Šablon:Motd/2025-12

2018: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31

01

Mi om RIV i SIDS? RIV, vai ristitun immunodeficitan virus, om retrovirusan kaks' toižendad, ned inficiruidas ristitun immunižid stajid. Aigan mändes immunižed stajad koldas, se väll'düb immunižen sisteman i muga laskeb pacientoile tartutadas toižil virusoil. Nece video sel'gitab virusinfekcijan patofiziologijad, mugažo starinoičeb RIV:an tärktoiš znamoiš i simptomiš, SIDS:an klinižiš markeroiš. Diagnostikan i spravitandan ümbrikacund andase. Tämbäi (1. tal'vkud) om Mail'man borcuindan päiv SIDS:ad vaste (angl.: World AIDS Day). Videon hätkeližuz om 9 min 55 s, 18. sulaku 2016, om ottud Osmosis-aluzkundan open.osmosis.org-saitalpäi.

Source file/Файл-источник Toižetada Allekirjutez
Label in English / Подпись на русском

02

Amerikaine Džeimi Foks-kinoakt'or da pajatai (Jamie Foxx) pagižeb RIV-virusan pošavan aktualižuses noriden afroamerikalaižiden keskes i kucub ristituid ei olda vaitti RIV:an polhe Iknow-kampanijan ramuziš («Minätedan»). Videon hätkeližuz 1 min 6 s, 3. keväz'ku 2010, tegi Centers for Disease Control and Prevention (Keskused läžundoiden kontroliš da profilaktikas), anglijan kelel.

Source file/Файл-источник Toižetada Allekirjutez
Label in English / Подпись на русском

03

Manalaine video čukloitelendoiš akvalanganke londuseližes Garažau-kel'dtahos (port.: Reserva Natural Parcial do Garajau), avtonomine Madeir-region, Portugalii. Videon hätkeližuz 1 min 49 s, 25. reduku 2016, tegi Victor Marafona-kävutai.

Source file/Файл-источник Toižetada Allekirjutez
Label in English / Подпись на русском

04

Amerikaižen Creative Commons-organizacijan (CC) edespagin Wikimania 2023-aigtegon aigan (mäni Suntec Singapore Convention and Exhibition Centre-sauvuses, Singapur, 16.-19. eloku 2023) siš, kut ratud intellekt ristikoičese CC:n enamba mi kaks'kümnevoččenke istorijanke, kudamb abutab avoinuziden tedoiden i avoinuden kul'turan levigandusele kaikes mirus ičeze licenzijoiden i juridižiden instrumentoiden abul. Videon hätkeližuz 30 min 56 s, 18. eloku 2023.

Source file/Файл-источник Toižetada Allekirjutez
Label in English / Подпись на русском

05

Veloühtenzoitusen openduzkirj: kut ei riktižihe sindai. Nece video ozutab tetransportan erasid-se problemoid Slovenijan Lüblän-pälidnas. Videon hätkeližuz 2 min 22 s, 14. sulaku 2012, tegi idioterna-kävutai, tekstanke anglijan kelel.

Source file/Файл-источник Toižetada Allekirjutez
Label in English / Подпись на русском

06

Video biologižiš mikrobotoiš (Xenobots). Ned projektiruidud komputeran abul organizmad oma ratud löcun stajišpäi i äikerdoičesoiš iče (ezmäižed mugoižed mirus). Videon hätkeližuz üks' minut, 29. kül'mku 2021, tegi Vermontan universitet (AÜV), tekstanke anglijan kelel.

Source file/Файл-источник Toižetada Allekirjutez
Label in English / Подпись на русском

07

Video ezmäižiš käzišpäi: toštmižištutamine Moskvan metropolitenan Mičurinskii prospekt-stancijal Suren Rengazjonon i Solncevskajan jonon keskes, Venälaine Federacii. Päličmänend om avaitud vn 2021 7. tal'vkud. Videon hätkeližuz 7 min 42 s, 11. tal'vku 2021, tegi trolleway-kävutai.

Source file/Файл-источник Toižetada Allekirjutez
Label in English / Подпись на русском

08

Veden pohjanno linearizuidud tazostusiden analitine pätand kaks'märaižes oigedsaumaižes basseinas, cunamin aldoiden levigandusen simuläcii märitud purtkennopäi. Videon hätkeližuz 33 sekundad, 10. sulaku 2018, tegi Kraaiennest-kävutai.

