Gorodec
Lidnanznam.png)
| |
| Valdkund | Venäma |
| Eläjiden lugu (2021) | 29,353 ristitud |
| Pind | 124,2 km² |
.jpg)
| |
| Pämez' | Aleksandr Žiräkov (sügüz'ku 2015—) |
| Telefonkod | +7−83 161-xx-xxx |
| Avtokod | 52, 152 |
| Aigvö | UTC+3 (MSK+0) |
Gorodec (ven.: Городе́ц) om Venäman lidn da lidnankund Alalidnan agjan päivlaskmas. Se om Gorodecan rajonan administrativine keskuz da pala.
Istorii[vajehta | vajehtada tekst]
Eländpunkt mainitase ezmäižen kerdan Lavrentijan aigkirjas vl 1171 kuti lidn (mugoi nimituz-ki) da Vladimiran Venän lidnuz kaičemhas Volgan Bulgarijaspäi. Se voz' lugese Gorodecan oficialižen alusenpanendan vodeks, i kaivandused vahvištoittas, miše ei olend eländpunktad aigemba mi 12. voz'sadan kahtendes poles. Vll 1263−1282 oli Gorodecan ruhtinazkundan pälidnaks. Vn 1408 tal'vkus Kuldaižen Ordan Edigei-valdoičii polti lidnad, i pit'kan aigan se mainitase kuti Pall'az Gorodec. Udessündutihe 16. voz'sadan lopus.
Gorodec šingotase istorižel i rahvahanpramozloiden turizmal, laivansauvomižel, sömtegimištol (maidtegim, pränikad), mugažo puhtastandharjoiden i avtoelektroveimišton edheotandoil.
Geografijan andmused[vajehta | vajehtada tekst]
Lidn sijadase rajonan keskuzpalan päivlaskmas, Volgan hural randal, 100 m ü.m.t. keskmäižel korktusel. Matkad Alauz'lidnan keskushesai om 48 km suvipäivnouzmha orhal vai 61 km avtotedme. Toižed lähembaižed lidnad oma Balahn 17 km suvhe vai 33 km avtotedme, Zavolžje 2 km päivlaskmha orhal vai 8 km avtotedme (rajonan kaikiš suremb lidn i lähembaine raudtestancii) i Čkalovsk 20 km lodeheze orhal vai 50 km avtotedme.
Gorodec om lidnankundan üks'jäine eländpunkt.
Eläjad[vajehta | vajehtada tekst]
Vn 2010 Venäman rahvahanlugemižen mödhe eläjiden lugu oli 30 658 ristitud, rajonan kaks' videndest. Kaikiš suremb lidnan ristitišt oli 33..35 tuhad eläjid vll 1970−2001 (35 727 rist. vl 1979).
Ortodoksižen hristanuskondan Feodorovskii-mez'jumalankodi kafedraliženke Jumalanmaman Feodorovskii-jumalaižen päjumalanpertinke[1], kahesa jumalanpertid i kaks' časounäd oma olmas lidnas.
Gubernijan Gorodecan kolledž[2] om professionaližen opendusen aluzkundaks.
Galerei[vajehta | vajehtada tekst]
-
Feodorovskii-mez'jumalankodi, vn 2010 nägu -
Jumalanmaman Katken jumalanpert', vn 2020 nägu -
Laivankohenduztegim vl 2012 -
«Mastariden lidn» (čomamahtoiden fartal, 2010) -
Joudaigan «Meteor»-keskuz vl 2021
_-_panoramio.jpg)
Homaičendad[vajehta | vajehtada tekst]
- ↑ Gorodecan pühäpertid sobory.ru-saital. (ven.)
- ↑ Gubernijan Gorodecan kolledžan sait (ggk-gorodec.ru). (ven.)
Irdkosketused[vajehta | vajehtada tekst]
 |
Gorodec Vikiaitas |
| Alalidnan agjan lidnad | ||
| Alauz'lidn | Arzamas | Balahn | Bogorodsk | Bor | Čkalovsk | Dzeržinsk | Gorbatov | Gorodec | Knäginino | Kstovo | Kulebaki | Liskovo | Lukojanov | Navašino | Pavlovo | Perevoz | Pervomaisk | Sarov | Semönov | Sergač | Šahunj | Zavolžje | Uren' | Vetlug | Viks | Volodarsk | Vorsm | ||