Šablon:Motd/2025-10

2018: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31

01

Noriden joucniden čukloitelendan harjoitused niiden kazvatajidenke Knollenteich-uitos ehtal, Hof-lidnan Krötenbruk-ümbrik, Bavarii-federacijanman pohjoižpäivnouzmaine čoga, Saksanma. Videon hätkeližuz om 41 sekundad, 16. kezaku 2025, tegi PantheraLeo1359531-kävutai.

Source file/Файл-источник Toižetada Allekirjutez
Label in English / Подпись на русском

02

Vihand koskhaine (latin.: Tettigonia viridissima) söb Aglais io-lipkašt, Lodz', Pol'šanma. Videon hätkeližuz om 1 min 5 s, 28. eloku 2024, tegi Jerzystrzelecki-kävutai.

Source file/Файл-источник Toižetada Allekirjutez
Label in English / Подпись на русском

03

Gol-aviakompanijan passažirine Boeing 737 MAX-lendim tuleb leten Portu Alegri-lidnan lendimportha Salgadu Fil'jun nimed, Riu-Grandi-du-Sul-štat, Brazilii. Videon hätkeližuz om 36 sekundad, 18. heinku 2025, tegi Heylenny-kävutai.

Source file/Файл-источник Toižetada Allekirjutez
Label in English / Подпись на русском

04

Anglijankel'žen Vikipedijan Curse of knowledge-kirjutusen («Tedon soiverduz») suline versii. Tedon soiverduz, mugažo nimitadas kut kompetentižusen soiverduz, vai ekspertan soiverduseks, om kognitivine värištuz (edelpäivastustuz). Se libub, konz ristit specialižidenke tedoidenke ezimeletab, miše toižed-ki ristitud tetas niiš, vai hänele om jüged panda ičtaze ristitun penembidenke tedoidenke sijha. Audion hätkeližuz om 7 min 34 s, 23. tal'vku 2019, tegi JohnAnkerBow-kävutai.

Source file/Файл-источник Toižetada Allekirjutez
Label in English / Подпись на русском

05

Sel'gitai video vägiharjoitusiš, sen paloin, painand venuden gantelidenke. Videon hätkeližuz om 1 min 34 sekundad, 10. tal'vku 2014, tegi Gantner626-kävutai.

Source file/Файл-источник Toižetada Allekirjutez
Label in English / Подпись на русском

06

Video edestab lidnad turistižes polespäi: Ročinman Stokhol'm-pälidn. Virtualine tur ozutab lidnan erazvuiččid populärižid sijid (oma ümbrikirjutadud Vikiaitas), anglijan kelel. Videon hätkeližuz om 17 min 59 s, 6. sulaku 2024, tegi Worthy Travels-kävutai.

Source file/Файл-источник Toižetada Allekirjutez
Label in English / Подпись на русском

07

Amerikaine Džennifer Tur Čejes-tedonaine (Jennifer Tour Chayes, sünd. 1956) kompjuteroiden i matematikan sferas (Kalifornijan universitetan Berkliš lugendtehnikan fakul'tetan dekan) pagižeb siš, kut tuleban aigan tehnologijad lindäs vajehtada meiden mirud The Mind of the Universe-serijan videointerv'jus («Kaikusen hama»). Videon hätkeližuz om 1 čas 25 min 2 s, 19. viluku 2017, om sätud Bostonas, anglijan kelel.

Source file/Файл-источник Toižetada Allekirjutez
Label in English / Подпись на русском

08

Ezinend Wikimania 2025-aigtegol (mäni Nairobiš, 2. päiv) interaktivižiden Our World in Data-komponentoiden tulebas integracijas Vikipedijha OWID Gadget:an abul. Ned andmusiden interaktivižed vizualizacijad oma integriruidud jo baskankel'žhe Vikipedijha. Tähäsai statižed kuvad OWID:anke oliba kävutadud avaros Vikipedijan toižiš jagusiš, ned ozutiba andmusid, ozitesikš, ühtes vodes vaiše. Voib löuta funkcionaližid ozutesid i ližatedoid MDWiki:WikiProjectMed:OWID-saital. Kaik andmused ottas Vikiaitaspäi. Videon hätkeližuz om 22 min 48 sekundad, 7. eloku 2025, tegi Doc James-kävutai.

Source file/Файл-источник Toižetada Allekirjutez
Label in English / Подпись на русском

09

Amerikaižen NASA:n vn 2024 video metanan čudegiden tedoidusiš. Se gaz andab enambad kazmuzhonuzeffektad mi CO₂, i metanan čudegiden vajehtused valatoitas teravamba globaližen lämšundan tazopindad. Videon hätkeližuz om 2 min 45 sekundad, tegi NASA's Scientific Visualization Studio.