Source file/Файл-источник Toižetada Allekirjutez
Label in English / Подпись на русском

09

Oktaveran effektan ozutand basgitaral (oktaveran Markbass-suks'). Videon hätkeližuz 2 min 34 s, 26. sügüz'ku 2014, tegi Manuel Pino-kävutai.

Source file/Файл-источник Toižetada Allekirjutez
Label in English / Подпись на русском

10

Tramvaid i trolleibusad Portugalijan Lissabon-pälidnan jonoil, 17. uhoku 2017. Videon hätkeližuz 4 min 57 s, tegi Braien Lokvud-kävutai (Brian Lockwood).

Source file/Файл-источник Toižetada Allekirjutez
Label in English / Подпись на русском

11

Lühüd jogakuine ümbrikacund tal'vkus, otab Vikipedijan 2020 in science-kirjutust aluseks (2020. voz' tedos). Nece om videoiden serijaspäi, kudamb laskeb teta jäl'gmäižiš suriš tedotöiš i tedoidusiš. Videon hätkeližuz 13 min 46 s, 25. viluku 2021, tegi Prototyperspective-kävutai.

Source file/Файл-источник Toižetada Allekirjutez
Label in English / Подпись на русском

12

Sadud lidar-tehnologijan abul (kävutab lazerlokatorad) keskaigaližen zamkan seinidenke video Tetford-jarmanklidnas (Tetfordan zamk, angl.: Thetford Castle), Norfolk-grafkundan Breklend-rajon (Breckland), Anglii, Sur' Britanii. Eziauguine Tetfordan zamk, ezimeletaden, 11. voz'sadan normannoiden rengazsauvuz Red Castle-nimenke («Rusked zamk»), oli vajehtadud 12. voz'sadan surembal zamkal seinidenke lidnan vastpoles. Tetfordan zamk mülüti ičheze raudaigan lidnusen paloid. Videon hätkeližuz 40 sekundad, 17. reduku 2017, tegi Rouven Meidlinger-kävutai.

Source file/Файл-источник Toižetada Allekirjutez
Label in English / Подпись на русском

13

Nju Jorkan metropolitenan (angl.: MTA New York City Subway) vitkotud kuvaduz, Amerikan Ühtenzoittud Valdkundad, om pigustadud 16 kerdha. Keskust: Far Rockaway/Mott Ave — Inwood/207th St.. Muzikfon witch house-žanran kuluse 3:57-aighasai, sid' kahtenz' trek psybient-žanran. Videon hätkeližuz 6 min 14 s, 10. i 28. semendku 2019.

Source file/Файл-источник Toižetada Allekirjutez
Label in English / Подпись на русском

14

Aresibo-teleskopan 305 metrad surtte murendusen video vn 2020 tal'vkun 3. päiväl, Puerto Riko, AÜV. Teleskop oli kävutadud oigendamha kaikiš aigaližemban takaidud tähthidenkeskeižen radiotedotusen oigendamižen täht («tedotuz Aresibospäi»), kudambad ristitkund i Ma oigetihe vl 1974 sijatud läz 25 tuhas vauktuzvodes tähtazsistemha. Se oli saudud vl 1963 i jäi mail'man kaikiš surembaks teleskopaks ühtenke aperturanke vhesai 2016. Oli tedodadud sen lähtendan kävutandaspäi ühtes kus edel sen ičemurendust. Videon hätkeližuz 1 min 54 s, tegi National Science Foundation (Nacionaližen tedon fond).

Source file/Файл-источник Toižetada Allekirjutez
Label in English / Подпись на русском

15

Meckühkjaižed kül'ptäs fontanas, Buen-Retiro-puišt (isp.: Parque del Buen Retiro / El Retiro 118 ga pindal, kunigazline enččes), Ispanijan Madrid-pälidn. Videon hätkeližuz 42 sekundad, 8. tal'vku 2025, tegi Earth605-kävutai.

