Šablon:Motd/2025-08

2018: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31

01

Edestadud karil'jonal Šveicarijan ezmäine Rufst du, mein Vaterland-valdkundpajo («Hoštust sinei, minun ma», oli oficialižeks vll 1848−1961). Sen melodii om ühtejitte Suren Britanijan, Kanadan, Uden Zelandijan i Lihtenšteinan nügüdläižidenke valdkundpajoidenke i tetab kut God Save the King («Jumal, kaiče Kunigast»), pojavuz provocirui severt-se diplomatižid incidentoid. Tämbäi (1. eloku) om Šveicarijan rahvahanpäiv. Audion hätkeližuz om 52 sekundad, 1927.

Source file/Файл-источник Toižetada Allekirjutez
Label in English / Подпись на русском

02

Diversibipalium-heimon erikon lihansöi lapak mado (sötlese madoil, edenoil, nälömičuil, gavedil) Geoplanidae-sugukundaspäi (830 erikod) ujeleb takaižedme londuseližes Tomson-puištos (angl.: Thomson Nature Park 50 ga pindal) Singapuran keskuzpalas. Videon hätkeližuz om 18 sekundad, 1. semendku 2025, tegi Brandon Seah-kävutai.

Source file/Файл-источник Toižetada Allekirjutez
Label in English / Подпись на русском

03

Anglijankel'žen Vikipedijan History-kirjutusen («Istorii») suline versii. Audion hätkeližuz om 59 min 39 s, 23. heinku 2025, tegi Cardboard Moose-kävutai, anglijan kelen East Midlands-paginal.

Source file/Файл-источник Toižetada Allekirjutez
Label in English / Подпись на русском

04

Meiden büdžet om röunatud, ka ecim odvembid blödoid surustamha ičtain, arvonke madalamb mi $2,5, Singapur. Ned pened laukad oma harvad meiden ekonomijan aigas, i om mel'hetartust teta, mikš möjad pidadas madalid arvoid i kut hö jädas plüsas sil-žo aigal. Löutihe kaikiš odvembid kuaičap:oid (tailandan keitandan blöd). Videon hätkeližuz om 12 minutad, om ottud söndan ecijoiden sethlui.com-saitalpäi vn 2025 kezakus.

Source file/Файл-источник Toižetada Allekirjutez
Label in English / Подпись на русском

05

AÜV:oiden Tramp-prezidentan administracii planiruib heitta Nevondkundan himižes varuitomudes finansiruindad (U.S. Chemical Safety Board)^[1], kudamb tedoidab himižid onetomuzid tegimišton edheotandoiš i publikuib necen kartte informacižid videorolikoid. 27-voččen organizacijan vozne büdžet om US$14,4 mln, štat om vähemb mi 50 radajid. Videon hätkeližuz om 5 min 23 s, 23. kezaku 2025, tegi USCSB.

↑ Trump administration proposes defunding Chemical Safety Board, raising concerns in Southeast Texas (Trampan administracii taričeb heitta Nevondkundan himižes varuitomudes finansiruindad, se kucub holid Tehasan suvipäivnouzmas) Youtube-saital. (angl.)

Source file/Файл-источник Toižetada Allekirjutez
Label in English / Подпись на русском

06

Video Keskaigan eläjiden uskoiš, mi varasti grähkanpezoid surman jäl'ghe: adun mokičendad. Videon hätkeližuz om 54 sekundad, 22. heinku 2024, Saksanman ZDF-mediikompanijan Terra X-teleoigendusen fragment, saksan kelel, om anglijankel'ne-ki versii.

Source file/Файл-источник Toižetada Allekirjutez
Label in English / Подпись на русском

07

Source file/Файл-источник Toižetada Allekirjutez
Label in English / Подпись на русском

08

Video sel'gitab filosofijan empirizm-joksendad. Videon hätkeližuz om 8 min 1 s, 28. viluku 2025, subtitroidenke, om ottud baskankel'žes Ikusgela-openduzsaitalpäi.

Source file/Файл-источник Toižetada Allekirjutez
Label in English / Подпись на русском

09

«Murgin vinkarzn'as» (angl.: Breakfast at the Bodega) om vn 2022 amerikaine lühüdpiduzline fil'm nores mehes, hän naprib toda eloho ičeze unikuvad tehtas francijan keitandan konditeraks, vastkarin tatan tahtod. Videon hätkeližuz om 14 min 25 s.

