Lahdenpohjan rajon

Lahdenpohjan rajon
Лахденпохский район (ven.)
Lahdenpohjan piiri (suom.)
Znam;	Flag;
Valdkund	Venäma
Administrativine keskuz	Lahdenpohj
Eläjiden lugu (2023)	10,709 ristitud
Pind	2,210,8 km²

Lahdenpohjan rajon (ven.: Лахденпо́хский райо́н, suom.: Lahdenpohjan piiri) om municipaline ühtnik Karjalan Tazovaldkundas, Venälaižes Federacijas.

Administrativine keskuz om Lahdenpohj-lidn. Siš eläb rajonan ristitišton viž ühesandest.

Istorii

Kurkijokin rajon oli sätud vn 1940 heinkus enččel Suomenman territorijal, anttihe sidä Tal'vsodan jäl'ghe. Kätihe Kurkijoki-žilod rajonan keskuseks. Vspäi 1941 (15. eloku) vhesai 1944 (sügüz'ku) Suomenman sodaväged oliba rajonas. Vn 1945 vilukun 20. päiväl sirtihe rajonan keskust Lahdenpohjaha. Vn 1958 keväz'kun 12. päiväl likvidiruihe sidä rajonad.

Vn 1970 tal'vkun 22. päiväl erištadihe Lahdenpohjan rajonad alištunudes Sortaval-lidnale territorijaspäi.

Geografijan andmused

Lahdenpohjan rajon om Karjalan Tazovaldkundan suvipäivlaskmaine taho. Pind — 2 210,8 nellikkilometrad (seičemetoštkümnenz' sija tazovaldkundas 18:späi).

Om röunoid Venäman koumenke rajonanke, mugažo Suomenmanke:

pohjoižpäivnouzmas Karjalan Tazovaldkundan Sortavalan rajonanke;
suves Leningradan agjan Priozerskan rajonanke;
suvipäivlaskmas Leningradan agjan Viipurin rajonanke;
lodehes Suomenman Suvikarjal-agjanke.

Ladog lainištab rajonan suvipäivnouzmaižid randoid. Joged mülüdas Atlantižen valdmeren basseinha.

Londuseližed varad oma grafit, mec, kala, reskvezi.

Vspäi 2005 rajonan territorii jagase videks municipaližeks ühtnikaks: üks' lidnankund da nell' küläkundad.

Eläjad

Vl 1989 rajonan ristitišt oli 18 879 eläjad, se oli kaikiš surembaks pordos vspäi 1979. Vn 2002 Venäman rahvahanlugemižen mödhe rajonan eläjiden lugu oli 16 391 ristitud, vn 2010 — 14 235 ristitud, vn 2021 — 10 887 ristitud. Kaik 13 215 eläjad oli rajonas vl 2017.

Kaik om 51 eländpunktad rajonas (vl 2005), niiden kesken üks' lidn da 50 külänvuittušt žilod. Ei ole toižid znamasižid eländpunktoid (Kurkijoki-žilo — 933 rist. vl 2013).

Rahvahad (enamba 0,4 % vn 2002 Venäman rahvahanlugemižen mödhe)^[1]: venälaižed — 82,5 %, vaugedvenälaižed — 6,5 %, ukrainalaižed — 4,3 %, karjalaižed — 2,1 %, čuvašalaižed — 1,0 %, totarlaižed — 0,9 %, suomalaižed — 0,7 %, toižed rahvahad — 2,0 %, rahvahuden ozutandata — 0,01 %.

Vl 2002 kaik 21 vepsläšt elihe rajonas (0,13 % sen ristitištospäi).

Ižanduz

Rajonan ižandusen päine sarak om turizm^[2], sikš miše se om karjalan rahvahan formiruindan geografižeks keskuseks.

Homaičendad

Irdkosketused

[1] Справка об исторических, культурных, демографических и национальных особенностях Лахденпохского района (Tedonandmine Lahdenpohjan rajonan istorižiš, kul'turižiš, demografižiš da rahvahaližiš eriližusiš). — Karjalan Tazovaldkundan Ohjastuz (gov.karelia.ru). (ven.)

[2] Туристский потенциал: Лахденпохский район (Turizman voimused: Lahdenpohjan rajon). — Karjalan Tazovaldkundan Ohjastuz (gov.karelia.ru). (ven.)

[1]

[2]