Source file/Файл-источник Toižetada Allekirjutez
Label in English / Подпись на русском

16

Kofen tehmine eläb krizisas läbi klimatan toižetamižen tagut. Vodele 2050 kožujiden kofen kazvatandan täht maiden pind voib poleta kahthe kerdha korktembiden lämuziden i sän äkkiližiden nägusiden tagut. Neciš dokumentaližes videos (tegi Context News) tedoitadas globaližen lämšundan valatoitandad kofen tehmižes. Starinoitas kofen kazmusen enččiš toižendoiš, kudambid kazvatadihe da mödihe mail'madme enamba mi voz'sada tagaz, i ned voidas kätas tarbhaižikš möst ümbrišton vajehtusiden tagut. Videon hätkeližuz 11 min 12 s, 8. uhoku 2024.

Source file/Файл-источник Toižetada Allekirjutez
Label in English / Подпись на русском

17

Anglijankel'žen Vikipedijan Sustainable energy-kirjutusen («Seižui energetik») suline versii. Audion hätkeližuz om 58 min 29 s, 10. viluku 2022, tegi thrownfootfalls-kävutai.

Source file/Файл-источник Toižetada Allekirjutez
Label in English / Подпись на русском

18

3I/ATLAS-händtähthan ezimeletadud traektorijan animacine video. Se tähthidenkeskeine objekt läbitaškandeb Päiväižen sisteman südänt vn 2025 lopus i linneb kaikiš lühüdambal keskustal Mannoks (269 millionad kilometrid) homen, 19. tal'vkud. Kut nägub videos, taivhaližen hibjan te venub Päiväižsisteman planetorbitoiden lapakos pindas tarkoikti. Videon hätkeližuz 22 sekundad, 10. heinku 2025, tegi CSS, D. Rankin, videon tegii om Renerpho-kävutai.

Source file/Файл-источник Toižetada Allekirjutez
Label in English / Подпись на русском

19

Videorolik siš, kut elefant tegeb čomamahton sädust, om fil'mdud elefantoiden Maes-lageriš (Maesa), Čiangmai-lidn, Tailand. Elefantad oma kaikiš melevambiš živatoišpäi mirus, heil oma besedoičendan avarod voimused, emocijoiden süvüz, kompleksižed praktikad (mugomad kut kul'turkal'huziden andand i instrumentoiden kävutand). Videon hätkeližuz 17 sekundad, 21. uhoku 2012, tegi Deror Avi-kävutai.

Source file/Файл-источник Toižetada Allekirjutez
Label in English / Подпись на русском

20

Mustpäine kudoi-lind (latin.: Ploceus melanocephalus) sauvob ičeze pezad Kibale-mecan rahvahaližes puištos (angl.: Kibale forest National Park, suah.: Hifadhi ya Taifa ya Kibale, 766 km² pindal), Ugandan päivlaskm, 13. tal'vku 2022. Videon hätkeližuz om 38 sekundad.

Source file/Файл-источник Toižetada Allekirjutez
Label in English / Подпись на русском

21

Elo Ganas vl 1979 (serb.: Život u Gani 1979. godine). Video 3 min 21 s hätkte om edestadud Afrikanižen čomamahton muzejal Belgradas (Serbijan pälidn) Wikipedian in Residence-programan ramuziš («Vikipedist rezidencijas»), kudambad Wikimedia Serbia todenzoitab.

Source file/Файл-источник Toižetada Allekirjutez
Label in English / Подпись на русском

22

«Tün' ö» (täuz' eziauguine nimituz saks.: Stille Nacht, heilige Nacht «Tün' ö, pühä ö»), om edestadud vn 1920 restavriruidud Weber Duo-Art-fortepjanol. Se om populärine Raštvoiden pajo, Franc Ksavjer Gruber (Franz Xaver Gruber) sädi muzikad vl 1818 Jozef Moran runoile (Joseph Mohr) Oberndorfas läz Zal'cburgad, Avstrii. Vl 2011 säduz om tedotadud UNESCO:l materialatoman kul'turjäl'gusen objektaks. Videon hätkeližuz 1 min 4 s, 25. tal'vku 2016, tegi Chris Strobel-kävutai, The Christmas Star-al'bomaspäi.

