Šablon:Motd/2024-01

1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31

01

Sudanan gimn (arab.: نحن جند الله جند الوطن Naḥnu Jund Allāh Jund al-Waṭan «Olem Ülähaižen saldatad, Tatanman sodamehed»). Se om sätud i vahvištadud vl 1955, om väges vspäi 1956. Tegi sanoid Ahmed Mohammed Salih-runokirjutai, kirjuti muzikad Ahmed Mordžan. Edesti AÜV:oiden sodamerilaivišton orkestr vn 2003 3. semendkud. Audio om 46 sekundad hätkte.

Source file/Файл-источник Toižetada Allekirjutez
Label in English / Подпись на русском

02

Le Vallon («pen' alangišt») Saume-ülämänegen päl Foro-magenno (franc.: Montagne de Faraut 2568 m ü.m.t.), Üläal'pad-departament Francijan suvipäivnouzmas. Videon hätkeližuz om 22 sekundad, 3. reduku 2023.

Source file/Файл-источник Toižetada Allekirjutez
Label in English / Подпись на русском

03

Video amuižgrekižen Aristotel'-tedomehen elos da meliš. Videon hätkeližuz om 8 min 23 s, subtitroidenke, tegiba baskan Ikusgela-openduzsaitan radnikad.

Source file/Файл-источник Toižetada Allekirjutez
Label in English / Подпись на русском

04

«Sur' ansambl'» (angl.: The Big Combo) om vn 1955 AÜV:oiden fil'm mustan kriminalan žanras. Tegi Allied Artists Pictures Corporation-kompanii. Režissör Džozef H. Ljuis (Joseph H. Lewis), prodüserad Sidni Hermon, Uolter Miriš i Kornel Uaild, scenarist Filip Jordan (Philip Yordan), kirjuti muzikad Devid Reksin (David Raksin). Vändiba pärolid: Kornel Uaild (policijan Leonard Daimond-leitnant), Ričard Konte (mister Braun), Džin Uolles (Sjuzan Louell). Videon hätkeližuz om 1 čas 23 min 32 s.

Source file/Файл-источник Toižetada Allekirjutez
Label in English / Подпись на русском

05

Fox News-kompanijan kinohronik Suren depressijan aigan, Amerikan Ühtenzoittud Valdkundad, 20. tal'vku 1926. Scenad oma ozutadud, niiš lapsed osttas biletoid marionetal i marionet kargaidab Toni Sarg-tätüižartistan (Tony Sarg) jaugoidenno. Süžetan nimi om «Toni Sargan kaikiš penemb kass Brodveil» (angl.: Tony Sarg smallest box office on Broadway). Tegi Ueber Holl (Weber Hall). Videon hätkeližuz om 3 min 3 s.

Source file/Файл-источник Toižetada Allekirjutez
Label in English / Подпись на русском

06

Kitajine levan karg (japon.: 獅子舞 sisimai) 61. Jumangoku-festivalin aigan Kag-lidnas, Isikav-prefektur, Japonijan keskuzpalan lodehline mererand, 9. sügüz'ku 2023. Videon hätkeližuz om 3 min 47 s.

Source file/Файл-источник Toižetada Allekirjutez
Label in English / Подпись на русском

07

«Sinine teraz» (angl.: Blue Steel), vai «Oksidiruidud teraz», om vn 1934 AÜV:oiden edelkodeksine fil'm vestern-žanras. Tegi Monogram Pictures-kompanii. Režissör i scenarist Robert Bredberi (Robert North Bradbury), prodüser Pol Malvern (Paul Malvern). Vändiba pärolid: Džon Uein (Džon Kerraters, justicijan ministrusen maršaloiden radnikoičendan ühtnii), Džordž Frensis Heiz (Džeik Uiters-šerif), Eleanor Hant (Betti Meison). Videon hätkeližuz om 54 min 15 s.

Source file/Файл-источник Toižetada Allekirjutez
Label in English / Подпись на русском

08

«Edahaine Kudmaine» (vai «Bu Mun», angl.: Boo Moon) om vn 1954 amerikaine lühüdpiduzline mul'tfil'm hüvän Kasper-bukačun ühtnendanke. Tegi Famous Studios 3D Stereotoon-tehnologijan kävutandanke, leviganzi Paramount Pictures-kompanii. Videon hätkeližuz om 23 min 49 s.