Source file/Файл-источник Toižetada Allekirjutez
Label in English / Подпись на русском

10

Amerikaižen Summit Camp-tedoiduzstancijan («Lager' mägenpäl» anglijan kelespäi) video dronaspäi. Stancii radab vspäi 1989 i om elänzoittud kaikenaigašti (tal'vel viž, kezal 55 ristithusai) 21. voz'sadan augotišespäi sijaks Grenlandan i sen jälaudan keskuzpalas, Danii. Korktuz: 3208 m ü.m.t., tullein piguz: 10 km/č, lämuz: −20 C°. Videon hätkeližuz om 1 min 4 sekundad, 23. semendku 2016, tegi Capricorn4049-kävutai.

Source file/Файл-источник Toižetada Allekirjutez
Label in English / Подпись на русском

11

Amerikaižen NASA:n vn 2014 video Grenlandan jälaudan korktusen vajehtusiš vspäi 2003 vhesai 2012, Danii. Jälaudan korktuz poleni enamba mererandaližiš rajoniš, mi saren südäimes. Videon hätkeližuz om 4 min 31 sekundad, tegi NASA's Scientific Visualization Studio.

Source file/Файл-источник Toižetada Allekirjutez
Label in English / Подпись на русском

12

Neciš openduzvideos Vancouver Coastal Health-aluzkundan Mia-farmaceft sel'gitab kodvindbumagoiden fentanilanke kävutandad kodiarvoimižiš. Niid sargbumagoid voib sada maksuta Vankuveran i toižiden lähižiden kundoiden severziš-se sijiš, Britanine Kolumbii-provincii, Kanad. Se kodvind om tarbhaine varuližiden toksižiden zelliden levigandusen tagut. Videon hätkeližuz om 4 min 17 sekundad, 29. kezaku 2023, tegi Vancouver Coastal Health, anglijan kelel subtitroidenke.

Source file/Файл-источник Toižetada Allekirjutez
Label in English / Подпись на русском

13

Openduzvideo francižele Dixit-laudvändole. Se kändihe tetabaks vl 2008, koume..kuz' vändajad oma ottud sihe pol'čashusai. Vänd mülütab kartaižiden keradust. Tehtud meles vai sarnoiden kuvad oma pirtud niil. Vändajile piidab valita ičeze kädespäi kartaižid, kudambad sättudas pagištud vändajal-starinoičijal frazale, sid' tehta naprindad i ozaita, mitte kartaine om starinoičijal. Videon hätkeližuz om 5 min 8 sekundad, 19. sügüz'ku 2020, tegi Games Made Easy-kävutai, anglijan kelel.

Source file/Файл-источник Toižetada Allekirjutez
Label in English / Подпись на русском

14

Edespagin päličmänendas maksutomale LibreOffice-ofisprogrampaketale avoinudenke kodanke i OpenDocument-formatale (ODF) enamba mi 30 tuhan klientoid täht Šlezvig-Gol'štein-federacijanman ohjastuses, Saksanma. Videon hätkeližuz om 29 min 46 sekundad, 22. kül'mku 2024, tegi LibreOffice - The Document Foundation.

Source file/Файл-источник Toižetada Allekirjutez
Label in English / Подпись на русском

15

Anglijankel'žen Vikipedijan J. R. R. Tolkien-kirjutusen («Tolkin Džon Ronal'd Ruel», eli vll 1892−1973) suline versii. Mez' oli britanine (anglijalaine) kirjutai da filolog, sädi tetabid ekranizacijoidme «Hobbit, vai Sinnä da tagaz»-starinad (angl.: The Hobbit, or There and Back Again) i «Renghiden valdoičii»-romanad (The Lord of the Rings) korged fantastik-žanras, mugažo om toižiden sädusiden riven tegijan, kudambiden tegend levitase melestehtud Keskmas (Middle-earth). Audion hätkeližuz om 1 čas 2 min 54 s, 26. viluku 2022, tegi J. Rennocks-kävutai, pohjoižanglijan pagin.

Source file/Файл-источник Toižetada Allekirjutez
Label in English / Подпись на русском

16

Ičinodzö Takasi (逸ノ城駿, mongoližen augotižlibundan) vägesti Okinoumi Ajumi:d (隠岐の海歩) sumo-toran raundal Sumon suren voibištelendan aigan vn 2014 sügüz'kus, Kokugikan-aren, Tokion Sumid-rajon, Japonii. Videon hätkeližuz om 26 sekundad, 21. sügüz'ku 2014, tegi ElHeineken-kävutai.

