Šablon:Potd/2024-10

2025: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2024: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2023: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2022: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2021: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2020: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2019: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2018: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

2017: Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31

01

Philodromus aureolus-hämähoukun emäč hänen munašauguiženke, Gartel'hol'c-mec Münhen-lidnas, Bavarii-federacijanma, Saksanma, 25. kezaku 2020. Nece erič om kuden millimetran surtte. Penikaine hämähouk om levitadud avaros Evropan päivlaskmas i keskuzpalas. Toižetada Allekirjutez

---

Image description / Oписание изображения
in English / на русском.

02

Sur' Prizmatine purde (angl.: Grand Prismatic Spring) rahvahaližes Jellouston-puištos (Yellowstone National Park), Vajoming-štatan lodehline čoga, AÜV, 22. kezaku 2022. Geizer om 75..91 m levette i 49 m süvütte, rajadab kaht kubišt metrad vet minutas. Se geotermaline purde om kaikiš suremb valdkundas i koumanz' surtte mail'mas. Toižetada Allekirjutez

---

Image description / Oписание изображения
in English / на русском.

03

Filippsrue-zamk (saks.: Schloss Philippsruhe) Hanau-lidnan Kesselštadt-rajonas, nägu puišton päivlaskmaspäi, Gessen-federacijanma, Saksanma, 1. reduku 2022. Zamkan nügüdläine versii om saudud barokk-stiliš vll 1700−1725. Toižetada Allekirjutez

---

Image description / Oписание изображения
in English / на русском.

04

15. voz'sadan puine risthanagloičend i sen kuvahaižed seinäl, katoline ph. Petran abbatuz (ital.: Chiesa di San Pietro, om 10. voz'sadaspäi) Assizi-lidnas, Italijan keskuzpala, 3. keväz'ku 2023. Tämbäi (4. reduku) om Pühän Franciskan muštinpäiv, Assizin i Italijan kaičijan. Toižetada Allekirjutez

---

Image description / Oписание изображения
in English / на русском.

05

Rupicapra rupicapra-živat Kozanvuiččed-alasugukundaspäi kesked mecänikoid Al'piden londuseližes Alečun mec-kel'dtahos (franc.: Forêt d'Aletsch, saks.: Aletschwald 1292 m ü.m.t.), Vale-kanton, Šveicarii, 2. reduku 2021 Toižetada Allekirjutez

---

Image description / Oписание изображения
in English / на русском.

06

Sur' kogopil'v landšaftan päl Meksikan keskuzližes Guanahuato-štatas necil voz'päiväl kuz' vot tagaz, 6. reduku 2018 Toižetada Allekirjutez

---

Image description / Oписание изображения
in English / на русском.

07

Södab korvanvuitte aurikulärii-sen' (latin.: Auricularia auricula-judae) Aurikularižed-sugukundaspäi Sitmarjad-heimon (Sambucus) penzhan seikhel, Friske Marren-kund, Frislandii-agj, Alamad, 15. uhoku 2024. Senen toine nimi om Judan korvad, hän rippui ičtaze sitmarjoil legendan mödhe. Kuva om sätud fokusiruindal 20 fotospäi. Toižetada Allekirjutez

---

Image description / Oписание изображения
in English / на русском.

08

Sinižhändaine mezjäižsöi (latin.: Merops philippinus) rahvahaližes Jal-puištos (angl.: Yala National Park 979 km² pindal, singal.: යාල ජාතික වනෝද්‍යානය Jala džatica uanojane, tamil.: யால தேசிய வனம் Jala desian sert), Šrilankan suvipäivnouzmaine mererand, 27. uhoku 2022 Toižetada Allekirjutez

---

Image description / Oписание изображения
in English / на русском.