Source file/Файл-источник Toižetada Allekirjutez
Label in English / Подпись на русском

09

NSTÜ:n valdkundaližen gimnan vn 1977 instrumentaline versii. Edesti Nevondkundaližen Ühtištusen kaičendministrusen orkestr N. Mihailovan ohjandusen al. Audio om 3 min 24 s hätkte.

Source file/Файл-источник Toižetada Allekirjutez
Label in English / Подпись на русском

10

Lüksemburgan fol'kloran Vallée des Sept Châteaux-grupp («Seičemen zamkan alangišt» francijan kelespäi) edestab rahvahan kargud Lüksemburg-pälidnan Neimënster-kul'turkeskuses (istorine Noimünsteran benediktine abbatuz) Dag vum immaterielle Kulturierwen 2023-aigtegon palaks («Immaterialižen kul'turjäl'gusen päiv 2023»), 30. sügüz'ku 2023. Videon hätkeližuz om 1 min 13 s.

Source file/Файл-источник Toižetada Allekirjutez
Label in English / Подпись на русском

11

«Huigeida sotonad» (angl.: Beat the Devil), vai «Vägestada diavolad», om vn 1953 AÜV:oiden, Suren Britanijan i Italijan fil'm komedižen ozaitelemižen žanras. Režissör i prodüser Džon Haston (John Huston), scenarii om sätud britanižen Klod Kobern-lehtezmehen vn 1951 ühtennimižen romanan mödhe. Vändiba pärolid: Hamfri Bogart (Billi Danreiter), Džina Lollobridžida (Maria Danreiter), Džennifer Džons (missis Gvendolen Čelm). Viž žulikad lähttas Italijaspäi Kenijha ostmaha tarhoid urankivendonke. Tel heiden vanh «Njanga»-purulaiv poukahtui, päzutihe žulikoid i kaht emändad vaiše. Hö elädas londoiš läbi, no kaik palahtelendad kandihe tühjikš lopuks, Čelm-emändan mužik osti jo tahtoidud maid. Videon hätkeližuz om 1 čas 29 min 20 s.

Source file/Файл-источник Toižetada Allekirjutez
Label in English / Подпись на русском

12

«Keväz'ližen säruläžundan statj» (angl.: A Case of Spring Fever) om vn 1940 amerikaine lühüdpiduzline dokumentaline, animiruidud paloin fil'm. Infantiliziruidud ičeze akal mužik surdutab kaikid sebranikoid. Tegi Jam Handy Organization Chevrolet-kompanijan täht. Fil'man vaskmäine scenarii vaskmäiženke sünke kändihe parodijoiden objektaks, sen paloin Simpsonad-serialan epizodas. Videon hätkeližuz om 8 min 14 s.

Source file/Файл-источник Toižetada Allekirjutez
Label in English / Подпись на русском

13

«Analiziruiden reklamtedotusid» (angl.: Analyzing Advertising) om vn 1973 amerikaine openduzfil'm školnikoiden täht reklaman da medijan polhe. Tegi Centron Corporation. Se om originaližen 16mm-videon uz' edestuz, mujun kohenduz oli tehtud heitmaha rusttoid ližamujuid. Videon hätkeližuz om 12 min 35 s.

Source file/Файл-источник Toižetada Allekirjutez
Label in English / Подпись на русском

14

«Korj Zoluškan täht» (angl.: A Coach for Cinderella) om vn 1936 amerikaine mul'tfil'm Technicolor-tehnologijan i Zolušk-sarnan kävutandanke. Režissör Maks Fleišer (Max Fleischer), prodüser Genri Hendi (Jam Handy). Fil'm om sätud sponsoran rahoišpäi edenemha Chevrolet-kompanijan avtoid. Nikki Noum (Nicky Nome) sauvob korjad, kudamb kändase Ševi:kš jäl'gmäižes kaks'kümnes sekundas, sen tagut fil'm jätktase, Zolušk ühtneb balha i sab ut korjad. Videon hätkeližuz om 9 min 21 s.

