Pohjoižatlantižen kožundkirjutesen organizacii

PAKO:n logotip

Organizacijan ühtnijad

Pohjoižatlantižen kožundkirjutesen organizacii, lühüdas PAKO (angl.: North Atlantic Treaty Organization, NATO; franc.: Organisation du traité de l'Atlantique nord, OTAN) om rahvahidenkeskeine sodaorganizacii politiženke valatoitusenke. Anglijan kel' i francijan kel' oma oficialižed, päfater sijadase Brüsseliš, Bel'gii. Sädihe vodel 1949 sulakun 4. päiväl Vašingtonas kaičemha Evropan maid NSTÜ:n valatoitandad vaste. Varšavan kožundkirjutesen organizacijan čihodamižen jäl'ghe sodablok jätktab radmižen kut kollektivižen varuitomuden garant: kaik PAKO:n ühtnijad abutadas valdkundale, kudambha lond om tehtud.

Ümbrikirjutand

Vspäi 2017 Evropan da Pohjoižamerikan 29 valdkundad mülüdas al'jansha. Kaik valdkundad mülüdas Atlantižen valdmeren basseinan pohjoižpalaha. Valdkundoiden ühthine sodabüdžet ülitab 900 mlrd US$ (mail'man sodarajadusiden seičeme kümnendest), sidä kesken koume videndest om AÜV:oiden kaičendministrusen («Pentagon:an») sodabüdžet.

Jens Stoltenberg radab organizacijan ezimehen vodes 2014 redukun 1. päiväspäi. Toižed Evropan valdkundad oma ühthižtöiš organizacijanke, sidä kesken kaik neitraližed valdkundad, Venäma, Kazahstan, Ukrain.

Valdkundad-ühtnijad

Ühtnendan dat	Valdkund	Leviganduz	Aktivine personal, rist.	Sodarajadused, US$ mln. (2015)
4. sulaku 1949	Alamad Alamad	Alusenpanijad	47,660	10,476
	AÜV AÜV		1,369,532	595,472
	Bel'gii Bel'gii		24,500	4,953
	Danii Danii		20,003	4,130
	Francii Francii		222,215	49,747
	Islandii Islandii		210	4
	Italii Italii		180,000	28,460
	Kanad Kanad		68,000	17,210
	Lüksemburg Lüksemburg		1,057	362
	Norvegii Norvegii		26,200	7,377
	Portugalii Portugalii		44,900	4,380
	Sur' Britanii Sur' Britanii		205,851	59,730
18. uhoku 1952	Grekanma Grekanma	Ühtenz'	180,000	6,104
	Turkanma Turkanma		620,473	17,669
6. semendku 1955	Saksanma Saksanma	Kahtenz'	180,676	47,046
30. semendku 1982	Ispanii Ispanii	Koumanz'	123,000	16,929
12. keväz'ku 1999	Čehii Čehanma	Nellänz'	21,057	2,099
	Mad'jaranma Mad'jaranma		29,700	1,225
	Pol'šanma Pol'šanma		120,000	12,603
29. keväz'ku 2004	Bolgarii Bolgarii	Videnz'	35,000	797
	Estinma Estinma		6,425	546
	Latvii Latvii		6,000	341
	Litvanma Litvanma		15,839	566
	Romanii Romanii		73,350	2,980
	Slovakii Slovakii		16,000	1,164
	Slovenii Slovenii		7,300	489
1. sulaku 2009	Albanii Albanii	Kudenz'	8,500	155
	Horvatii Horvatii		18,000	904
5. kezaku 2017	Montenegro Mustmägi	Seičemenz'	1,950	43
	PAKO		3,585,000	904,913

Irdkosketused

• PAKO:n oficialine sait (nato.int). (angl.) (fr.) (ven.) (ukr.)