Šablon:Motd/2024-10

1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31

01

Sätud amerikaižel Keskuzližel tedoitelendagentusel vl 1958 dokumentaline video Kitaiš sen Suren hüpken aigan (1958−1960, Mao Czedunan ohjanduz), terasen tehmižes päpaloin. Videon hätkeližuz om 49 min 16 s, anglijan kelel.

Source file/Файл-источник Toižetada Allekirjutez
Label in English / Подпись на русском

02

Männuded vl 2021 La Bred-kundan (franc.: La Brède) päiväd läz Bordo-lidnad, Uz' Akvitanii-region, Francijan suvipäivlaskm, 16. reduku 2021. Francine Šarl' Lui de Monteskjö-kirjutai da liberalizman teoretik oli sündnu La Bredan zamkha i kirjuti satirišt «Persijan kirjutesed»-romanad (Lettres persanes) koume voz'sadad tagaz vodele 1721. Kehker stal'c mäni «"Persijan kirjutesišpäi" "Käskusiden hengennoks": Monteskjö i sanan joudjuz»-temanke. Stal'can ühtnijad: Katrin Vol'pil'jak-Aže (Catherine Volpilhac-Auger, om francižen literaturan professoraks Lionan normaližes üläskolas) i Selin Spektor-filosof (Céline Spector, sünd. 1972, Sorbonnan universitetan filosofijan professor), molembad naižed oma Francijan Universitetižen institutan arvokahikš ühtnijoikš. Kristof Lüse (Christophe Lucet) oli vasttusen moderatoran. Videon hätkeližuz om 1 čas 6 min 49 s, francijan kelel.

Source file/Файл-источник Toižetada Allekirjutez
Label in English / Подпись на русском

03

Mikš kitajižed migrantad tehtas varulišt matkad Suviamerikaspäi AÜV:oihe? Voice of America-kompanijan korrespondentad tuliba Meksikan i Tehas-štatan röunatajihe lidnoihe sädamha paginad niidenke migrantoidenke. Videon hätkeližuz om 3 min 24 s, 19. semendku 2023, anglijan kelel.

Source file/Файл-источник Toižetada Allekirjutez
Label in English / Подпись на русском

04

Satirižen Ignobelän premijan 29. jogavozne lahjoičendan ceremonii zavodihe, sen ezmäine päiv mäni nellänz'päiväl, vn 2019 12. sügüz'kud Garvardan universitetan Sanders-teatras (Memorial Holl, Bostonan Kembridž-ezilidn, Massačusets-štat, AÜV). Se edesti premijan kümned ut laureatad. Joga vägestai tegi midä-se mugošt, kudambaspäi ristitud iloiteldas, no sid' lanktas meletusihe. Vägestajad tuliba ceremonijale kaikes miruspäi ičeze rahoišpäi samha ičeze arvlahjad čududeldud todesižiden Nobelän laureatoiden käzišpäi Garvardan istorižes i surembas teatras. Videon hätkeližuz om 1 čas 26 min 39 s, 13. sügüz'ku 2019, anglijan kelel.

Source file/Файл-источник Toižetada Allekirjutez
Label in English / Подпись на русском

05

Metanan (sogazan) čudegiden soišpäi lämuden kartad vll 1980−2021. Videon hätkeližuz om 1 min 55 s, 14. tal'vku 2022, tegi NASA's Scientific Visualization Studio.

Source file/Файл-источник Toižetada Allekirjutez
Label in English / Подпись на русском

06

Alamaižen VPRO-teleradiooigendajan The Mind of the Universe-oigendusen fragment («Kaikusen hama»), britanižen Martin Ris-kosmologan da astrofizikan interv'juiruind (Martin Rees, sünd. 1942) vl 2016. Kosketihe mugomid temoid kut ristituiden kosmosas tuleb aig, evolücii, verazplanetalaižed, jäl'gheristitud, ratud intellekt, kosmologii i äi tošt. Lodaiži Perspektivižiden tedoidusiden institutan Robbert Dijkgraaf-direktor (vll 2012–2022, IAS, Institute for Advanced Study, Prinston, Nju Džersi-štat, AÜV) Londonas, Sur' Britanii. Videon hätkeližuz om 1 čas 4 min 57 s, 27. kül'mku 2016, anglijan kelel.