09

Durga-jumalnaine i Ganeš, Lakšmi, Sarasvati, Kartik kumardelendan aigan, Solakaz järv Kolkatan pohjoižes, Päivlaskmaine Bengalii-štat, Indii, 17. reduku 2018. Tämbäi (9. reduku) om jogavozne induizman Durga Pudža-festival' (vai Durgotsava) Durga-jumalnaižen oiktastuseks hänen vägestusen muštoks Mahišasuran päl. Se indine pühäč om äipäiväline, oleskeleb ašvin-kun aigan (sügüz'ku-reduku), om päine šaktizman veros. Toižetada Allekirjutez

---

Image description / Oписание изображения
in English / на русском.

10

Turistižen TUI Cruises-kompanijan Mein Schiff 4-kruizlaiv («Minun laiv 4» saksan kelespäi) Rostokan meriportas, Meklenburg da Ezine Pomeranii-federacijanma, Saksanma, 9. viluku 2021. Öline nägu suvipäivnouzmaspäi, 60-sekundiženke ekspozicijanke. Laiv om saudud Turkus (Suomenma) i om registriruidud Mal'tas, ujuškanzi kümne vot tagaz, vn 2014 10. päiväl redukud. Toižetada Allekirjutez

---

Image description / Oписание изображения
in English / на русском.

11

Hüväsuguine pedr (latin.: Cervus elaphus) Al'piden londuseližes Alečun mec-kel'dtahos (franc.: Forêt d'Aletsch, saks.: Aletschwald 1292 m ü.m.t.), Vale-kanton, Šveicarii, 2. reduku 2021 Toižetada Allekirjutez

---

Image description / Oписание изображения
in English / на русском.

12

Riman katoline Aparesidan Jumalanmaman bazilikjumalanpert' (port.: Catedral Basílica do Santuário Nacional de Nossa Senhora Aparecida) astužnikoiden Passarela da Fé-tenke, kudamb ühtenzoitab vanhad (nügüdläine versii om saudud vll 1834−1888) i ut jumalanpertid man pindan päl, Aparesidan municipalitet, San Paulu-štatan suvipäivnouzm, Brazilii, 4. heinku 2016. Uz' pühäpert' om saudud vll 1952−1980. Pühäpert' voib mülütada 30 tuhazesai pühämatkajid i 200 tuhazesai lähiženke territorijanke (vaiše Pühän Petran päjumalanpert' Vatikanas voib mülütada enamba). Tämbäi (12. reduku) om Aparesidan Jumalanmaman (Brazilijan kaičii) päiv i üks' kahesas federaližes pühäčuspäi Brazilijas. Toižetada Allekirjutez

---

Image description / Oписание изображения
in English / на русском.

13

Amerikaižen joganedal'žen satirižen Puck-aiglehtesen (lähtli vll 1871−1918) kor', nomer 13. reduku 1909-dataspäi. Kuvan nimituz: "Friends, farewell!" («Sebranikad, jäkat hüväšti!»). Vl 1909 AÜV:oiden sodamerivägiden Robert Piri-inžener (Robert Peary) lopi ekspedicijad, kudamb, hänen sanoiden mödhe, oli Pohjoižnabaha oigetud, hot' nügüd'aigan istorikad pagištas toižin. Sil aigal lugetihe, miše ekspedicii oli satusekahan. AÜV:oiden parlamentan kirjištospäi. Toižetada Allekirjutez

---

Image description / Oписание изображения
in English / на русском.

14

Pühän Stroican katoližen jumalanpertin nägu Zin'kiv-žilos, Hmel'nickijan agjan suvipala, Ukrain, 17. heinku 2020. Pühäpertin aluz om pandud vl 1450 ühten aigan zamkanke kaičemhas totarlaižiden londoid vaste. Toižetada Allekirjutez

---

Image description / Oписание изображения
in English / на русском.

15

Sphaerechinus granularis-merineglik Garažau-merikel'dtahos (3,76 km²) Madeir-saren randanno, Funšal, Portugalii, 31. semendku 2019 Toižetada Allekirjutez

---

Image description / Oписание изображения
in English / на русском.