Source file/Файл-источник Toižetada Allekirjutez
Label in English / Подпись на русском

10

Diversibipalium-heimon erikon lihansöi lapak mado (sötlese madoil, edenoil, nälömičuil, gavedil) Geoplanidae-sugukundaspäi (830 erikod) ujeleb takaižedme londuseližes Tomson-puištos (angl.: Thomson Nature Park 50 ga pindal) Singapuran keskuzpalas. Videon hätkeližuz om 18 sekundad, 1. semendku 2025, tegi Brandon Seah-kävutai.

Source file/Файл-источник Toižetada Allekirjutez
Label in English / Подпись на русском

11

Nece animacii ozutab lämuzid Man pindal vozišpäi 1880−1884 vozihesai 2013−2017, voziden 1951−1980 om ottud bazaks. Sinižed mujud edestihe vilumbid tahoid, rusttad — lämhembid. Videon hätkeližuz om 37 sekundad, 18. viluku 2018, tegi amerikaine NASA's Scientific Visualization Studio.

Source file/Файл-источник Toižetada Allekirjutez
Label in English / Подпись на русском

12

«Matk Kudmaižennoks» (franc.: Le Voyage dans la Lune) om vn 1902 francine lühüdpiduzline bigifil'm tedoližen fantastikan i ozaitelemižen žanroiš. Ezmäine fantastine fil'm kinon istorijas, sen scenarist, rezissör i prodüser om Žorž Mel'jes. Süžet parodirui Žul' Vernan i Gerbert Uelsan romanid. Fil'man mujutadud käzil originaline kopii om löutud vl 1993 i udessündutadud vl 2011. Videon hätkeližuz om 12 min 46 s.

Source file/Файл-источник Toižetada Allekirjutez
Label in English / Подпись на русском

13

Neciš Hubblecast-videoserijas nomer 20 Doktor Džei (Dr. J) vedab meid «Sil'mäd taivhal»-fil'man (angl.: Eyes on the Skies) koumanden palan kal't (kaik niid om seičeme), se om Rahvahidenkeskeižen astronomižen ühtnendan oficialižeks i pühätadud teleskopan melestehmižen 400-voččele jubilejale vl 2009. Videon hätkeližuz om 9 min 23 s, 25. sügüz'ku 2008, tegi Evropan kosmosagentuz.

Source file/Файл-источник Toižetada Allekirjutez
Label in English / Подпись на русском

14

Panterine hameleon (latin.: Furcifer pardalis) likkub ičeze sil'mil Zal'cburg-lidnan zooparkas, Zal'cburg-federacijanma, Avstrii, 9. viluku 2011. Videon hätkeližuz om 15 sekundad.

Source file/Файл-источник Toižetada Allekirjutez
Label in English / Подпись на русском

15

Valdkundaline Mansauvondan büro (Bureau of Land Management) kävutab kozid polenemha poltusen jäl'gid, vitkostamha penzhiden kazvandad i vähenemha erasiden-se invazivižiden kazmusiden lugud enččen Fort Ord-sodabazan territorijal (oli vll 1917−1994, nüg. nacionaline muštnik kävutandata), Monterei-merikaran rand Kalifornii-štatan keskuzpalan päivlaskmas, Amerikan Ühtenzoittud Valdkundad, 31. keväz'ku 2017. Videon hätkeližuz om 27 sekundad.

Source file/Файл-источник Toižetada Allekirjutez
Label in English / Подпись на русском

16

Azijalažed vezibuivolad (latin.: Bubalus) ristikoitas Hiong-joged (30 km pitte mägiližajogita, mugažo tetas kut Hajukaz jogi) küläs läz Hüe-lidnad, Vjetnaman keskuzpala. Videon hätkeližuz om 42 sekundad, 13. kül'mku 2013.

Source file/Файл-источник Toižetada Allekirjutez
Label in English / Подпись на русском

17

Ondatr (latin.: Ondatra zibethicus, heimon üks'jäine eläb erik) Cricetidae-sugukundaspäi holitab ičtaze. Ondatrad tehtas manalaižid takaižid soiden kal't, kudambid jätktas kävutada tal'vaigan, i saudas sömsijid soil mugažo. Ned živatad sötlesoiš vezikazmusil kut umbezjur' i rogohein, abutadas pid'oitelda tarhoid soil avoinuzikš i muga sätas ümbrištod vedenujujiden linduiden täht. Ondatrad södas henoid živatoid-ki penes märas: reskveden midijad, löcud, rakad, kala. Om sätud nacionaližes londuseližes «Kokvail Midous»-kel'dtahos (Cokeville Meadows National Wildlife Refuge) Vajoming-štatan suvipäivlaskmaiženno röunanno, Amerikan Ühtenzoittud Valdkundad, 15. sügüz'ku 2015. Videon hätkeližuz om 36 sekundad, tegi USFWS Mountain Prairie (AÜV:oiden Kalan i meclondusen radnikoičend, mägiprerijad).

