Turinsk

Vikipedii
Jump to navigation Jump to search
Turinsk
Туринск
 Lidnanznam
Coat of Arms of Turinsk (Sverdlovsk oblast).png
 Flag
Flag of Turinsk (Sverdlovsk oblast).png
Valdkund Venäma
Eläjiden lugu (2017) 17 316 ristitud
Pind 28 km²
Turinsk Туринск
Pämez' Andrei Belousov
(keväz'ku 2 011—)
Telefonkod +7-34 349-xx-xxx
Avtokod 66, 96, 196
Aigvö UTC+5 (MSK+2)


Turinsk (ven.: Туринск) om Venäman lidn Sverdlovskan agjan päivnouzmas. Se om Turinskan lidnümbrikon (edel 2006 vot — rajonan) administrativine keskuz.

Istorii[redaktiruida | redaktiruida purde]

Ende Jepančin-jurt-eländpunkt oli olmas lidnan sijas, se oli muretud Jermakal. Nügüdläižen eländpunktan aluz om pandud vl 1600 kuti lidnuz kaičemha vezited Solikamskaspäi Sibirihesai, nimitihe jogen mödhe. 1640-nziš vozišpäi eländpunkt šingotihe sijaližen villän torguindal. Vl 1750 lidnuz paloi lophu, no panihe bumagmanufakturan alust. Turinsk sai Tobol'skan agjan makundan lidnan statusad vl 1782. Tavdan raudte läbiti lidnad vodele 1916, raudtestancii nimitase Turinsk-Ural'skii.

Turinsk šingotase cellülozbumagaižel tegimel (bumag, špalerad, pukuidlehthed), metallan i mecan ümbriradmižel, sömtegimištol, lebukeskusel hulanno purtkenno.

Geografijan andmused[redaktiruida | redaktiruida purde]

Lidn sijadase Turan tazangištol, Tur-jogen oiktal randal (Tobolan hura ližajogi, Obin hurapol'ne bassein), 80 m ü.m.t. keskmäižel korktusel. Kaks'kilometrine avtotesild ühtenzoitab Turan randoid «Jekaterinburg — Tavd»-avtotel, se ümbärdab lidnad pohjoižespäi. Matkad Jekaterinburghasai om 228 km suvipäivlaskmha orhal, 260 km avtotedme vai raudtedme. Lähembaine lidn om Irbit 55 km suvipäivlaskmha orhal, 64 km avtotedme vai raudtedme.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe lidnan eläjiden lugu oli 17 925 ristitud, lidnümbrikon kaks' koumandest. Kaikiš suremb lidnan ristitišt oli 22..23 tuh. eläjid vll 1967−1998 (23 300 rist. vl 1992). Ortodoksižen hristanuskondan kaks' jumalanpertid i ph. Mikulain naižjumalankodi oma olmas lidnas.

Rahvahad (ozutadud rahvahudenke vl 2010): venälaižed — 96,8%, toižed rahvahad — 3,2%.

Turinskan äiprofil'ne tehnikum om professionaližen opendusen aluzkundaks.

Irdkosketused[redaktiruida | redaktiruida purde]



Sverdlovskan agjan lidnad
Alapajevsk | Alasald | Alasergid | Alatagil | Alatur | Aramil' | Artömovskii | Asbest | Berözovskii | Bogdanovič | Degtärsk | Irbit | Ivdel' | Jekaterinburg | Kačkanar | Kamensk Uralal | Kamišlov | Karpinsk | Kirovgrad | Krasnoturjinsk | Krasnoufimsk | Krasnoural'sk | Kušv | Lesnoi | Mihailovsk | Nevjansk | Novoural'sk | Pervoural'sk | Polevskoi | Rež | Revd | Serov | Severoural'sk | Sisert' | Sredneural'sk | Suhoi Log | Zarečnii | Talic | Tavd | Turinsk | Uz' Läl' | Verhoturje | Volčansk | Üläpišm | Üläsald | Ülätagil | Ülätur