Source file/Файл-источник Toižetada Allekirjutez
Label in English / Подпись на русском

15

Fagradal'sfjadl'-lämoimägen lavanheitand läz Litli-Hrutur-mägenpäd (Litli-Hrútur) vn 2023 heinkus (isl.: Eldgosið við Litla-Hrút 2023), Islandijan suvipäivlaskmaine čoga, om fil'mdud lähižes keskustaspäi dronan abul. Videon hätkeližuz om 24 sekundad.

Source file/Файл-источник Toižetada Allekirjutez
Label in English / Подпись на русском

16

«Küksend» (angl.: The Chase) om vn 1946 AÜV:oiden fil'm nuar-žanras. Tegi Nero Films, United Artists-kompanijan ezipakičendan mödhe. Režissör Artur Ripli (Arthur Ripley), prodüser Seimur Nebenzal (Seymour Nebenzal). Filip Jordanan (Philip Yordan) scenarii oti vn 1944 amerikaižen Kornell Vulrič-kirjutajan «Varun pimed takaine»-romanad (The Black Path of Fear) aluseks. Tegend mäneb Majamiš, mokičenus nägusišpäi radotoi Čak Skott-veteran (Robert Kammings) pördutab kadotadud kukrod kovale kriminaližele Eddi Roman-avtoritetale (Stiv Kokran) i sab hänen vedajan radnikust. No Čakan armastuzsido Eddin pöl'gästunudenke čomanke Lorna-akanke (Mišel' Morgan) alištab heid planiruida pagod Havan-lidnha (Kuba). Videon hätkeližuz om 1 čas 24 min 53 s.

Source file/Файл-источник Toižetada Allekirjutez
Label in English / Подпись на русском

17

Organizuidud Bel'for-lidnan tobmudel Atouts pour plaire!-aigtego («Aktivad tomha mel'hüvüt!»), Territorii Bel'for-departament, Francijan päivnouzm, 15. sügüz'ku 2023. Videon hätkeližuz om 39 min 43 s.

Source file/Файл-источник Toižetada Allekirjutez
Label in English / Подпись на русском

18

«Surmaližed mödanikad» (angl.: The Deadly Companions) om vn 1961 AÜV:oiden fil'm vestern-žanras sodan polhe. Tegi Carousel Productions, leviganziba Pathé-America Distributing Company (AÜV:oiš) i Warner Bros. Pictures (mail'mas). Režissör Sem Pekinpa (Sam Peckinpah), prodüser Čarlz Fitcsimons (Charles B. Fitzsimons). Amerikaine Sid Fleišman-kirjutai sädi scenarijad arni fil'man täht. Starinoičese AÜV:oiden Pohjoižen armijan saldatas erindas, hän om bandit nügüd' Pakuižjaug-närituznimenke i rikob statjaližešti kabaren Kit Tilden-kargnikan poigad. Naine tahtoib mahapanda poigad tatanke rindati, i mez' naprib koheta ičeze vigad kaimden mahapanendprocessijad kontroliruidud apači-indejalaižil varuližen territorijan kal't. Vändiba pärolid Morin O'Hara (Kit Tilden-kargnik naine), Braian Kit (Pakuižjaug-bandit), Stiv Kokran (Billi Keplinger), Čill Uills (Törk). Videon hätkeližuz om 1 čas 29 min 48 s.

Source file/Файл-источник Toižetada Allekirjutez
Label in English / Подпись на русском

19

Commémorations du 11 novembre-aigtego («mušt 11. kül'mkun kožundas») Meru-žilos (Meroux), Meru Moval'-kund, Territorii Bel'for-departament, Francijan päivnouzm, 11. kül'mku 2023. Se oli Ezmäižen mail'man sodan lopun 105. voz'päiv. Videon hätkeližuz om 42 min 59 s.

