Lilongve

Lilongve
Lilongwe

Valdkund	Malavi
Eläjiden lugu (2018)	989,318 ristitud
Pind	727,79 km²
Telefonkod	+265-
Aigvö	UTC+2

Lilongve (angl.: Lilongwe [lɪˈlɒŋweɪ], amerikaine pagin [-wi, lɪˈlɔːŋweɪ]) om Malavin pälidn da kaikiš suremb lidn.

Istorii

Kalanikoiden pen' külä oli voz'sadoiš lidnan sijas. Nügüdläižen eländpunktan aluz om pandud vl 1906 kuti torguindžilo, nimitihe jogen mödhe. Vl 1909 raudte läbiti eländpunktad. Lilongve šingotihe tabakan biržal i sai lidnan statusad vl 1947. Vl 1975 se kändihe valdkundan pälidnaks suvižen Zomb-lidnan sijas, i valdkundaližed aluzkundad sirdiba Lilongvehe vhesai 2005.

Lilongve šingotase pälidnan funkcijoil, torguindal i sauvondal, finansoiden sarakol, sömtegimištol, sidä kesken tabakan i kukruzan ümbriradmižel.

Geografijan andmused

Lidn sijadase valdkundan keskuzpalas, ühtennimižen Lilongve-jogen randal (200 km pitte, Njas-järven i Zambezin bassein), 1050 m ü.m.t. keskmäižel korktusel.

Klimat om subtropine kaks'sezonine korktoiden mägiden röunal. Kun keskmäine lämuz om +16..+23 C° vodes läbi, ekstremumad oma +0,1 C° i +34 C°. Paneb sadegid 869 mm vodes, semendkus-redukus kuiv sezon oleskeleb (24 mm kaikes pordos).

Eläjad

Vn 2018 Malavin rahvahanlugemižen mödhe pälidnan eläjiden lugu oli 989 318 ristitud. Kaikiš suremb ristitišt om nügüd'.

Eläjiden tobj pala oma nened afrikanižed igähižed rahvahad: čeva (enamba kaht videndest), ngoni, lomve, jao, tumbuko.

Religijan mödhe (2018) lidnalaižiden 84 % oma hristanuskojad (Keskafrikan presviterianine jumalankodikund, katolicizm, baptistad da toižed protestantad), 11 % islamanuskojad, 5 % — toižed uskojad i religijatomad.

Sebruzlidnad

• Lusak, Zambii (vspäi 2004)
• Kitai Taibei, Taivan', Kitai (1984)

Irdkosketused

• Lidnan tobmuden sait (lcc.mw). (angl.)