panda mantazole sildan kohetud-ki vspäi 2019 paloid, i tehtihe sidä männuden voden aigan paloin. Eziauguine sild oli saudud vll 1892−1895 i oli poukahtadud Germanijan tobmuden käskön mödhe vn 1945 7. semendkud, miše pideta nevondkundaližen armijan tungendad. Vajehtui sild oli sätud vll 1967−1971. Videon hätkeližuz om 1 min 24 s, 11. sügüz'ku 2024, tegi gunnar•baumann•medienproduktion-kävutai.

Source file/Файл-источник Toižetada Allekirjutez
Label in English / Подпись на русском

12

Lunad Man atmosferas RKS:an laidalpäi (29. ekspedicii) sen lendusen aigan Tünen valdmeren päl Avstralijaspäi Keskuzamerikhasai, 18. sügüz'ku 2011. Videon hätkeližuz om 36 sekundad, tegi Crew Earth Observations team at Johnson Space Center.

Source file/Файл-источник Toižetada Allekirjutez
Label in English / Подпись на русском

13

Enriko Karuzo i Nelli Mel'ba pajatadas duetal, edestadas O soave fanciulla-fragmentad («Voi, sula fantazijantegii») italižen Džakomo Puččini-muzikankirjutajan vn 1896 «Bogem»-operaspäi (La bohème). Se änetuz om tehtud Nju Jorkas vn 1907 24. keväz'kud. Audion hätkeližuz om 3 min 21 sekundad, om ottud victor.library.ucsb.edu-saitalpäi.

Source file/Файл-источник Toižetada Allekirjutez
Label in English / Подпись на русском

14

Bananine nälömič (latin.: Ariolimax)-heimospäi likkuse Biver-järven puištos (angl.: Beaver Lake Park 22 ga pindal) Sammamiš-lidnas, King-ümbrik lodehližen Vašington-štatan päivlaskmas, Sietlan ezilidn, AÜV. Sen heimon živatad oma kaikiš järedambad Pohjoižamerikan nälömičuišpäi, sasoiš 25 santimetrhasai pitte. Likundan minutpiguz om 17 santimetrhasai, elädas üks'.. seičeme vot. Videon hätkeližuz om 1 min 1 s, 13. kezaku 2022.

Source file/Файл-источник Toižetada Allekirjutez
Label in English / Подпись на русском

15

«Kažin murgin» (franc.: Le Déjeuner des Minet) om vn 1906 francine lühüdpiduzline bigifil'm Estel' Roi de Mendit-aktrisan ühtnendanke (Estelle Roy de Menditte). Videon hätkeližuz om 1 min 31 s.

Source file/Файл-источник Toižetada Allekirjutez
Label in English / Подпись на русском

16

Tailand om täuz' usklematomid veroid i mel'hetartust endišt. Naku om üks' niišpäi: pajolinduiden voibištelend. Erased-se neniš mehišpäi piidadas ičeze kodiš koumekümnehe pajolindhusai. Hö opetas arvokahid linduid pajatada märitud tonoil valitud harjoitusiden da tehnikoiden abul, i muga vaumitas voibištelendoiden täht. Videon hätkeližuz om 2 min 37 s, 19. semendku 2015, tegi FAT MANGO Showreel-kävutai, subtitroidenke anglijan kelel.

Source file/Файл-источник Toižetada Allekirjutez
Label in English / Подпись на русском

17

Evropine kapospedr (latin.: Dama dama subsp. dama) londuseližes Granat-puištos (saks.: Naturwildpark Granat 60 ga pindal), Hal'tern-am-Ze-lidn, Pohjoine Rein da Vestfalii-federacijanman keskuzpalan lodeh, Saksanma. Videon hätkeližuz om 2 min 11 s, 17. eloku 2014 vai sen aigemba, tegi Frank Vincentz-kävutai.