Source file/Файл-источник Toižetada Allekirjutez
Label in English / Подпись на русском

18

Kudmaižen fazad i libracii (nägui vitk köläiduz) vodes 2020, časun hätkte intervaloidenke. Mülütab grafižid ližakuvid, ned kuvastadas Kun orbitad, čokkoimid Mad i Päiväšt vaste, matkad Kuspäi Mahasai todesižes masštabas. Kraterad läz terminatorad (röun päivän i ön keskes) oma znamoitud, mugažo «Apollo»-kosmoslaivan ištutandan sijad i al'bedon objektad päivänvauktuses. Videon hätkeližuz om 4 min 54 s, 13. tal'vku 2019, tegi amerikaine NASA AÜV:oiden üläopenikoiden organizacijan ühtnijoidenke.

Source file/Файл-источник Toižetada Allekirjutez
Label in English / Подпись на русском

19

Troglodytes troglodytes-lind Pasklindunvuiččed-heimkundaspäi pajatab Parižan lodehližes Frankonvil'-ezilidnas, Francijan pohjoine. Videon hätkeližuz om 1 min 12 s, 25. tal'vku 2023.

Source file/Файл-источник Toižetada Allekirjutez
Label in English / Подпись на русском

20

Man pindan koume videndest oma kattud valdmerel, i sen pohjal om äi detalid muga-žo, kut tetaban hüvin meile kuivman pindal. Nece animacii ozutab mail'man valdmeren tazopindan lanktendad, kudamb avaidab niid detalid hillašti. Videon hätkeližuz om 51 sekundad, 12. tal'vku 2019, tegiba amerikaižen NASA:n kosmoslendusiden keskusen Goddardan nimed radnikad, vn 2008 animacijan tarkoiktemb variant.

Source file/Файл-источник Toižetada Allekirjutez
Label in English / Подпись на русском

21

Pedranvuiččed-sugukundan živatad (latin.: Cervidae) pöudol läz Lauzenhof-küläd (Lausenhof) Hof-lidnan ümbrištos, Bavarii-federacijanman pohjoižpäivnouzmaine čoga, Saksanma. Živatoišpäi kuz' tuldas mecha. Videon hätkeližuz om 1 min 24 s, 21. keväz'ku 2025.

Source file/Файл-источник Toižetada Allekirjutez
Label in English / Подпись на русском

22

Britanižen Tomas Hizervik-dizaineran (Thomas Heatherwick) publine «Astii»-installäcii (angl.: Vessel, läz US$150 mln arvonke, oli vll 2017−2021), ümbrikacundan nägud udes azjaližes Hadson Jards-keskuses, Manhetten-rajon, Nju Jork, AÜV. Videon hätkeližuz om 2 min 17 s, 9. keväz'ku 2019, tegi Gothamist-kävutai.

Source file/Файл-источник Toižetada Allekirjutez
Label in English / Подпись на русском

23

Rododendronan cikadut (latin.: Graphocephala fennahi, AÜV:oiden endemik), om fil'mdud Lodz'-lidnas, Pol'šanma. Gavedid 8..10 mm surtte sötlesoiš rododendron-heimon kazmisiden südäivedel, leviganziba kontinentaližedme Evropadme 1970-nzil vozil Sures Britanijaspäi (oliba todud sihe 1930-nzil vozil). Videon hätkeližuz om 48 sekundad, 7. sügüz'ku 2024, tegi Jerzystrzelecki-kävutai.

Source file/Файл-источник Toižetada Allekirjutez
Label in English / Подпись на русском

24

«Vauged»-majak (ven.: Маяк Белый) Karan meren sokhan Vauktan saren (1810 km²) lodehes, Jamalan Nenciden avtonomižen ümbrikon pohjoine, Venälaine Federacii. Majak (Lämoičuhunduz) om puine, 31 m kortte betonalusen pindalpäi, om saudud tedoiduzekspedicijoiden ülävägil nevondkundaližen aigan vll 1934−1936, nügüd' ei ole rados, puižen alusen ezmäižed parded oma hapnuded. Konstrukcijan toštmižsauvond planiruiše, vl 2025 materialiden tond i majakan ühthekeradamine om planas. Videon hätkeližuz om 2 min 23 s, 19. heinku 2021, tegi Venäman geografine sebr.