Source file/Файл-источник Toižetada Allekirjutez
Label in English / Подпись на русском

17

Sarančan kaikiš enamba levitadud azijalaine saranč-erikon (latin.: Locusta migratoria) emäč Acrididae-sugukundaspäi hüppindan aigan, vitkotud kuvaduz HighSpeedPhoto-tehnologijan kävutandanke (960 kadrad sekundas). Videon hätkeližuz om 14 sekundad, 13. reduku 2019, tegi Phonon.b-kävutai.

Source file/Файл-источник Toižetada Allekirjutez
Label in English / Подпись на русском

18

Džillian Forrester-tedonaižen (Gillian Forrester) videointerv'ju siš, kut ristitun i ristitunvuiččiden oblezjanoiden käziden udat' voib starinoita meile kelen augotižlibundas. Džillian Forrester om komparativižen tedištusen professor Sasseksan universitetas (läz Braiton-lidnad, Suren Britanijan suvine mererandpol'), hän om tetab ristitun i oblezjanoiden aivoiden ičtazvedandan da organizacijan tedoidusil, om tedon populärizacijan pedagogaks mugažo. Videon hätkeližuz om 8 min 49 s, 23. sügüz'ku 2023, tegi The Royal Society-kävutai.

Source file/Файл-источник Toižetada Allekirjutez
Label in English / Подпись на русском

19

Järgeližen ustričsenen (latin.: Pleurotus ostreatus, var. columbinus) kazvatandan vitkotud kuvaduz viden polenke päivesen aigan. Ümbriratud karton i koferaba oliba aluseks populärižen södaban senen sandan täht. Videon hätkeližuz om 19 sekundad, 16. heinku 2015, tegi Robert Fisher-kävutai.

Source file/Файл-источник Toižetada Allekirjutez
Label in English / Подпись на русском

20

Amerikaižen NASA:n vn 2025 sel'gitai video Landsat-kaimdajiden vižkümnevoččes programas, kut ned kaceltas Man pindad i abutadas tedomehile kodvda mererandaližiden ekosistemiden olendad. Ned alištujad telustandoile sistemad kaitas randanpirdoid erozijad vaste, oma kalan sündundsijikš, pidadas hil'muiktuzgazan surt lugumärad (kudamb tegese klimatan toižetamižen tagut). Videon hätkeližuz om 5 min 4 sekundad, tegi NASA's Scientific Visualization Studio.

Source file/Файл-источник Toižetada Allekirjutez
Label in English / Подпись на русском

21

Amerikaižen NASA:n vn 2025 sel'gitai video kosmižes säs (sidod Päiväižen i Man keskes), kudamb voib olda varuližeks ristitun civilizacijan täht. Videon hätkeližuz om 1 min 46 sekundad, tegi NASA's Scientific Visualization Studio.

Source file/Файл-источник Toižetada Allekirjutez
Label in English / Подпись на русском

22

Audiokirj anglijan kelel fantastiženke «Hobedaižen avadimen verajan kal't»-sanutesenke (angl.: Through the Gates of the Silver Key) ülävarun žanras (horror), kirjutiba amerikalaižed Govard Fillips Lavkraft i Hoffman Prais (H. P. Lovecraft and E. Hoffmann Price) vn 1932 redukus — 1933 sulakus. Änetuz oli kormatud maksutomiden audiokirjoiden LibriVox-saitalpäi. Audion hätkeližuz om 45 min 31 s, 25. eloku 2023, tegi Ben Tucker-kävutai.

Source file/Файл-источник Toižetada Allekirjutez
Label in English / Подпись на русском

23

Anglijankel'žen Vikipedijan Hippocampus-kirjutusen («Gippokamp») suline versii. Gippokampus om löutud kaikil sel'grodaižil, se om ristitun i äjiden živatoiden päaivoiden pala, vändab tarbhašt rolid hätkeližen mušton formiruindas i avaruzmušton informacijan toižetamižes (varatab navigacijad). Audion hätkeližuz om 1 čas 9 min 24 s, 7. sügüz'ku 2025, tegi HumbleSolipsist1-kävutai.

