Volčansk (Sverdlovskan agj)

Volčansk
Волчанск
Lidnanznam;	Flag;
Valdkund	Venäma
Eläjiden lugu (2025)	8,304 ristitud
Pind	63 km²
Pämez'	Aleksandr Vervein; (reduku 2012—)
Telefonkod	+7−34 383-xx-xxx
Avtokod	66, 96, 196
Aigvö	UTC+5 (MSK+2)

Volčansk (ven.: Волча́нск) om Venäman lidn Sverdlovskan agjan lodehes. Se om Volčanskan municipaližen ümbrikon (edel 2025. vot — lidnümbrikon) administrativine keskuz da päpala.

Istorii

Eländpunktan aluz om pandud vl 1850 kuti Volčank (ven.: Волчанка) ühtennimižen jogen randal ostmaha meckarvad da ecmähä kuldad. Vl 1859 löutihe burad hil't Volčankan joginiškas, otaškanzihe kävutamha 1890-nzil vozil. Todesine samine zavodihe kar'jermahtusel vl 1942 ottud plenha saksalaižil varatoitmaha Bogoslovskii-alüminijantegimen sauvondan lämuzelektrokeskust lähižes Krasnoturjinskas (samine om loptüd vl 2015). Mecvolčank-žilo (ven. Лесная Волчанка, istorine keskuz i ühtennimine raudtestancii) sai lidnan statusad vn 1956 25. päiväl vilukud nügüdläiženke nimenke. Toine lidnan pala om Volčank hil'kar'jeranno.

Volčansk šingotase mehanižel tegimel^[1] (gazballonad, raudtevagonad-hopperad i palad niile) — «Uralvagonzavod:an» pala, mecan ümbriradmižel i vagonoiden kohendusel. Tramvaijono i avtobusmaršrut ratas lidnas.

Geografijan andmused

Lidn sijadase Pohjoižen Uralan päivnouzmaižil pautkil, 240 m ü.m.t. keskmäižel korktusel, Pen' i Sur' Volčank-jogiden randoil (Pen' lankteb Sur'he). Sur' Volčank om 57 km pitte, 18. voz'sadal mainitase venäks Валча, Волча-nimitusenke (Sos'van oiged ližajogi, Obin hurapol'ne bassein).

Matkad Jekaterinburghasai om 346 km suvhe orhal, 415 km avtotedme vai raudtedme. Lähembaižed lidnad oma Severoural'sk kaks'kümne viž kilometrad pohjoižhe orhal, avtotedme vai raudtedme, i Karpinsk Krasnoturjinskanke 20 km suvhe orhal, avtotedme vai raudtel.

Tobmuz

Vjužnii-žilo (251 rist. vl 2010) i Makar'jevk-külä (kaikenaigaižeta ristitištota) mülüdas lidnümbrikho Volčanskan ližaks. Lidnümbrikon pind — 470,8 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 10 010 ristitud, ümbrikon — 10 261 ristitud, vn 2021 lidnan — 8 573 ristitud. Vl 2017 kaik 8 885 ristitud elihe lidnas i 9 140 ristitud kaikes ümbrikos. Kaikiš suremb lidnan ristitišt oli 25 031 eläjad vl 1959.

Rahvahad (ozutadud rahvahudenke vl 2010): venälaižed — 86,6 %, saksalaižed — 4,6 %, totarlaižed — 4,1 %, toižed rahvahad — 4,7 %.

Ortodoksižen hristanuskondan ph. Mikulai-čudonsädajan jumalanpert'^[2] om saudud i pühästadud vodele 2014.

Openduz

Lapsiden opendusen aluzkundad^[3] oma kaks' päivkodid (nomer 1 (koume adresad) i nomer 4 (nell' adresad)), kaks' keskškolad (nomer 23 i 26), lapsiden sädamižen pert'kulu, čomamahtoiden škol, sportškol.

Karpinskan mašiništonsauvomižen tehnikuman filial om lidnan professionaližen opendusen aluzkundaks.

Galerei

Ph. Mikulai-čudonsädajan jumalanpert', vn 2014 nägu
Metallobaz i traktor muštnikaks (2017)
Vodolei-tehvehtandkompleks (2014, «Vedehine»)
Tramvaidepo vl 2009

Homaičendad

↑ Volčanskan mehanižen tegimen sait (vmzavod.ru). (ven.) (angl.)
↑ Volčanskan pühäpertid sobory.ru-saital. (ven.)
↑ Volčanskan municipaližen ümbrikon openduzohjandusen sait (oovgo.ru). (ven.)

Irdkosketused

Volčansk (Sverdlovskan agj) Vikiaitas

	Sverdlovskan agjan lidnad
	Alapajevsk \| Alasald \| Alasergid \| Alatagil \| Alatur \| Aramil' \| Artömovskii \| Asbest \| Berözovskii \| Bogdanovič \| Degtärsk \| Irbit \| Ivdel' \| Jekaterinburg \| Kačkanar \| Kamensk Uralal \| Kamišlov \| Karpinsk \| Kirovgrad \| Krasnoturjinsk \| Krasnoufimsk \| Krasnoural'sk \| Kušv \| Lesnoi \| Mihailovsk \| Nevjansk \| Novoural'sk \| Pervoural'sk \| Polevskoi \| Rež \| Revd \| Serov \| Severoural'sk \| Sisert' \| Sredneural'sk \| Suhoi Log \| Zarečnii \| Talic \| Tavd \| Turinsk \| Uz' Läl' \| Verhoturje \| Volčansk \| Üläpišm \| Üläsald \| Ülätagil \| Ülätur

[1] Volčanskan mehanižen tegimen sait (vmzavod.ru). (ven.) (angl.)

[2] Volčanskan pühäpertid sobory.ru-saital. (ven.)

[3] Volčanskan municipaližen ümbrikon openduzohjandusen sait (oovgo.ru). (ven.)

[1]

[2]

[3]