Kos'kenaluine

Vikipedii
(Oigetud lehtpolelpäi Podporožje)
Hüpähtada: navigacii, Ecind
Kos'kenaluine
Подпорожье
 Lidnanznam
Coat of Arms of Podporozhye (Leningrad oblast).gif
 Flag
Flag of Podporozhye (Leningrad oblast).png
Valdkund Venäma
Eläjiden lugu (2016) 17 895 ristitud
Telefonkod +7-81 365-xx-xxx
Avtokod 47
Aigvö UTC+3 (MSK+0)


Kos'kenaluine vai Podporožj (ven.: Подпорожье, suom.: Koskenala) om Venäman lidn Leningradan agjas. Se om Kos'kenaluižen rajonan administrativine keskuz da üks'jäine lidn.

Istorii[redaktiruida | redaktiruida purde]

Eländpunktan aluz om pandud 19. voz'sadan lopul kuti Kos'kenaluine-külä (Podporožj-külä) Sigovec- da Medvedec-küliden ühtištusel[1]. Vozil 1927-1932 se oli i vspäi 1938 om ühtennimižen rajonan administrativižeks keskuseks. Vozil 1936-1951 sauvoihe Üläsüvärin GES:ad. Vl 1937 Kos'kenaluine-külä oli tehnu radnikžiloks. Se sai lidnan statusad vl 1956, sil-žo aigal GES:an sauvojiden žilod da lähižid külid mülütihe lidnha.

Nügüdläine Kos'kenaluižen lidnankund om olmas vspäi 2006, se om 2025 nellikkilometrad pindal (rajonan nelländez), mülütab mugažo Tokari-žilod da 12 küläd. Küliden da žilon ühthine ristitišt om läz 300 eläjad vl 2010, toine om Kos'kenaluine-lidnan ristitišt.

Geografižed andmused[redaktiruida | redaktiruida purde]

Lidn sijadase rajonan lodehes, seižub Süvärin hural randal tobjimalaz, 50 metrad valdmeren pindan päl keskkorktusel. Matkad Piterin röunhasai om 265 kilometrad suvipäivlaskmha avtotedme. Matkad Petroskoihesai om 98 km pohjoižhe orhal i 232 km avtotedme. Lähembaine lidn om Pöud 40 km suvipäivlaskmha.

Lidnankundan londuseližed varad oma gravii, letked, gabrodiabaz, mec, reskvezi.

Tobmuz[redaktiruida | redaktiruida purde]

Käskusenandai tombuz om lidnan Ezitajiden Nevondkund (ven. Совет депутатов) 15 ühtnijanke. Kaik rahvaz valičeb heid videks vodeks. Järgenduseližed valičendad sihe oliba vl 2014 sügüz'kun 14. päiväl. Vasilii Mosihin radab sen ezimehen da rajonan Ezitajiden Nevondkundan ezimehen (rajonan pämehen) vs 2009 redukun 23. päiväspäi kahtenden strokun jäl'geten.

Vspäi 2009 kül'mkun 23. päiväspäi Petr Levin om valitud i radab lidnankundan i rajonan administracijan pämehen, se om hänen kahtenz' strok jäl'geten. Ezmäine varapämez' da nell' muite varapämest oma hänele abhu. Kahesa palakundad, koume komitetad da laudkund alištudas lidnankundan i rajonan administracijale.

Eläjad[redaktiruida | redaktiruida purde]

Vl 1939 eläjiden lugu oli 16 147 ristitud. Vn 2010 kaiken Venäman rahvahanlugemižen mödhe 18 733 ristitud elihe lidnas. Se om rajonan ristitišton koume videndest.

Ortodoksižen hristanuskondan Pühän Jumalanmaman Blagoveššenjan pühäpert' om lidnas.

Ižanduz[redaktiruida | redaktiruida purde]

Ekonomikan päsarakod oma mecan ümbriradmine, gidroenergetik (Üläsüvärin GES), sildkonstrukcijoiden tehmine, metallkonstrukcijoiden da tagodud tegesiden pästand.

Specialižen opendusen aluskundoid om lidnas:

  • keskopenduz — politehnine tehnikum;
  • üläopenduz — Puškinan nimel nimitadud Leningradan valdkundaližen universitetan (Puškin-lidn) filial; Piterin irdekonomižiden kontaktoiden, ekonomikan da oiktusen institutan filial.

Transport[redaktiruida | redaktiruida purde]

Ühtennimine raudtestancii sijadase 1 kilometras lidnan päivlaskmaižes röunaspäi PiterMurmansk raudtel. Raudtesild Süväriš päliči om lidnan lodehižel röunal.

Jogiport om Süvärin hural randal. Nece jogi om Volgan-Baltijanmeren veziten pala.

Üläsüvärin GES:an üläh om avtotesild Süväriš päliči lidnan pohjoižpäivnouzmaižel röunal.

Avtobusad oma kundaližeks transportaks lidnan südäimes. Ned-žo ühtenzoittas lidnad rajonan järedoiden eländpunktoidenke da lähembaižiden lidnoidenke.

Homaičendad[redaktiruida | redaktiruida purde]

  1. Kos'kenaluine-lidnan istorii. — Kos'kenaluižen rajonan administracijan sait (podadm.ru). (ven.)

Irdkosketused[redaktiruida | redaktiruida purde]


Leningradan agjan lidnad
Boksitogorsk | Gatčin | Ivangorod | Kamennogorsk | Kingisepp | Kiriši | Kirovsk | Kommunar | Kos'kenaluine | Lug | Lüban' | Nikol'skoje | Otradnoje | Pikalövo | Primorsk | Priozersk | Pöud | Sertolovo | Slanci | Sosnovii Bor | Svetogorsk | Säs'stroi | Šlissel'burg | Tihvin | Tosno | Uz' Ladog | Viipur | Visock | Volhov | Volosovo | Vsevoložsk