16

Ortodoksižen hristanuskondan Arkadi-jumalankodin ikun (grek.: Μονή Αρκαδίου Moni Arkadiou) Retimnonan ümbrikos, Krit-sar', Grekanma, 6. sügüz'ku 2023. Jumalankodin aluz om pandud 5. vai 7. voz'sadan augus. Toižetada Allekirjutez

---

Image description / Oписание изображения
in English / на русском.

17

«Pompejan jäl'gmäine päiv» (ven.: Последний день Помпеи) om venämalaižen Karl Brüllov-pirdajan sur' istorine voikuva, 456,5 × 651 sm surtte. Se om sätud vll 1830–1833 italižen Vezuvii-lämoimägen lavanheitandas vl 79 redukus meiden erad, kudamb tegihe 1945 vot tagaz. Pirdai ajeli Vezuvijan pohjannoks vn 1827 kezal i tegi severt-se pirdkuvid. Kuva kaičese Piterin Valdkundaližes Venälaižes muzejas. Toižetada Allekirjutez

---

Image description / Oписание изображения
in English / на русском.

18

Riman katoližen phh. Perpetü i Felisite jumalanpertin südäin Nim-lidnas (franc.: église Sainte-Perpétue et Sainte-Félicité de Nîmes), Gar-departamentan administrativine keskuz, Francijan suvine mererandpol', 18. uhoku 2019 Toižetada Allekirjutez

---

Image description / Oписание изображения
in English / на русском.

19

Bukpu-heimon tipižen evropine bukpu-erikon (latin.: Fagus sylvatica) küpsmatoi plod londuseližes De Famberhorst-kel'dtahos koume gektarad pindal, Friske Marren-kund, Frislandii-agj, Alamad, 21. heinku 2023. Kuva om sätud fokusiruindal 36 fotospäi. Toižetada Allekirjutez

---

Image description / Oписание изображения
in English / на русском.

20

Gimalajiden Khumbu-jäžoman nägu bazaspäi Pumori-mägen pautkel 5500 m ü.m.t. korktusel, Sagarmath Džomolungm zon, Nepal, 19. reduku 2009. Voib nähta nenid mägenpäid: Amadablam, Kangteg (Kangtega), Thamserku da toižed. Toižetada Allekirjutez

---

Image description / Oписание изображения
in English / на русском.

21

Šrilankan elefantan emäč (latin.: Elephas maximus maximus) hänen poigaižidenke rahvahaližes Jal-puištos (angl.: Yala National Park 979 km² pindal, singal.: යාල ජාතික වනෝද්‍යානය Jala džatica uanojane, tamil.: யால தேசிய வனம் Jala desian sert), Šrilankan suvipäivnouzmaine mererand, 26. uhoku 2022. Se om indižen (azijalaižen) elefantan alaerik. Toižetada Allekirjutez

---

Image description / Oписание изображения
in English / на русском.

22

Manarol-lidnut (ital.: Manarola) om üks' vides eländpunktaspäi rahvahaližes «Činkve Terre»-puištos (ital.: Cinque Terre «viž mad» 45,1 km² pindal), Ligurijan agj läz Specii-lidnad, Italii, 17. sügüz'ku 2023, lodehline nägu. Amuine lidnut sijadase kaitud merikaran randal koverikahanke reljefanke. Puišt mülüb UNESCO:n Mail'man jäl'gushe vspäi 1997. Toižetada Allekirjutez

---

Image description / Oписание изображения
in English / на русском.

