Kokkol

Kokkol
Kokkola (suom.)
Karleby (roč.)
Lidnanznam;	Flag;
Valdkund	Suomenma
Eläjiden lugu (2024)	48,297 ristitud
Pind	2,731,12 km²
Pämez'	Stina Mattila; (sügüz'ku 2016—)
Telefonkod	+358-(0)6
Aigvö	tal'vel UTC+2,; kezal UTC+3

Kokkol (suom.: Kokkola [ˈkokːolɑ], roč.: Karleby [ˈkɑrleˌbyː] i edel 1977. vot Gamlakarleby) om Suomenman lidnankund, lidn da sur' tondan-vendan port valdkundan päivlaskmaižel randal. Se om Keskpohjanma-agjan administrativižeks keskuseks.

Istorii

Eländpunktan aluz om pandud vl 1620 ročilaižen Gustav II Adol'f-kunigahan käskön mödhe. Vl 1765 žilo sai torguindoiktusid. Mülütihe nenid kundoid municipalitetha: Kaarlel (suom.: Kaarlela) vl 1977, Kälviä, Lohtai i Ullav vl 2009 (Kälviä, Lohtaja, Ullava).

Kokkol šingotase laivansauvomižel da himižel tegimištol tobjimalaz, cinkan («Boliden AB») i kobal'tan («OM Group») tegimil, mugažo om saudud metallan i mecan ümbriradandan, tekstilin, plastmassan i sömän tehmižen edheotandoid lidnas.

Geografijan andmused

Lidn sijadase Baltijan meren randal. Perhonjogi ümbärdab lidnad rajonid päivnouzmaspäi i lankteb merhe lidnan pohjoižes.

Lähembaine znamasine lidn om Pietarsaari suvipäivlaskmha mererandadme, 32 km E8-avtotedme.

Vn 2022 andmusiden mödhe lidnankundan pind om 2 731,12 km², sidä kesken kuivma 1 445,96 km², vezi da sokaz tahond ottas 46,49 km², meri — 1 238,67 km².

Tobmuz

Lidnankundan kart ende erigoittud kundoidenke (2020)

Kokkolan municipaline suim kogoneb 43 ezitajaspäi.

Antti Isotalus (1949−2020) radoi lidnan edeližen pämehen vll 1991−2016.

Eläjad

Vl 1964 kundan eläjiden lugu oli 18 145 ristitud, vl 1996 — 35 552 ristitud, vl 2010 — 46 257 ristitud, ühtištusen jäl'ghe lähižidenke kundoidenke vll 1977 i 2009, vl 2020 — 47 724 ristitud. Kaikiš suremb lidnankundan ristitišt om nügüd'. Nell' ristitud videspäi elädas lidnankundan keskuses.

Suomen kel' om mamankeleks eläjiden 84 % täht, ročin kel' — 12,7 %, toižed keled — 3,4 % (2016).

Transport

Suomenman znamasine meriport radab lidnas.

Rahvahidenkeskeine civiline lendimport (suom.: Kokkola-Pietarsaaren lentoasema, roč.: Karleby-Jakobstad flygplats, KOK / EFKK, 25,7 tuh. passažiroid vl 2023) sijadase 13 km suvhe lidnan keskuzpalaspäi. Tehtas reisid Hel'sinkihe (500 km suvhe), Kemihe i čarterreisid Keskmeren lebutahoiže.

Galerei

Valdkundaline ofispert' (2019)
Kokkolan jumalanpert', vn 2019 nägu
Üläopendusen keskuz vl 2012
Lidnan kirjišt (2019)
Kokkolan raudtestancijan sauvuz vl 2006

Homaičendad

Irdkosketused

Lidnan ohjastusen sait (kokkola.fi). (suom.) (roč.) (angl.)

Kokkol Vikiaitas

	Suomenman agjad da niiden administrativižed keskused
	Ahvenanma¹ (Mariehamn) \| Kainu (Kajani) \| Kanta Häme (Hämenlidn) \| Keskpohjanma (Kokkol) \| Kesksuomenma (Jüväskülä) \| Kümenlakso (Kouvol) \| Laplandii (Rovanem') \| Pirkanma (Tampereh) \| Pohjanma (Vas) \| Pohjoižkarjal (Jogensu) \| Pohjoižpohjanma (Oulu) \| Pohjoižsavo (Kuopio) \| Päijät Häme (Laht) \| Sadakund (Pori) \| Suvikarjal (Lapenrand) \| Suvipohjanma (Seinjogi) \| Suvipäivlaskmaine Suomenma (Turku) \| Suvisavo (Mikoi) \| Udenma (Hel'sinki)
	¹ Avtonomine agj.