Source file/Файл-источник Toižetada Allekirjutez
Label in English / Подпись на русском

23

Vikipedijan integracijan opendushe märpordaz i opendamine projektan alusel, Pen-Yuan Hsing-kävutajan edespagin, 14. sügüz'ku 2017. Videon hätkeližuz 14 min 56 s, anglijan kelel.

Source file/Файл-источник Toižetada Allekirjutez
Label in English / Подпись на русском

24

Raštvoiden dekoracijad vn 2024 lopus: Pakaiž-ukod seištas vallästadud pedroidenno i anttas lahjoid, Kornmarktcenter:an südäin («Villäntorguz») Bautcen-lidnas, Saksonii-federacijanman päivnouzm, Saksanma. Videon hätkeližuz 12 sekundad, 4. tal'vku 2024, tegi Fiver, der Hellseher-kävutai.

Source file/Файл-источник Toižetada Allekirjutez
Label in English / Подпись на русском

25

Štargund Raštvoiden aigan lidnan La Florida-puištos (isp.: Parque de la Florida), avtonomižen Baskma-ühthižkundan administrativine Vitorija-Gasteis-keskuz, Ispanijan pohjoine. Videon hätkeližuz 24 sekundad, 27. tal'vku 2023, tegi Zarateman-kävutai.

Source file/Файл-источник Toižetada Allekirjutez
Label in English / Подпись на русском

26

«Kanzan sadus» (sloven.: Na domačem vrtu) om vn 1906 slovenine i Avstrijan da Mad'jaranman lühüdpiduzline dokumentaline bigi fil'm. Tegi Karol Grossmann — ezmäižiš slovenižiš režissöroišpäi Avstrijas da Mad'jaranmas, hänen heimolaižed ühtniba fil'mha. Videon hätkeližuz 1 min 47 s.

Source file/Файл-источник Toižetada Allekirjutez
Label in English / Подпись на русском

27

Sigaferman Avstralijas radon video vn 2025 elokus, tegi Farm Transparency Project («Fermoiden sel'ktuz»-projekt). Pojavan videon publikoičendan jäl'ghe se Andgar-sigaferm (angl.: Andgar Piggery) Dublin-lidnudes läz Adelaidad, Suviavstralii-štat, oli kodvdud, i vn 2025 heinkuspäi Kunigazline sebr Avstralijan živatoiden kovad pidandad vaste endustuses (Royal Society for the Prevention of Cruelty to Animals of Australia) tegeb tedoidust ezimeletadud živatoiden kovan pidandan tagut. Videon hätkeližuz 1 min 55 s.

Source file/Файл-источник Toižetada Allekirjutez
Label in English / Подпись на русском

28

Kundaližen elektrotransportan oldtaimerad (tramvaid i trolleibusad) Portugalijan Lissabon-pälidnan jonoil, 6. eloku 2016. Videon hätkeližuz 15 min 46 s, tegi jazzcool-kävutai.

Source file/Файл-источник Toižetada Allekirjutez
Label in English / Подпись на русском

29

Kävelendan (Guleindan) video Serbijan Novi Sad-lidnadme, 14. kül'mku 2019. Lidn sijadase valdkundan pohjoižes, Dunain randal, siš jaugnikoiden keskuz i Petrovaradin-lidnuz oma. Videon hätkeližuz 52 minutad, tegi POPtravel-kävutai.

Source file/Файл-источник Toižetada Allekirjutez
Label in English / Подпись на русском

30

Hihtandan video mägisuksil i suks'nikoiden libutim Krvavec-mägel (1853 m ü.m.t. kortte), Al'piden Kamnik — Savinj-mäged läz Kran'-lidnad kaks'kümnes kilometras lodeheze Lüblän-pälidnaspäi, Slovenii. Videon hätkeližuz om 42 sekundad, 14. tal'vku 2021, tegi ModriDirkac-kävutai.

Source file/Файл-источник Toižetada Allekirjutez
Label in English / Подпись на русском

31

Praznikambuškelused uden 2016. voden kanman Madeir-sarel, avtonomižen Madeir-regionan administrativine Funšal-keskuz, Portugalii, 31. tal'vku 2015. Videon hätkeližuz 8 min 29 s, tegi Peter Curtis-kävutai.

Source file/Файл-источник Toižetada Allekirjutez
Label in English / Подпись на русском