Perevoz (Alalidnan agj)
Lidnanznam
|
Flag
|
| Valdkund | Venäma |
| Eläjiden lugu (2021) | 8,999 ristitud |
| Pind | 6 km² |
| |
| Telefonkod | +7−83 148-xx-xxx |
| Avtokod | 52, 152 |
| Aigvö | UTC+3 (MSK+0) |
Perevoz (ven.: Перево́з) om Venäman lidn Alalidnan agjan suvipalas. Se om Perevozan lidnümbrikon (edel vn 2017 kezakud — rajonan) administrativine keskuz.
Istorii
[vajehta | vajehtada lähtetekst]Eländpunkt mainitase ezmäižen kerdan vl 1593 kuti külä traktan ehtatusenno. Toine nimituz oli Pjanskii Perevoz. Kändihe žiloks 1630-nzil vozil pühäpertin sauvondan jäl'ghe. Sai makundan lidnan statusad vl 1779, tehtihe muite lidnaks vspäi 1798. Vll 1913−1914 «Arzamas — Šihrani»-raudtekeskust läbiti lidnad, Perevozskai-stancii (ven.: Перевозская) radab. Kätihe lidnad žiloks vn 1917 jäl'ghe. Radnikžilo vspäi 1962. Žilo sai lidnan statusad tošti vn 2001 uhokus.
Perevoz šingotase valdkundaližil holitišil, hebonfermal, asfal'ttegimel i uzil järedoil villänpurnuil (vspäi 2021, villän 130 tuhazesai tonnoid). Kombisötken tegim, leibtegim i omblendfabrik ei ole rados.
Geografijan andmused
[vajehta | vajehtada lähtetekst]Lidn sijadase ümbrikon keskuzpalas, Pjan-jogen keskjoksmusen oiktal randal (ven.: Пьяна 436 km pitte, Suran hurapol'ne bassein), 100 m ü.m.t. keskmäižel korktusel. Om kos'kid joges.
Matkad Alauz'lidnhasai om 88 km lodeheze-pohjoižhe orhal, 113 km avtotedme vai 175 km raudtedme. Lähembaižed lidnad oma Knäginino 39 km pohjoižpäivnouzmha orhal vai 50 km avtotedme, Sergač 59 km päivnouzmha orhal, 73 km avtotedme vai 64 km raudtedme, i Arzamas 50 km suvipäivlaskmha orhal, 58 km avtotel vai raudtel.
Tobmuz
[vajehta | vajehtada lähtetekst]Čergat'-külä (199 rist. vl 2017) mülüi lidnankundha edel sen tühjitust vl 2017. Lidnankundan pind oli 6,63 km².
Eläjad
[vajehta | vajehtada lähtetekst]Vn 2010 Venäman rahvahanlugemižen mödhe lidnan eläjiden lugu oli 9 201 ristitud, lidnümbrikon viž ühesandest, vn 2021 — 8 999 ristitud. Kaik 8 928 eläjad oli lidnas vl 2017. Lidnan ristitišt om läz 9 tuhad eläjid vspäi 2000, kaikiš suremb oli 9 386 ristitud vl 2002.
Rahvahad (2010): venälaižed — 94,8 %, jezidad — 2,2 %, toižed rahvahad — 3,0 %.
Ortodoksižen hristanuskondan Jumalanmaman katken jumalanpert'[1] (letihe vl 1816) om väges lidnas.
Lapsiden opendusen aluzkundad oma severz'-se päivkodid, keskškol, čomamahtoiden škol. Perevozan sauvondkolledž[2] om lidnan professionaližen opendusen aluzkundaks.
Galerei
[vajehta | vajehtada lähtetekst]-
Ümbrikon policijan palakund i rajonan käskuzkundan sauvuz (2012) -
Jumalanmaman katken jumalanpert', vn 2012 nägu -
Sauvondkolledž vl 2012 -
Fizkul'turan da tervehtamižen «Čaika»-kompleks (vspäi 2008) -
Perevozskai-raudtestancijan sauvuz vl 2012
Homaičendad
[vajehta | vajehtada lähtetekst]- ↑ Perevozan pühäpertid sobory.ru-saital. (ven.)
- ↑ Perevozan sauvondkolledžan sait (gboupsk.ru). (ven.)
Irdkosketused
[vajehta | vajehtada lähtetekst] |
Perevoz (Alalidnan agj) Vikiaitas |
| Alalidnan agjan lidnad | ||
| Alauz'lidn | Arzamas | Balahn | Bogorodsk | Bor | Čkalovsk | Dzeržinsk | Gorbatov | Gorodec | Knäginino | Kstovo | Kulebaki | Liskovo | Lukojanov | Navašino | Pavlovo | Perevoz | Pervomaisk | Sarov | Semönov | Sergač | Šahunj | Zavolžje | Uren' | Vetlug | Viks | Volodarsk | Vorsm | ||