Uren'

Uren'
Урень
	Lidnanznam;
Valdkund	Venäma
Eläjiden lugu (2020)	12,251 ristitud
Pind	20 km²
Pämez'	Aleksandr Blagovarov; (sügüz'ku 2015—)
Telefonkod	+7−83 154-xx-xxx
Avtokod	52, 152
Aigvö	UTC+3 (MSK+0)

Uren' (ven.: Уре́нь) om Venäman lidn, lidnankund da avtotesol'm Alalidnan agjan pohjoižpäivnouzmas. Se om Urenin rajonan administrativine keskuz, ümbrik om sätud sen territorijal vn 2020 semendkus.

Istorii[redaktiruida | redaktiruida purde]

Eländpunkt mainitase ezmäižen kerdan vl 1719 kuti vanhuskolaižiden Tröhsvätskoje-žilo (ven.: село Трёхсвятское). Uren'-raudtestancii radab 1920-nziden voziden keskespäi. Oli radnikžiloks vspäi 1959. Sai lidnan statusad vl 1973.

Uren' šingotase biohimižen tegimel, sömtegimištol (voitegim, leibtegim), mugažo mebel'- i omblendfabrikad ratas lidnas.

Geografijan andmused[redaktiruida | redaktiruida purde]

Lidn sijadase rajonan keskuzpalas, Ustanjogen oiktal korktal randpolel (nitmar.: Ышта 253 km pitte, Volgan hurapol'ne bassein), 110 m ü.m.t. keskmäižel korktusel. «Alauz'lidn — Kirov»-raudtekeskust jagab lidnad poleti, «Alauz'lidn — Kirov»-mante ümbärdab lidnad lodehespäi. «Uren' — Kotlas»-avtote augotase lidnas. Matkad Alauz'lidnhasai om 165 km suvipäivlaskmha orhal, 210 km avtotedme vai raudtedme. Lähembaižed lidnad oma Vetlug 43 km pohjoižhe orhal vai 46 km avtotedme i Šahunj 54 km päivnouzmha-pohjoižpäivnouzmha orhal, 57 km avtotedme vai raudtedme.

Artamonovo-külä (135 rist. vl 2010) i Sosnovk-žilo kaikenaigaižeta ristitištota mülüihe lidnankundha Urenin ližaks. Lidnankundan pind oli 100,18 km².

Eläjad[redaktiruida | redaktiruida purde]

Vn 2010 Venäman rahvahanlugemižen mödhe lidnan eläjiden lugu oli 12 304 ristitud, lidnankundan — 12 439 ristitud, rajonan kaks' videndest. Kaikiš suremb lidnan ristitišt oli enamba 13 tuhad eläjid vll 1979−2001 (13 560 rist. vl 1989). Kaik 12 502 ristitud elihe lidnankundas vl 2017.

Ortodoksižen hristanuskondan kaks' pühäpertid^[1] oma väges lidnas: koumen pühämehen jumalanpert' (om saudud vl 1829) i vanhuskolaižiden Spasan Armahtajan puine jumalanpert' (letihe vll 1991−1995).

Urenin industrialiž-energetine tehnikum^[2] om professionaližen opendusen aluzkundaks.

Galerei[redaktiruida | redaktiruida purde]

Urenin rajonan käskuzkund (2007)
Koumen pühämehen jumalanpert', vn 2007 nägu
«Mila»-zell'lauk i Käzitöiden pert' rindati (2007)
Urenin rajonan kul'turkeskuz i Suren sodan memorial (2007)
Uren'-päraudtestancijan sauvuz vl 2007

Homaičendad[redaktiruida | redaktiruida purde]

Irdkosketused[redaktiruida | redaktiruida purde]

Lidnan da ümbrikon tobmuden sait (urenadm.nnov.ru). (ven.)

Uren' Vikiaitas

	Alalidnan agjan lidnad
	Alauz'lidn \| Arzamas \| Balahn \| Bogorodsk \| Bor \| Čkalovsk \| Dzeržinsk \| Gorbatov \| Gorodec \| Knäginino \| Kstovo \| Kulebaki \| Liskovo \| Lukojanov \| Navašino \| Pavlovo \| Perevoz \| Pervomaisk \| Sarov \| Semönov \| Sergač \| Šahunj \| Zavolžje \| Uren' \| Vetlug \| Viks \| Volodarsk \| Vorsm

[1] Urenin pühäpertid sobory.ru-saital. (ven.)

[2] Urenin industrialiž-energetižen tehnikuman sait (urencollege.ucoz.ru). (ven.)

[1]

[2]