Source file/Файл-источник Toižetada Allekirjutez
Label in English / Подпись на русском

24

Video overlejižes I2P-verkos avoinudenke bazkodanke. Se verk om sätud anonimižusen Internetas kaičendan täht i cenzurad vaste, pojav populärižembha Tor-verkho. Anonimine torrenting om ozutadud videos saudud südäimehe BitTorrent-ližaprograman (nimitadud kut I2PSnark) i peittud I2P-verkon kävutandanke. Videon hätkeližuz om 6 min 58 sekundad, 10. sügüz'ku 2024, tegi Mental Outlaw-kävutai, anglijan kelel.

Source file/Файл-источник Toižetada Allekirjutez
Label in English / Подпись на русском

25

Context News-kompanijan videorolik (Sur' Britanii, Thomson Reuters Foundation) ümbrikirjutab klimatan toižetamižen jäl'gusid Džomolungman i lähižiden Gimalajiden mägiden täht, mugažo ristitkundoiš, kudambad kävutadas vet jäžomišpäi, i midä voib tehta edemba, sikš miše lämuz Gimalajiden mägenpäil ližadase teravamba, mi mail'man toižiš paloiš. Videon hätkeližuz om 8 min 5 s, 19. heinku 2023, anglijan kelel.

Source file/Файл-источник Toižetada Allekirjutez
Label in English / Подпись на русском

26

Anglijankel'žen Vikipedijan Introduction to general relativity-kirjutusen («Ezisanad ühthižhe relätivižusen teorijha») suline versii. Audion hätkeližuz om 49 min 23 s, 9. semendku 2021, tegi Thrownfootfalls-kävutai, anglijan kelen šotlandijan paginal.

Source file/Файл-источник Toižetada Allekirjutez
Label in English / Подпись на русском

27

Paginad Vikimedijan jogavoččel Wikimania 2024-konferencijal (oli 19. lugul i mäni Pol'šanman Katovice-lidnas 7.-10. elokud) «mul'timedijan keskustas» Vikipedijas i audiofailoiš Vikiaitas. Failoiden äjüz om kormatud, no kut otta niid kävutamižhe? Videon hätkeližuz om 29 min 58 s, 9. eloku 2024, tegiba Natalia Ćwik- i Grzegorz Kopaczewski-kävutajad.

Source file/Файл-источник Toižetada Allekirjutez
Label in English / Подпись на русском

28

Nece video ozutab, kut voib kävutada kormatud lokaližešti generativišt ratud intellektad (Stable Diffusion Automatic 1111 WebUI) videovändoiden dizainan täht, oz., vändelementoiden teksturan sädandale, mugomid kut honusen seinäd. Om ozutadud, kut panda oikti i otta kävutamižhe ližaprogramad koveritoman, no funkcionaližen Unity Editor-redaktoran täht (krossplatformine vändlikutimiden redaktor). Videon hätkeližuz om 6 min 54 s, 30. viluku 2023, tegi Dominic Branchaud-kävutai, anglijan kelel.

Source file/Файл-источник Toižetada Allekirjutez
Label in English / Подпись на русском

29

Nece video edestab koumen instrumentan ümbrikacundad, ned kävutasoiš dinamižiden nimikirjutesiden sädandan täht Vikiandmusiden, Vikipedijan i Vikiaitan alusel: Listeria, PetScan i Wiki List tool. Sel'gitase, kut otta niid kävutamižhe oikti, ozutesidenke. Videon hätkeližuz om 19 min 5 s, 2. kezaku 2025, tegi DrThneed-kävutai.

Source file/Файл-источник Toižetada Allekirjutez
Label in English / Подпись на русском

30

Vn 2014 video ozutab mumijad Amuižes Egiptaspäi. Egiptologad Čikagon pöudmuzejaspäi (angl.: Chicago's Field Museum) avaižiba grobad 2,500-voččenke mumijanke kaičemha sidä. Konservacijan radoiden tarbhaižuz andab tedomehile harvad voimust nähta mumijad südäimespäi i tedoita enamba mahapanendan amuižegiptan veroiš. Zlatika Houk (Zlatica Hoke) starinoičeb. Videon hätkeližuz om 2 min 40 s, tegi Voice of America, anglijan kelel.

Source file/Файл-источник Toižetada Allekirjutez
Label in English / Подпись на русском

31

Cosmic Dust Bin – Interstellar («Kosmine rujopuzu — Tähthidenkeskeine» anglijan kelespäi): muzikvideo, ozutab psihodelišt čomamahtod i elektroništ rokad trans-muzikan elementoidenke. Videon hätkeližuz om 3 min 27 s, 27. semendku 2024, tegi Cosmic Dust Bin (muzik i video).

Source file/Файл-источник Toižetada Allekirjutez
Label in English / Подпись на русском