Source file/Файл-источник Toižetada Allekirjutez
Label in English / Подпись на русском

18

Neciš videos fraktalan toižetamine erazvuiččiš strukturoiš da formiš om ozutadud. Siš päličmänendad i ičepojavuz vizualiziruidas, ned oleldas kaikenaigašti. Voib lugeda subtitroiš, midä näged, paremboičemha el'gendust. KIFS znamoičeb «kaleidoskopine iteracine funkcionaline sistem», kävutadas niid sistemid sauvomha fraktaloid. Videon hätkeližuz om 4 min 9 s, 9. kül'mku 2019, tegi PantheraLeo1359531-kävutai.

Source file/Файл-источник Toižetada Allekirjutez
Label in English / Подпись на русском

19

Sorzad kül'ptas Knollenteich-uitos viluhu vedhe kacmata, Hof-lidnan Krötenbruk-ümbrik, Bavarii-federacijanman pohjoižpäivnouzmaine čoga, Saksanma. Järven pind kül'mehtui päiči sidä sijad; nacein, siš veden tulend om. Videon hätkeližuz om 35 sekundad, 4. uhoku 2025, tegi PantheraLeo1359531-kävutai.

Source file/Файл-источник Toižetada Allekirjutez
Label in English / Подпись на русском

20

Päiväižen lähine peizaž om järgendusetoi, vajehtub kaikenaigašti. Evropan kosmižen agentusen Solar Orbiter-apparat fil'mzi läbisirdandad meiden tähthan atmosferan alašoiduišpäi palabale irdpol'žele vencale. Hibusihe pojavad strukturad kogotas plazmaspäi (gazaspäi täudenke), kudamb likkub pidust' magnitkendan vägijonoid, lähtnuzid Päiväižen südäipalaspäi. Kaikiš loštambiš tahoiš lämuz om läz millionad gradusoid Cel'sijan mödhe, sil-žo aigal vilumb material nägub pimedaks, adsorbiruib sädegoičendad. Nece video om sätud vn 2023 27. sügüz'kud Solar Orbiter-apparatan Extreme Ultraviolet Imager (EUI)-ladimen abul. Videon hätkeližuz om 46 sekundad, tegi Evropan kosmine agentuz.

Source file/Файл-источник Toižetada Allekirjutez
Label in English / Подпись на русском

21

Florid-štatan laudkund kalaižandusen i meclondusen kaičendas (angl.: Florida Fish and Wildlife Conservation Commission, AÜV), ühthižtöiš Eskambii-ümbrikon merivaroiden palakundanke (Escambia County Marine Resources Division) upoti Ocean Wind-buksirad («Valdmeren tullei») terazkorpusanke 26,5 metrad pitte vn 2016 14. vilukud, i nügüd' se venub 26 metrad süvüdel kümnes merimijläs suvipäivnouzmha Pensakol-sal'melpäi Meksikan lahten veziš. Se buksir kändihe Eskambii-ümbrikon ratud rifaks, i varastadas, miše se linneb populärižeks merikalatesen i daivingan täht. Videon hätkeližuz om 1 min 14 s, om ottud YouTube:n FWC Saltwater Fishing-kanalaspäi.

Source file/Файл-источник Toižetada Allekirjutez
Label in English / Подпись на русском

22

Pleurez, pleurez, mes yeux («Itkat, itkat, minun sil'mäd» francijan kelespäi) francižen Žül' Massne-muzikankirjutajan nell'aktaižes Sid-operaspäi (Le Cid, 1885), edesti bel'gine Margerita Sil'va-pajatai (Marguerita Sylva, 1875−1957) Edison Records-kompanijan täht vl 1910 (Edison Amberol #40021). Audion hätkeližuz om 4 min 21 sekundad.

Source file/Файл-источник Toižetada Allekirjutez
Label in English / Подпись на русском

23

Valdmeren lainhed Mesa-del'-Mar-külänno (Mesa del Mar), Tenerife-saren pohjoižpäivnouzman lodeh, avtonomine Kanarižed Sared-ühthižkund, Ispanii. Videon hätkeližuz om 29 sekundad, 23. sulaku 2023, tegi Mike Peel-kävutai.

