Vallett

Vallett
Il-Belt Valletta (mal't.)
Valletta (angl.)
Lidnanznam;	Flag;
Valdkund	Mal't
Eläjiden lugu (2019-01-01)	5,827 ristitud
Pind	0,61 km²
Telefonkod	+356-
Aigvö	tal'vel UTC+1,; kezal UTC+2

Vallett (mal't.: il-Belt Valletta [ɪlˈbɛlt vɐˈlːɛtːɐ], angl.: Valletta [vəˈlɛtə], edel 1970-nzihe vozihesai La-Valletta) om Mal'tan pälidn. Sen region om valdkundan ekonomine i politine keskuz. Läz 480 tuhad eläjid om ezilidnoidenke 256 km² pindal (vn 2020 augotiž).

Istorii

Johannitoiden ordenan Žan Parizo de la Valletta-magistr, ricar' da laivištonvei kaiči sart turkoid vaste vl 1565 i pani lidnan alust 16. voz'sadal. Erištadihe sidä roval sarespäi, letihe lidnad teravas kaiken hristianižen mirun rahaandoišpäi i nimitihe magistran kanzannimen mödhe.

Kuti kaik sar', Vallett mülüi Britanižhe imperijha vll 1800−1974. Lidn oli muretud znamasižikš Toižen mail'man sodan aigan. Om valdkundan pälidnaks ripmatomuden sandan aigaspäi vl 1974.

Geografijan andmused

Lidn sijadase Keskmeren Mal't-saren pohjoižpäivnouzmaižel randal, pol'sarel londuseližidenno merikaroidenno, 56 m ü.m.t. keskmäižel korktusel. Merikaroiden nimed oma Sur' merikar (mal't.: il-Port il-Kbir, angl.: Grand Harbour) suvipäivnouzmha i Marsamšett (mal't.: Marsamxett).

Klimat om Keskmeren. Keza om päivoikaz lujas, lühüd tal'vaig om pil'vekaz. Voden keskmäine lämuz om +19,5 C°, heinkun-elokun +26,9..+27,5 C°, kezakun +24,2 C°, sügüz'kun +24,9 C°, tal'vkun-keväz'kun +12,6..+14,5 C°. Paneb sadegid 581 mm vodes, enamba redukus-uhokus (73..94 mm kus), vähemba heinkus (0,2 mm) i sulakun-elokun toižiš pordoiš (6..20 mm kus).

Eläjad oma mal'talaižed i katolikad päpaloin.

Homaičendad

Vallett Vikiaitas

	Evropan pälidnad
	Afinad \| Amsterdam \| Andorr la Vel'j \| Baku \| Belgrad \| Berlin \| Bern \| Bratislav \| Brüssel' \| Budapešt \| Buharest \| Dublin \| Hel'sinki \| Jerevan \| Kijev \| Kišinöv \| Kopenhagen \| Lissabon \| London \| Lüblän \| Lüksemburg-lidn \| Madrid \| Minsk \| Monako-lidn \| Moskv \| Nikosii \| Oslo \| Pariž \| Podgoric \| Prag \| Reikjavik \| Rig \| Rim \| San Marino-lidn \| Sarajevo \| Skopje \| Sofii \| Stokhol'm \| Zagreb \| Tallidn \| Tbilis \| Tiran-lidn \| Vaduc \| Vallett \| Varšav \| Vatikan \| Ven \| Vil'nüs

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.