Gorodec

Vikipedii
Jump to navigation Jump to search
Gorodec
Городец
Lidnanznam
Coat of Arms of Gorodets (Nizhny Novgorod).png
Valdkund Venäma
Eläjiden lugu (2017) 30 493 ristitud
Pind 124,22 km²
Gorodec Городец
Pämez' Aleksandr Žiräkov
(sügüz'ku 2 015—)
Telefonkod +7-83 161-xx-xxx
Avtokod 52, 152
Aigvö UTC+3 (MSK+0)


Gorodec (ven.: Городе́ц) om Venäman lidn da lidnankund Alalidnan agjan päivlaskmas. Se om Gorodecan rajonan administrativine keskuz da pala.

Istorii[redaktiruida | redaktiruida purde]

Eländpunkt mainitase ezmäižen kerdan Lavrentijan aigkirjas vl 1171 kuti lidn (mugoi nimituz-ki) da Vladimiran Venän lidnuz kaičemhas Volgan Bulgarijaspäi. Se voz' lugese Gorodecan oficialižen alusenpanendan vodeks, i kaivandused vahvištoittas, miše ei olend eländpunktad aigemba mi 12. voz'sadan kahtendes poles. Vll 1263−1282 oli Gorodecan ruhtinazkundan pälidnaks. Vn 1408 tal'vkus Kuldaižen Ordan Edigei-valdoičii polti lidnad, i pit'kan aigan se mainitase kuti Pall'az Gorodec. Udessündutihe 16. voz'sadan lopus.

Gorodec šingotase istorižel i rahvahanpramozloiden turizmal, laivansauvomižel, sömtegimištol (maidtegim, pränikad), mugažo puhtastandharjoiden i avtoelektroveimišton edheotandoil.

Geografijan andmused[redaktiruida | redaktiruida purde]

Lidn sijadase rajonan keskuzpalan päivlaskmas, Volgan hural randal, 100 m ü.m.t. keskmäižel korktusel. Matkad Alauz'lidnan keskushesai om 48 km suvipäivnouzmha orhal vai 61 km avtotedme. Toižed lähembaižed lidnad oma Balahn 17 km suvhe vai 33 km avtotedme, Zavolžje 2 km päivlaskmha orhal vai 8 km avtotedme (rajonan kaikiš suremb lidn i lähembaine raudtestancii) i Čkalovsk 20 km lodeheze orhal vai 50 km avtotedme.

Gorodec om lidnankundan üks'jäine eländpunkt.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe eläjiden lugu oli 30 658 ristitud, rajonan kaks' videndest. Kaikiš suremb lidnan ristitišt oli 33..35 tuhad eläjid vll 1970−2001 (35 727 rist. vl 1979).

Professionaližen opendusen aluzkund om Gubernijan Gorodecan kolledž.[1]

Homaičendad[redaktiruida | redaktiruida purde]

  1. Gubernijan Gorodecan kolledžan sait (ggk-gorodec.ru). (ven.)

Irdkosketused[redaktiruida | redaktiruida purde]



Alalidnan agjan lidnad
Alauz'lidn | Arzamas | Balahn | Bogorodsk | Bor | Čkalovsk | Gorbatov | Gorodec | Dzeržinsk | Knäginino | Kstovo | Kulebaki | Liskovo | Lukojanov | Navašino | Pavlovo | Perevoz | Pervomaisk | Sarov | Semönov | Sergač | Šahunj | Zavolžje | Uren' | Vetlug | Viks | Volodarsk | Vorsm