Source file/Файл-источник Toižetada Allekirjutez
Label in English / Подпись на русском

20

«Meletomuz-13» (angl.: Dementia 13), tetas kut «Bukačud i mectuz» Sures Britanijas (The Haunted and the Hunted) om vn 1963 ripmatomašti tehtud AÜV:oiden mustvauged fil'm trilleran (ülävarun) žanras. Tegi American International Pictures-kompanii 42 tuhas US$ büdžetaspäi. Režissör i scenarist Frensis Ford Koppola (Francis Ford Coppola, debütine tö režissöraks), prodüser Rodžer Korman (Roger Corman). Scenarii punose kanzaližen zavetoičendan temas ümbri. Vändiba pärolid Uil'jam Kempbell (Ričard Heloran), Luana Anders (Luiza Heloran, Džonan ak), Bart Patton (Billi Heloran), Meri Mitčel (Kein), Patrik Megi (Džastin Kaleb-doktor), Piter Rid (Džon Heloran). Videon hätkeližuz om 1 čas 14 min 56 s.

Source file/Файл-источник Toižetada Allekirjutez
Label in English / Подпись на русском

21

Bel'for-lidnan päzutandan Toižes mail'man sodas 79. voz'päivän praznuičendan ceremonii, Territorii Bel'for-departament, Francijan päivnouzm, 18. kül'mku 2023. Aigtegod edel keskpäiväd (10:45-aigaspäi) mäniba lidnan kaumžomal i irdoil muštnikoidenno. Videon hätkeližuz om 30 min 51 s.

Source file/Файл-источник Toižetada Allekirjutez
Label in English / Подпись на русском

22

«Diavolan öläpakaine» (angl.: The Devil Bat)) om vn 1940 AÜV:oiden mustvauged tedoliž-fantastine fil'm ülävarun žanras. Tegi Producers Releasing Corporation (PRC)-kompanii, sen ezmäine horrorfil'm. Režissör Džin Jarbro (Jean Yarborough), prodüser Džek Gallaher (Jack Gallagher). Scenarijan tegijad oma Džon Nevill (John Neville) i Džordž Briker (George Bricker), se om saudud tedomehen aznoičendal korporacijan ühtnijoile penes lopuližes premijas. Vändiba pärolid Bela Lugoši (Pol Kerraters-doktor) i Süzann Kaaren (Meri Hit). Videon hätkeližuz om 1 čas 8 min 13 s.

Source file/Файл-источник Toižetada Allekirjutez
Label in English / Подпись на русском

23

«Tondan punkt om Ma» (angl.: Destination Earth) om vn 1956 AÜV:oiden mujumul'tfil'm edenemha kivivoinümbriradmižen industrijad. Om sätud Amerikaižen kivivoin institutan rahoišpäi General Electric-kompanijan täht. Režissör Karl Urbano (Carl Urbano), prodüser Džon Sazerlend (John Sutherland). Čomakulu da ilokaz mul'tfil'm Marsan eläjas, hän lendab Mannoks löudamha meiden likkuimiden energijan purdet — benzinad! Starinoičese kivivoinümbriradmižen processas, produktoiš i niiden ližoiš. Videon hätkeližuz om 13 min 29 s.

Source file/Файл-источник Toižetada Allekirjutez
Label in English / Подпись на русском

24

«Konspiracii» (angl.: Conspiracy) om vn 1930 AÜV:oiden edelkodeksine fil'm peitol'žen melodraman žanras. Tegi RKO Pictures-kompanii. Režissör Kristi Kebenn (Christy Cabanne), prodüser Uil'jam Lebaron (William LeBaron). Beula Mari Diks (Beulah Marie Dix) kirjuti scenarijad Robert Beiker- i Džon Emerson-kirjutajiden ühtennimižen p'jesan (The Conspiracy) alusel, se om kahtenz' p'jesan ekranizacii (ezmaine oli vl 1916, tegi kanadine Genri Makrei). Vändiba pärolid Bessi Lav (Margaret Holt), Ned Sparks (Uintrop Klavering) i Hju Trevor (Džon Houell-reportör). Videon hätkeližuz om 1 čas 10 min 5 s.

Source file/Файл-источник Toižetada Allekirjutez
Label in English / Подпись на русском

25

«Daktatorad» (angl.: The Ducktators: duck «sorz» + diktators «diktatorad») om vn 1942 amerikaine lühüdpiduzline mustvauged mul'tfil'm «Ilokahad melodijad»-serialaspäi (Looney Tunes). Režissör Norman Makkeib (Norman McCabe). Tegi Warner Bros. Pictures-kompanii. Scenarii om Toižen mail'man sodan aigtegoiden satir. Videon hätkeližuz om 7 min 43 s.