23

Kartut nomer 23 Skorpion-tähthišton znamanke Urania's Mirror-kogodusespäi («Uranijan zerkol»), mülütab 32 kartut astronomižidenke tähthištoidenke, om publikoitud ezmäižen kerdan vn 1824 kül'mkus. Tegi anglijalaine Sidni Holl-kartogaf (Sidney Hall, 1788–1831). Joga kogoduz om käzil mujutadud vezimujuil. Sätud kartudes reigud lasktas kacujile nähta tähthišton tähthiden sijadust toine toižen rindataden, ku sijata kartut vauktusen kohtha. Möihe kogodust A familiar treatise on astronomy...-ližakirjanke («Populärine traktat astronomijas»), kirjuti Jehošafat Aspin (Jehoshaphat Aspin), London. Toižetada Allekirjutez

---

Image description / Oписание изображения
in English / на русском.

24

Vezitippud gibiskus-heimon (latin.: Hibiscus) kazmusen vauktal änikol suvipäivlaskmaižen mussonan vihman jäl'ghe, kofeplantacii kukhikahas Koorg-regionas, Karnatak-štat, Indijan suvi, 24. kezaku 2024 Toižetada Allekirjutez

---

Image description / Oписание изображения
in English / на русском.

25

Amerikaine Keti Perri-pajatai (angl.: Katy Perry) tegeb ezitust vn 2016 AÜV:oiden Demokratižen partijan suiman aigan (2016 Democratic National Convention, se valiči Hillari Klintonad valdkundan prezidentan kandidataks), Filadel'fii, Pensil'vanii-štat, AÜV, 28. heinku 2016. Tämbäi (25. reduku) om pajatajan naižen sündundpäiv. Toižetada Allekirjutez

---

Image description / Oписание изображения
in English / на русском.

26

Päiduz Rio-de-Žaneiros Pan-di-Asukar-mägen nägunke (port.: Pão de Açúcar «saharanpä» 396 m ü.m.t.) rahvahaližes Tižuk-puištospäi (Parque Nacional da Tijuca, mec da mäged 40 km² pindal), Rio-de-Žaneiro-štat, Brazilii, 8. sulaku 2016 Toižetada Allekirjutez

---

Image description / Oписание изображения
in English / на русском.

27

Nägu Hinterzee-järvespäi (16,4 ga) Hohkal'ter-mägidennoks Berhtesgaden-Al'piš, biosferine Berchtesgadener Land-kel'dtaho Bavarii-federacijanman suvipäivnouzmaižes čogas Avstrijan röunanno, Saksanma, 25. reduku 2022 Toižetada Allekirjutez

---

Image description / Oписание изображения
in English / на русском.

28

Privatine Stoksberg-zamk (saks.: Schloss Stocksberg) sen tetabidenke vinmarjžomidenke Brakenhaim-lidnas, Baden-Vürtemberg-federacijanma, Saksanma, 28. reduku 2020. Landšaft mülüb kaitud territorijoihe. Toižetada Allekirjutez

---

Image description / Oписание изображения
in English / на русском.

29

Järgeline pavlin (latin.: Pavo cristatus) ozutab ičeze höunhid, 8. semendku 2009 Toižetada Allekirjutez

---

Image description / Oписание изображения
in English / на русском.

30

Naine virigzoitab tohuzid Divali:n täht. Se om Päivlaskmaižen Bengalijan da kaiken Indijan lämoiden festival', vl 2024 Dipavali oigendase redukun lopus i kül'mkun zavodindas. Toižetada Allekirjutez

---

Image description / Oписание изображения
in English / на русском.

31

Reklamirui amerikaižen Govard Törston-völhad (Howard Thurston) plakat 104 x 35 sm surtte, ozutab hänen peitolišt indišt fokusad kervačun kävutandanke, läz 1927. vot. Vahvištase, miše se om fokusan ezmäine ozutez Indijan irdpolel, no 20. voz'sadan teatran tedotusiden todhudenmär ei olend täudeks erasti. Völh tacib kervačud ülähäks, i se jäb püštti, kut näguse savun pil'viš. Tämbäi (31. reduku) om Hellouin. Toižetada Allekirjutez

---

Image description / Oписание изображения
in English / на русском.