Šablon:Motd/2024-09

1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30

01

Männuded vl 2021 La Bred-kundan (franc.: La Brède) päiväd, Uz' Akvitanii-region, Francijan suvipäivlaskm, 16. reduku 2021. Francine Šarl' Lui de Monteskjö-kirjutai da liberalizman teoretik oli sündnu La Bredan zamkha i kirjuti satirišt «Persijan kirjutesed»-romanad (Lettres persanes) koume voz'sadad tagaz vodele 1721. Kehker stal'c mäni «Meliden joudjaližen avaidusen röunad da arvoimižed»-temanke. Stal'can ühtnijad: Barbara Stigler (Barbara Stiegler, om Bordon universitetan politižen filosofijan professoraks), Monten' (Montaigne, Francijan Universitetižen institutan arvokaz ühtnii), Žan-Mari Burguburu-jurist (Jean-Marie Burguburu, Nacionaližen konsul'tativižen laudkundan ristitun oiktusiš prezident), Bertran Favro-jurist (Bertrand Favreau, prezident Evropan juristoiden institut ristitun oiktusiš). Kristof Lüse (Christophe Lucet) oli vasttusen moderatoran. Videon hätkeližuz om 1 čas 14 min 18 s, francijan kelel, subtitroita.

Source file/Файл-источник Toižetada Allekirjutez
Label in English / Подпись на русском

02

«Vikipedijan valatoitand» (angl.: The Impact Of Wikipedia) — kut Vikipedii radab niiden ristituiden änil, ken tegeb sidä. Video om 4 min 10 s hätkte, sätihe vn 2012 fandraizingan kampanijan aigan.

Source file/Файл-источник Toižetada Allekirjutez
Label in English / Подпись на русском

03

Sel'gitai video seižundmahtuses antibiotikoid vaste i borcuindas sidä vaste, tegi Centers for Disease Control and Prevention, AÜV. Se borcuind kaičeb rahvahid surmaližes grazindaspäi. Kertläžundoiden hered löudand, terav reagiruind, profilaktik i innovacijad lasktas meile olda ühtes haškus edel i päzutada ristituiden eloid. Videon hätkeližuz om 3 min 12 s, 31. reduku 2019.

Source file/Файл-источник Toižetada Allekirjutez
Label in English / Подпись на русском

04

Alamaiden pätand varuitomembiden trotuaroiden täht om rattematomuz. Niiden koncepcii sel'gitase videos. Rattematomad trotuarad kävutasoiš avaros mugomiš valdkundoiš kut Alamad i Danii, niiden varuitomuz om lujetud, enamba sättudas seižujan transportan metoile. Videon hätkeližuz om 4 min 44 s, 2. tal'vku 2019, anglijan kelel, tegi Not Just Bikes-kävutai.

Source file/Файл-источник Toižetada Allekirjutez
Label in English / Подпись на русском

05

Ezimeletadud noidakoiden mectuz istorijas: sel'gitai video. Läz 15. voz'sadaspäi äjad ristitud oliba pöl'gästoittud mustan magijan olendal. Hö varaižiba ülälonduseližid vägid i uskoiba noidakoiden komplotha. Pagištihe, miše soton andoi naižile magižid mahtusid. Videon hätkeližuz om 3 min 15 s, 8. heinku 2024, saksan kelel anglijankel'židenke subtitroidenke, om tehtud Saksanman ZDF-kompanijan Terra X-teleoigendusen täht.

Source file/Файл-источник Toižetada Allekirjutez
Label in English / Подпись на русском

06

Amerikaiž-evropine kosmine Habbl-teleskop oli kävutadud egzoplanetan ezmäižen organižen molekulan löudmižes vl 2008. Se kändihe lujaks haškuks elon ecmižes irdpolel Päiväižsistemaspäi. Videon hätkeližuz om 5 min 4 s, 19. keväz'ku 2008, tegi Evropine kosmine agentuz.

Source file/Файл-источник Toižetada Allekirjutez
Label in English / Подпись на русском

07

Dokumentaline video universitetan tedoidusiš geotermaližen energijan sferas, Kalifornine universitet Berkli-lidnas, San Franciskon ezilidn, Kalifornii-štat, AÜV. Videon hätkeližuz om 5 min 1 s, 30. keväz'ku 2022, anglijan kelel.

Source file/Файл-источник Toižetada Allekirjutez
Label in English / Подпись на русском

08

Stefen Griffit (Stephen Griffith) edestab gitaral 18. voz'sadan anglišt verolišt London Bridge is (falling/broken) down-kättepajod («Londonan sild lankteb»), Sur' Britanii. Videon hätkeližuz om 2 min 26 s, 18. tal'vku 2013.

