Mbabane

Mbabane (veps. i angl.)
ÉMbábáne (svaz.)

Valdkund	Esvatini
Eläjiden lugu (2010)	94,874 ristitud
Pind	81,76 km²
Telefonkod	+268-
Aigvö	UTC+2

Lidnan irdal

Mbabane (mugažo anglijan kelel, virktas [ˌʌmbɑːˈbɑːneɪ]; svaz.: ÉMbábáne [ɛ́ᵐbʱáɓánɛ]) om Esvatinin oficialine pälidn da kaikiš suremb lidn. Se om Hoho-agjan administrativižeks keskuseks mugažo, mülüb agjaha.

Istorii

Eländpunktan aluz om pandud vl 1887 18. voz'sadan buroiden lidnusen sijas. Nimitihe Mbabane Kunane-vejan mödhe. Vl 1902 sirtihe britanižen Svazilend-protektoratan pälidnad neche eländpunktha Bremersdorp-lidnaspäi. Vspäi 1968 Mbabane om ripmatoman valdkundan pälidnaks.

Mbabane šingotase sömtegimištol (saharan tehmine), metallan ümbriradmižel, omblendedheotandoil, turizmal, kaivuztegimišt (tin, raud) radab lidnan ümbrištos. Pälidn om turizman keskuz, mugažo radnikoiden Suviafrikan Tazovaldkundas tranzitine punkt.

Geografijan andmused

Lidn sijadase valdkundan päivlaskmas-lodehes, agjan suvipäivlaskmas, Polindžane-jogen lanktendan sijas Mbabane-jogehe Drakonan mägiden Mdimb-mägenno (angl.: Mdimba), 1243 m ü.m.t. keskmäižel korktusel. Raudte ühtenzoitab lidnad Maputu-portanke (Mozambik) vspäi 1964.

Klimat om subtropine mägiden. Voden keskmäine lämuz om +16,5 C°, tal'vkun-keväz'kun +19..+20 C°, kezakun-heinkun +12 C°. Ekstremumad oma −6,1 C° i +34,5 C°. Paneb sadegid 1441 mm vodes, enamba kül'mkus-uhokus (198..253 mm kus), vähemba semendkus-elokus (19..35 mm kus). Vspäi 1900 pani lunt koume kerdad vaiše.

Eläjad

Vl 2010 lidnan eläjiden lugu oli 94 874 ristitud.

Esvatinin universitetan medicinine fakul'tet sijadase lidnas.

Irdkosketused

• Lidnan oficialine sait (mbabane.org.sz). (angl.)