Keil (lidn)

Keil
Keila
Lidnanznam;	Flag;
Valdkund	Estinma
Eläjiden lugu (2025)	11,024 ristitud
Pind	11,25 km²
Pämez'	Enno Fels; (sügüz'ku 2012—)
Telefonkod	+372
Aigvö	tal'vel UTC+2,; kezal UTC+3

Keil (est.: Keila, saks.: Kegel) om Estinman lidn da raudtesol'm valdkundan lodehes. Se om Tallidnan suvipäivlaskmaine ezilidn, mülüb Harju-makundha.

Istorii

Eländpunkt mainitase ezmäižen kerdan Danijan lidnusiden kirjas vl 1241. Läz 13. voz'sadan lopuspäi kivine jumalanpert' i žilo senno sijazihe Keil-jogen oiktal randal. Vll 1950−1962 lidn oli Keilan rajonan administrativižeks keskuseks. Nevondkundaližen aigan Tankipolk (sodabaz) radnikoiči lidnanno, jäihe vaiše erasid pertid sišpäi vodele 2009.

Keil šingotase elektromašiništon tehmižel («Harju Elekter»-kompanijan päfater da edheotandad, suomen Ensto-kompanijan tegim).

Geografijan andmused

Lidn sijadase makundan päivlaskmas, ühtennimižen jogen hural randal läz täuzin (est.: Keila jõgi 112 km pitte, Suomen lahten bassein), 35..45 m ü.m.t. korktusil.

Matkad Tallidnan röunhasai om vižtoštkümne kilometrad pohjoižpäivnouzmha, keskuzpalhasai — 25 km pohjoižpäivnouzmha orhal, avtotel vai raudtedme Saue-lidnan kal't. Elektrificiruidud raudte ühtenzoitab Keilad Paldiski-lidnanke i Riisipere-žilonke mugažo.

Eläjad

Vl 1939 eläjiden lugu oli 1 172 ristitud, vn 2011 Estinman rahvahanlugemižen mödhe — 9 763 ristitud. Vspäi 1990 lidnan ristitišton lugu vajehtub 9,5..10,2 tuhad eläjid röunoiš, kaikiš suremb oli 10,2..10,7 tuh. ristituid vl 1990.

Rahvahad (enamba 0,4 % vl 2011): estilaižed — 84,9 %, venänikad — 11,0 %, ukrainalaižed — 1,4 %, suomalaižed — 0,6 %, vaugedvenälaižed — 0,5 %, toižed rahvahad — 1,6 %.