Source file/Файл-источник Toižetada Allekirjutez
Label in English / Подпись на русском

07

Amerikaižiden il'mvägiden lendajad i AÜV:oiden armijan saldatad vaumitas da kormatas aličuid gumanitariženke abunke Gazan sektoran täht C-130J Super Hercules-lendimhe AÜV:oiden tundmatomas sijas, 5. keväz'ku 2024. Tämbäi (7. redukud) üks' voz' mäni sil aigalpäi, konz Izrailin soda Hamasad vaste zavodihe Amerikan Keskuzližen käsknikkundan vastusenpidandan zonas. AÜV:oiden sodamehed toiba abud Jordanijaspäi mugažo. Videon hätkeližuz om 1 min 10 s, tegi Staff Sgt. Christian Sullivan (Kristian Sallivan-štabseržant).

Source file/Файл-источник Toižetada Allekirjutez
Label in English / Подпись на русском

08

Vn 2016 vilukus Prinstonan universitetan PACE-keskusen üläopenikad (Nju Džersi-štat, AÜV) i kulundladimiden tegijoiden sebran ühtnijad tegiba lühüdan videon siš, kut todesižes polttas elektronikan jändusid samha vas'ked Ganan Akkr-pälidnan Agbogbloši-ezilidnas, kudambas Evropan elektronižiden murdoiden järed kogo sijadase. Videon hätkeližuz om 2 min 10 s, 5. semendku 2016, subtitroidenke anglijan kelel.

Source file/Файл-источник Toižetada Allekirjutez
Label in English / Подпись на русском

09

Sur' Dzeržinskijan kar'jer (ven.: Большой Дзержинский карьер) om Lübercin kar'jeroiden palaks (ühtenzoittud kanaloil upotadud kar'jeroiden grupp), nägu Ugrešan irdalpäi, Moskvan suvipäivnouzmaine ezilidn, Moskvan agj, Venälaine Federacii. Videon hätkeližuz om 16 sekundad, 9. reduku 2021.

Source file/Файл-источник Toižetada Allekirjutez
Label in English / Подпись на русском

10

Ristitun päaivoiden anatomijan i fiziologijan animacii ozutab cerebraližid šurupoliškoid, aivoiden tüvi i aivoižed (cerebellum), ned oma ümbärtud verisonil, tagazsoniden sinusoil i veren hibussonil. Edesižes sinapsad i neironiden rad ozutasoiš. Lopuks, immunine stai, serotonin i gistamin ümbrikirjutasoiš. Tämbäi (10. redukud) om Mail'man Hengeližen tervhuden päiv (angl.: World Mental Health Day). Videon hätkeližuz om 1 min 53 s, 14. tal'vku 2023.

Source file/Файл-источник Toižetada Allekirjutez
Label in English / Подпись на русском

11

Kasl-geizer («lidnusenvuitte», angl.: Castle Geyser) vedenheitandan zavodindas, Jelloustonan geizeroiden üläbassein ühtennimižes londuseližes puištos, Vajoming-štat, AÜV. Sen geizeran čudegen korktuz sase 27 metrhasai, hätkeližuz om 20 minutad, oleskeleb kerdan 15..17 časus. Videon hätkeližuz om 1 min 1 s, 14. heinku 2019.

Source file/Файл-источник Toižetada Allekirjutez
Label in English / Подпись на русском

12

Agrovol'taikan verez ümbrikacund, se tedo ühtenzoitab söndtavaroiden kazvatamišt päiväižen energijan toižetamiženke. Džasper Küppers (Jasper Kueppers) ühtneb videoho, se radab inženeran energijan udištabiš purtkiš Infratec-kompanijas. Videon hätkeližuz om 32 sekundad, om sätud Udes Zelandijas vl 2024, anglijan kelel.

Source file/Файл-источник Toižetada Allekirjutez
Label in English / Подпись на русском

13

Fil'man 3D-animacijanke tehmižen process kompjuterižen grafikan abul. Videon hätkeližuz om 2 min 42 s, 10. viluku 2016, tegi Florian Magnin Londonaspäi.

Source file/Файл-источник Toižetada Allekirjutez
Label in English / Подпись на русском

14

Renghanvuitte päiväižen pimitez tegihe vn 2023 14. päiväl redukud, nägud londuseližen Petroglif-muštnikan territorijaspäi (angl.: Petroglyph National Monument 29,28 km² pindal) päivlaskmha Nju Meksiko-štatan Al'bukerke-lidnaspäi, AÜV. Nece video kirjuti 10:32:30..10:46:12 pordod mägižen kezaaigan mödhe. Kuvad oliba sätud kerdan sekundas, sid' ozutadas 30x-pigudenke. Kamer seižui ühtes sijas, ka päiväine i kudmaine sirdiba kadradme. Videon hätkeližuz om 28 sekundad.