Source file/Файл-источник Toižetada Allekirjutez
Label in English / Подпись на русском

26

«Veda ičtaiž sinun igän mödhe» (angl.: Act Your Age) om vn 1949 amerikaine mustvauged openduzfil'm. Tegi specializiruidud Coronet Films-kompanii (radoi vll 1934−1997). Fil'man prodüser om Devid Smart (David A. Smart). Videon hätkeližuz om 13 min 22 s.

Source file/Файл-источник Toižetada Allekirjutez
Label in English / Подпись на русском

27

«Kut risttartutand tegese?» (angl.: How Does Cross-Contamination Happen?) om fil'm sömižen gigijenas. Opekat, kut kaitas sömproduktoiden varuitomuden peitol'žes grazindaspäi, mitte voib ozutadas äjil pordhil söndtavaroiden ostmižen i otandan südäimehe keskes: risttartutand. Videon hätkeližuz om 3 min 12 s, tegi AÜV:oiden agentuz sömän varuitomudes (USDAFoodSafety), 22. heinku 2015.

Source file/Файл-источник Toižetada Allekirjutez
Label in English / Подпись на русском

28

«Pop-reboinpoigaine» (angl.: Fox Pop) om vn 1942 amerikaine lühüdpiduzline mujumul'tfil'm «Ilokahad melodijad»-serialaspäi (Merrie Melodies). Režissör Čak Džons (Chuck Jones), prodüser Leon Šlezinger (Leon Schlesinger), scenarijan tegii Tedd Pirs (Tedd Pierce). Tegi Warner Bros. Pictures-kompanii. Se om udištadud HD-versii. Videon hätkeližuz om 7 min 48 s.

Source file/Файл-источник Toižetada Allekirjutez
Label in English / Подпись на русском

29

«Uz' Moskv» (ven.: Новая Москва), vai «Pajo Moskvas» (Песня о Москве), «Ilokaz Moskv» (Весёлая Москва), om vn 1938 nevondkundaline komedine fil'm tedoližen fantastikan žanras. Starinoičeb Moskvan arhitekturižes tulebas aigas i ristituiden kosketusiš siš lidnas. Tegi Mosfil'm-kompanii. Režissörad Aleksandr Medvedkin i Aleksandr Olenin, Medvedkin kirjuti scenarijad. Vändiba pärolid Daniil Sagal (Aleksei Konoplännikov-konstruktor), Nina Alisova (Zoja Novikova), Pavel Suhanov (Fed'a Utin-pirdai) i Marija Barabanova (Akademijan Timiräzevan nimed Ol'a-üläopenik). Fil'm oli kel'tüd ozutamaspäi Iosif Stalinal. Videon hätkeližuz om 1 čas 17 min 20 s.

Source file/Файл-источник Toižetada Allekirjutez
Label in English / Подпись на русском

30

Riskeitvezi (kit.: 粥 čžou, angl.: congee [ˈkɒndʒi] kondži) — pudran risaspäi slokostind Honkongan restoranas, Kitai. Blöd om komfortižeks sömäks kantonalaižele, om levitadud murgn'aks i spravitajaks sömäks Kitaiš. Kondžin vaumičend vas'kkastrüliš torhan lihan paloidenke om kadojaks praktikaks Honkongas. Videon hätkeližuz om 2 min 28 s, 26. kezaku 2013.

Source file/Файл-источник Toižetada Allekirjutez
Label in English / Подпись на русском

31

Saksanman ZDF-kompanijan Terra X-TV-oigendusespäi biologižes stajas: sor'miden agjoiden nahkas läz 150 receptorad nelliksantimetras registriruidas mehanižid ärdutajid. Stajiden nell' erazvuittušt toižendad ühtnedas sihe. Nahkan andmed kätas sor'mid universaližeks rižandelimeks. Videon hätkeližuz om 36 sekundad, 4. tal'vku 2023.

Source file/Файл-источник Toižetada Allekirjutez
Label in English / Подпись на русском