Moroni

Vikipedii
Mine navigeerimisribale Mine otsikasti
Moroni
Moroni (franc.)
موروني (Mūrūnī, arab.)
Valdkund Komoran Sared
Eläjiden lugu (2016) 111,329 ristitud
Pind 30 km²
Moroni Moroni (franc.) موروني (Mūrūnī, arab.)
Telefonkod +269-
Aigvö UTC+3


Moroni (mugažo francijan kelel; arab.: موروني Mūrūnī) om Komoran Sariden pälidn da kaikiš suremb lidn. Se om valdkundan ižandusen keskuz, Ngazidž-saren-avtonomijan administrativine keskuz mugažo.

Istorii[redaktiruida | redaktiruida purde]

Eländpunktan aluz om pandud arabalaižil 10. voz'sadas kuti sultanatan pälidn meritel Zanzibarannoks (nüg. Tanzanijas). Hätken aigan Majottan Dzaudzi oli Komoroiden administrativižeks keskuseks, no vl 1958 panihe Moronid valdkundan pälidnaks.

Sömtegimišt om olmas Moroniš (alkogolitomad jomad). Efirvoiden, metalliden i pumaterialiden ümbriradajad edheotandad. Vaumitadas vulkanižen tufan, se om cementtegimiden torhuz.

Geografijan andmused[redaktiruida | redaktiruida purde]

Lidn sijadase saren päivlaskmaižel mererandal, Kartal-vulkanan pautkel (franc.: Karthala 2361 m kortte), 29 m ü.m.t. keskmäižel korktusel. Matkad vulkanan suhusai om 10 km, tegihe enamba 20 lavanheitandad 19. voz'sadaspäi (jäl'gmäižed vll 2005 i 2006).

Klimat om ekvatorialine neps vihmmecoiden, kaikenaigaižed meripassatad pehmdas sidä. Il'man lämuz vajehtase +21..+30 C° röunoiš vodes läbi, ekstremumad oma +14 C° i +36 C°. Paneb sadegid 2700 mm vodes, vähemba elokus-kül'mkus (100..150 mm kus).

Eläjad[redaktiruida | redaktiruida purde]

Vl 2003 lidnan eläjiden lugu oli 41 557 ristitud. Kaikiš suremb ristitišt om nügüd' (111 329 eläjad vl 2016), valdkundan kahesandez. Islamanuskojad-sunnitad ottas 98% ristitištos, om hristanuskondan pühäpertid lidnas mugažo.

Moroni-lidnan port om madalanno merikaranno, ka todas jüguid kabotažastjoil saren toižes portaspäi süvänno merikaranno. Lendimport sijadase 30 km pohjoižhe lidnaspäi.

Homaičendad[redaktiruida | redaktiruida purde]




Afrikan pälidnad
Abudž | Addis-Abeb | Akkr | Alžir-lidn | Antananarivu | Asmar | Bamako | Bangi | Banžul | Bisau | Brazzavil' | Dakar | Dodom | Džibuti-lidn | Džub | Fritaun | Gaborone | Giteg | Harare | Hartum | Jamusukro | Jaunde | Kair | Kampal | Kigali | Kinšas | Konakri | Librevil' | Lilongve | Lome | Luand | Lusak | Malabo | Maputu | Maseru | Mbabane | Mogadišo | Monrovii | Moroni | Nairobi | Ndžamen | Niamei | Nuakšot | Port Lui | Porto Novo | Prai | Pretorii | Rabat | San Tome | Tripoli | Tunis-lidn | Uagadugu | Viktorii | Vindhuk