Source file/Файл-источник Toižetada Allekirjutez
Label in English / Подпись на русском

25

Gerol'dzau-vezilanktend (saks.: Geroldsauer Wasserfall), nägu alahaižes sildaspäi peitsijas, Baden-Vürtemberg-federacijanman päivlaskm, Saksanma. Vezilanktend om kuden metrad kortte, sijadase läz Baden-Baden-kurortad, joksijal Pohjoižen Svarcval'dan pautkedme Grobbah-ojal. Videon hätkeližuz om 1 min 42 s, 13. keväz'ku 2020.

Source file/Файл-источник Toižetada Allekirjutez
Label in English / Подпись на русском

26

Amerikaižen NASA-kosmosagentusen palahižikš äikerdaine pilotirudud Orion-kosmoslaiv tuleb Man atmosferha Artemis I-missijan Kudmaižennoks lopindas. Tegend jätksihe 25 polenke päiväd, apparat mäni 1,4 mln mijlid i laski valdmeren vedele satusekahašti läz Kalifornii-štatad. Videon hätkeližuz om 25 minutad, 11. tal'vku 2022.

Source file/Файл-источник Toižetada Allekirjutez
Label in English / Подпись на русском

27

Ročine Enn-Sofi Kvarnström-pirdai i juvelir (Ann-Sophie Qvarnström, sünd. 1958) sädab čepid hobedaspäi hänen radhonuses (angl.: Sophies Silver's workshop) Gotland-agjan administrativižes Visbü-keskuses, Ročinman suvipäivnouzm. Videon hätkeližuz om 1 min 20 s, 25. viluku 2025.

Source file/Файл-источник Toižetada Allekirjutez
Label in English / Подпись на русском

28

Nece video ozutab hil'nikan dioksidan ičendad tulda üläkritižhe olendha (nozoluden i gazan röunal) lämuden ližadusen jäl'ghe. Ottihe ampulad pandud hil'muiktuzgazanke sihe 70 atmosferad painudenke i lämbitaškanzihe. Vastkarine effekt ozitihe ampulan vilugoičendan aigan. Videon hätkeližuz om 41 sekundad, 9. eloku 2022, tegi Bilovitskiy-kävutai.

Source file/Файл-источник Toižetada Allekirjutez
Label in English / Подпись на русском

29

Koskhaižen Conocephalus fuscus-erikon pajatajan ižačun vitkotud kuvaduz. Äjad koskhaižed pajatadas ul'trakulundan paksuzil, kudambid ristit ei kule. Nece video oli vitkotud nellhä kerdha. Vitkodusen jäl'ghe gavedin pajon kulund tegese kulujaks ristitun täht. Koskhaižen erik leviganzihe Estinmadme ei amu, siš valdkundas änetuz oli-ki tehtud. Videon hätkeližuz om 22 sekundad, 26. sügüz'ku 2021, tegi Veljo Runnel-kävutai.

Source file/Файл-источник Toižetada Allekirjutez
Label in English / Подпись на русском

30

Britanine (anglijalaine) Meri Šelli-kirjutai (Mary Shelley, 1797−1851) oli sündnu 228 vot tagaz necil päiväl, 30. elokud. Nece video starinoičeb hänen elos i «Frankenštein, vai Nügüd'aigaine Prometei»-romanas (angl.: Frankenstein: or, The Modern Prometheus, 1816, om publikoitud vl 1818), ezmäižiš kirjoišpäi tedoližen fantastikan žanras. Videon hätkeližuz om 8 min 35 s, 27. uhoku 2025, om ottud baskankel'žes Ikusgela-openduzsaitalpäi, subtitroidenke anglijan kelel.

Source file/Файл-источник Toižetada Allekirjutez
Label in English / Подпись на русском

31

Vn 1951 treiler amerikaižele «Magaduzaig Bonzo:n täht»-fil'male (angl.: Bedtime for Bonzo) komedijan žanras. Vändiba pärolid Ronal'd Reigan (Piter Boid-professor), Diana Linn (Džein Linden) i Peggi-šimpanze (Bonzo). Videon hätkeližuz om 54 sekundad, tegi Universal Pictures-kompanii.

Source file/Файл-источник Toižetada Allekirjutez
Label in English / Подпись на русском

[1] Trump administration proposes defunding Chemical Safety Board, raising concerns in Southeast Texas (Trampan administracii taričeb heitta Nevondkundan himižes varuitomudes finansiruindad, se kucub holid Tehasan suvipäivnouzmas) Youtube-saital. (angl.)

[1]