Source file/Файл-источник Toižetada Allekirjutez
Label in English / Подпись на русском

15

Sel'gitai video murendajas paineges, kudamb tegese valdmeren redustoitandan tagut tegimišton plastikgranuloil. Videon hätkeližuz om 1 min 51 s, 11. keväz'ku 2022, tegi Surfrider Foundation Europe, anglijan kelel.

Source file/Файл-источник Toižetada Allekirjutez
Label in English / Подпись на русском

16

Vn 2017 dokumentaline video londuses, sen mecelon erikoiden äjüz ozutase. Videon hätkeližuz om 1 min 48 s, tegi Michael Pisano.

Source file/Файл-источник Toižetada Allekirjutez
Label in English / Подпись на русском

17

Ria-radionnavedii tegeb hänen ezmäšt sidon pordod Kataran geostacionariženke Es'hail 2-kaimdajanke (vai QO-100, tegi japonine Mitsubishi Electric, om töhöpästtud vl 2018 vižtoštkümneks vodeks) ičeze radioretranslätoran (transponderan) abul. Videon hätkeližuz om 15 min 38 s, 4. heinku 2023, anglijan kelel.

Source file/Файл-источник Toižetada Allekirjutez
Label in English / Подпись на русском

18

Videofil'm valdmeriš — niiden ekosistemiš i problemoiš, kudambidenke ristitkund ainastase nügüd'aigan. Meiden planetan läz 70 % om kattud valdmeril da meril: suril, elol täuzil i noidusekahil. Videon hätkeližuz om 7 min 58 s, 31. eloku 2016. Tegi edeos- digital education GmbH, anglijan kelel.

Source file/Файл-источник Toižetada Allekirjutez
Label in English / Подпись на русском

19

Francižen Klod Debüssi-muzikankirjutajan simfonine «Prelüdii favnan keskpäivänjäl'ghižele lebule»-poem (1894, L. 86, franc.: Prélude à l'après-midi d'un faune) orkestran täht, edesti Natalia Ensemble. Videon hätkeližuz om 12 min 1 s, 25. uhoku 2014.

Source file/Файл-источник Toižetada Allekirjutez
Label in English / Подпись на русском

20

Sel'gitai video elektromiografijas (EMG). Se om metod (tehnik) skeletan lihasiden elektrižen aktivižusen registracijas da arvoindas, kävutase praktikan äjiš statjoiš. Videon hätkeližuz om 5 min 50 s, 21. uhoku 2022, anglijan kelel.

Source file/Файл-источник Toižetada Allekirjutez
Label in English / Подпись на русском

21

Sätud DJI Mavic Pro-dronan abul vitkotud kuvaduz londusen sezonižiš vajehtusiš Bogstad-fermas vn 2018 aigan, Oslo, Norvegii. Operator kävuti Litchi-ližaprogramad matkčokkoimidenke kogonaižen videon tehmižen täht. Videon hätkeližuz om üks' minut, 2. viluku 2019, tegi Marius Arnesen.

Source file/Файл-источник Toižetada Allekirjutez
Label in English / Подпись на русском

22

3D-fraktaloiden video — Mandel'brotan bul'kud. Fraktaline animacii om tehtud Mandelbulber 2.32-programan kävutandanke. Om mugomid effektoid kut teravuden süvüz, vauktusen purde, kameran hilläd likundad. Fraktal näguse toštajiden funkcijoiden (kaleidoskopižeks) sistemaks. Tün' lenduz om kuvatud fraktaloiden erazvuiččiden tarhiden kal't. Muzik om sätud Suno AI-programan abul. Videon hätkeližuz om 5 min 23 s, 14. sügüz'ku 2024, tegi Krzysztof Marczak-kävutai.

Source file/Файл-источник Toižetada Allekirjutez
Label in English / Подпись на русском

23

Sel'gitai video aktivižen opendusen metodoiš. «Aktivine openduz» znamoičeb, miše tö ühtnet, oma ühthižtöiš toižidenke, kävutat koncepcijoid realižes mirus. Se tarbhaičeb melen surid naprindoid, no abutab paremba el'geta i panda muštho materialad, kudambad voib kävutada toižiš situacijoiš. Fizikan Karl Viman-professor (Carl Wieman, Nobelän premijan laureat) tedoidab i pid'oiteleb necidä opendusen metodad, hän sel'giti, kut kävutada sidä auditorijoiš. Videon hätkeližuz om 6 min 53 s, 1. reduku 2020, tegi Sprouts-kävutai, anglijan kelel.