Source file/Файл-источник Toižetada Allekirjutez
Label in English / Подпись на русском

24

Tehtud vll 2018−2022 kuvišpäi nägub, kut hilen lignitan Garcvailer-kar'jer (Garzweiler) läheneb penennoks Lütcerat-külännoks (Lützerath, 50 rist. vl 2010), Pohjoine Rein da Vestfalii-federacijanman päivlaskm, Saksanma. Lopuks, protestoiden jäl'ghe, vn 2023 vilukus külälaižed oliba sirtud sišpäi, i ristituiden tulend külähä oli kel'tud. Tuleban aigan planiruidas käta kar'jerad järveks. Videon hätkeližuz om 6,4 sekundad, 15. viluku 2023, tegi Pierre Markuse-kävutai Copernicus Sentinel-kosmoskaimdajan vn 2022 andmusiden mödhe.

Source file/Файл-источник Toižetada Allekirjutez
Label in English / Подпись на русском

25

Indine (Järgeline) pavlin-lindun (latin.: Pavo cristatus) ritual äikerdoičendha näht londuseližes Penč-puištos (angl.: Pench National Park 758 km² pindal), Madh'ja Pradeš- i Maharaštr-štatoiden röunal, Indijan keskuzpala. Videon hätkeližuz om 1 min 11 sekundad, 14. sulaku 2024, tegi Rohit Sharma-kävutai.

Source file/Файл-источник Toižetada Allekirjutez
Label in English / Подпись на русском

26

Kalatesen festival' om Bangladešan kaikiš vanhembiš veroližišpäi. Külälaižiden i kalatajiden sadanikad ühtnedas sihe praznikha spontanižikš. Hö kävutadas tehtud bambukaspäi püdusid i kävudas pol'vehesai vedes, unohtaden kezan palahtelendoiš i ihastudes ičeze sebranikoidenke, konz püdas kalad ičeze čoumoil. Videon hätkeližuz om 1 min 41 sekundad, 5. tal'vku 2020, tegi Azimronnie-kävutai.

Source file/Файл-источник Toižetada Allekirjutez
Label in English / Подпись на русском

27

Joksii Kilauea-lämoimägedme (Kīlauea, 1243 m ü.m.t.) lavanvalu, Havaji-sar', Havaji-štat, AÜV, edel vn 2018 semendkun-elokun lavanheitandad saren Pun-ümbrikos (Kilauea-mägen sijaduz). Videon hätkeližuz om 39 sekundad, sulaku 2018, tegi Christoph Strässler-kävutai.

Source file/Файл-источник Toižetada Allekirjutez
Label in English / Подпись на русском

28

Radanuden hilel Radžli-elektrostancijan (angl.: Rugeley power station ühtennimižes lidnas) gradirniden (vilugoitajiden čuhundusiden) panend mantazole, Staffordšir-grafkund pohjoižhe Börmingemaspäi, Anglijan keskuzpalan päivlaskm, Sur' Britanii. Videon hätkeližuz om 1 min 46 s, 6. kezaku 2021, tegi Voice of Clam-kävutai.

Source file/Файл-источник Toižetada Allekirjutez
Label in English / Подпись на русском

29

Vol'fgang Amadeus Mocart-muzikankirjutajan Simfonii No. 36 (om sätud vl 1783). Nece om koumanz' likund, om edestadud Tsumugi-orkestral, kaimdai Takasi Inoue, vn 2013 vilukun 20. päiväl Fukuok-lidnan Suenaga-kul'turkeskusen zalas, Japonii. Audion hätkeližuz om 3 min 40 sekundad.

Source file/Файл-источник Toižetada Allekirjutez
Label in English / Подпись на русском

30

Hörmheinän (latin.: Chamerion angustifolium) semenkonorüt avaidase, konz painda kebnas sihe pincetal. Kazmuz om sadud i fil'mdud Tuntorp-tahondas, Brastad-žilo, Lüsečil'-municipalitet, Ročinma. Fil'mdihe sauptud honuses kaikenaigaižen tullein tagut. Ezmäižen palan temp om järgeline, sid' vitkostase. Videon hätkeližuz om 25 sekundad, 23. heinku 2024, tegi W.carter-kävutai.

Source file/Файл-источник Toižetada Allekirjutez
Label in English / Подпись на русском