Source file/Файл-источник Toižetada Allekirjutez
Label in English / Подпись на русском

24

Täuden 'Lost'-al'boman miks («Kadonu», 2020, kahesa kompozicijad rattemata, nimed anglijan kelel), tegi elektronižen muzikan bolgarine Stoto-didžei i muzikprodüser (bolg.: Стото). Se ozutab severzid-se nügüd'aigaižid melodižid muzikžanroid, nügüdläine dip haus-žanr päpaloin. Audion hätkeližuz om 44 min 22 s.

Source file/Файл-источник Toižetada Allekirjutez
Label in English / Подпись на русском

25

Fil'mdud dronaspäi kinematografine video Norvegijan lumilandšaftoidenke norvegižen Daniel' Gerskedal-džazmuzikantan (Daniel Herskedal) The Hunting Golden Eagle-kompozicijan al («Mecadai kall'kotk»). Videon hätkeližuz om 4 min 21 s, 16. kezaku 2020, tegi Edition Records / E2 Music.

Source file/Файл-источник Toižetada Allekirjutez
Label in English / Подпись на русском

26

Nene pirdajan kuvad oma publikoitud Evropižel Suvižel observatorijal (angl.: European Southern Observatory, ESO) i ozutadas Mars-planetan voimusišt olendad nell' milliardad vozid tagaz. Norel planetal pidi olda täudub vet katamha sen kaiked pindad. Oceanus Borealis («Pohjoine valdmeri») om ezimeletadud valdmeren teorijan mödhe. Videon hätkeližuz om 24 sekundad, 5. keväz'ku 2015.

Source file/Файл-источник Toižetada Allekirjutez
Label in English / Подпись на русском

27

Kompjuterižen grafikan openduzvideo sel'gitab, kut järgeline 2D-kuva kändase 3D-rolikaks. Ozutase, kut 3D-grafikan avoin Blender-programholituz voib olda kombiniruidud generativižen ratud intellektan Stable Diffusion-paketanke 3D-videon teravan tehmižen täht kameran sirdandan effektanke, sen aigan parallaks, pidatuz i teravuden süvüz vajehtasoiš. Automatic1111-ližaprogram om skript stabiližen süvüden kartan sädandan täht. Videon hätkeližuz om 3 min 50 s, 27. kezaku 2023.

Source file/Файл-источник Toižetada Allekirjutez
Label in English / Подпись на русском

28

Mi CRISPR-Cas9 om (vauktušen i ribonukleinižen muiktusen gibrid) i kut se radab? Kut mö redaktiruim genomad? Amerikaižen Kalifornijan universitetan Berkliš Džennifer Dudna-biohimik (Jennifer Doudna) sel'gitab. Videon hätkeližuz om 2 min 21 s, 10. kül'mku 2015.

Source file/Файл-источник Toižetada Allekirjutez
Label in English / Подпись на русском

29

Söndtavaroiden kazvatamine om maižandusen pätegend. No AÜV:oiš lidnoiden lähenemine fermeroiden ižandusidennoks laskeb heile möda völ üht tavarad — bobuštusid satusen obrädindan aigan. Täs labirintad kukuruzpöudol oma ozutadud. Videon hätkeližuz om 2 min 42 s, 10. reduku 2012, tegi Šelli Šlender-reportör (Shelley Schlender) Voice of America-kompanijan täht, anglijan kelel.

Source file/Файл-источник Toižetada Allekirjutez
Label in English / Подпись на русском

30

Vn 2023 video ristitun maksas (vai koviš tamanoiš) Explaining the Human Body-serijaspäi («sel'gitaden ristitun hibjad»). «Detoksikacii i ümbriradmine om vaiše kaks' sen funkcijoišpäi». Videon hätkeližuz om 2 min 29 s, tegi Saksanman Deutsche Welle-teleradiokompanii («Saksan laineh»), anglijan kelel, se-žo video om araban i ispanijan kelil Vikiaitas.

Source file/Файл-источник Toižetada Allekirjutez
Label in English / Подпись на русском

31

Ülävaruiden lühüdpiduzline «Objekt 22»-fil'm (angl.: Site 22), om sätud US$100 budžetaspäi ottud velgha mašiništon kävutandanke. Se om amerikaižen SCP Foundation-kompanijan čomamahtoižen projektan palaks. Lühüd südäiolend: Privatižen varjoičendjoukun kaks' radnikad pagetas ülävaruiš mišpäi-se, mi läbiti kaičendperimetrad süvüdel man pindan al. Hö löutas, miše oma üks'jäižikš objektal jänuziden elegiš keskes. Tämbäi (31. redukud) om Hellouin. Videon hätkeližuz om 7 min 20 s, 18. sügüz'ku 2018.

Source file/Файл-источник Toižetada Allekirjutez
Label in English / Подпись на русском