Source file/Файл-источник Toižetada Allekirjutez
Label in English / Подпись на русском

09

Vägiseižund (angl.: power rack) i sen kävutand bodibildingas, pauerliftingas, vägiharjoitusiš, harjoitusiš jüguidenke. Ristitud ozutadas erazvuiččid vägiharjoitusid i edestadas vägiseižundoid lujenemha varuitomut niiden aigan. Videon hätkeližuz om 3 min 44 s, 12. kül'mku 2019, tegi FitnessScape-kävutai.

Source file/Файл-источник Toižetada Allekirjutez
Label in English / Подпись на русском

10

Tämbäi (10. sügüz'kud) om britanižen Meri Uolstonkraft-kirjutajan i filosofan (1759–1797) surman 227. voz'päiv. Nece video baskankel'žel Ikusgela-openduzsaitalpäi om hänen meliden da elon ümbrikacund. Videon hätkeližuz om 6 min 56 s, subtitroidenke, 2. kül'mku 2023.

Source file/Файл-источник Toižetada Allekirjutez
Label in English / Подпись на русском

11

Šotlandijan mägišton (angl.: Scottish Highlands) londusen nägud dronoišpäi voden ühtes kus, Šotlandii, Sur' Britanii. Videon hätkeližuz om 7 min 26 s, 29. sügüz'ku 2014, tegi Fil Konrad (Phil Conrad).

Source file/Файл-источник Toižetada Allekirjutez
Label in English / Подпись на русском

12

Kuro mägiden pautkil — karoravad (latin.: Marmota) Sanraiz Point-tahondas, Reinir-mägen rahvahaline puišt (angl.: Mount Rainier National Park 956,6 km² pindal), Vašington-štatan päivlaskmaine pala, AÜV. Karoravad navettäs päivituda madalil istorižil kall'oil homendesel. Živatad abutadas poleta kazmusid trotuaroidenno läz sežundtahod i ted, kudamb vedab kattud lumel mägennoks. Videon hätkeližuz om 1 min 2 s, 4. viluku 2020.

Source file/Файл-источник Toižetada Allekirjutez
Label in English / Подпись на русском

13

«Pördumine kodinnoks»-fragment Antonin Dvoržak-muzikankirjutajan simfonijaspäi nomer 9 (1893) vn 1994 Jari Villanueva-muzikvändajan arranžiruindas, edesti United States Air Force Band (AÜV:oiden il'mvägiden orkestr) vl 2004. Audion hätkeližuz om 3 min 7 s.

Source file/Файл-источник Toižetada Allekirjutez
Label in English / Подпись на русском

14

Video animacijanke sel'gitab «Pahuz toižile painab negativižešti nüguhirihe»-tedoidust. Oli löutud, miše nüguhired ottas todud pahut negativižikš i aktiviruidas aivoiden sidä-žo tahod, kudamb om sidodud pahuden vasthaotandha ristituil. Nüguhired lopiba valita navedijoid kan'fetoid, ku se valičend znamoiči toda pahut tundmatomale lähižele nüguhirele. Videon hätkeližuz om 2 min 14 s, 19. keväz'ku 2020, om sätud Motion Science kävutandanke.

Source file/Файл-источник Toižetada Allekirjutez
Label in English / Подпись на русском

15

Hüväsuguižen pedran (latin.: Cervus elaphus) ižač kodvib, om-ik vaumiž emäč äikerdoičendan processale londuseližes Aleč-mec-kel'dtahos (saks.: Aletschwald 1292 m ü.m.t.) Al'piden ühtennimiženno jäžomanno Vale-kantonan pohjoižpäivnouzmas, Šveicarijan suvi. Ižapedr om emäčuiden joukun pä i linneb kodvda tarkašti sen kaikuttušt eričud edel kandustandan processad, sikš miše emäčud voidas käta tinehikš 24 časud vodes vaiše. Videon hätkeližuz om 19 sekundad, 24. sügüz'ku 2023.

Source file/Файл-источник Toižetada Allekirjutez
Label in English / Подпись на русском

16

Amerikaiž-evropižen kosmižen Džeims Uebb-teleskopan istorijan vitkotud kuvaduz i kadroiden täuz' video, kudamb ozutab sen ühthekeradamižen i transportiruindan severt-se processoid. Teleskop om töhöpästtud vn 2021 tal'vkus. Videon hätkeližuz om 49 min 14 s, tegi amerikaine NASA vn 2022 augotišes.

Source file/Файл-источник Toižetada Allekirjutez
Label in English / Подпись на русском

17

Lunoiden nägud RKS:an laidaspäi sen lendusen aigan Indižen valdmeren päl Madagaskaraspäi Avstralijhasai, vn 2011 17. päiväl sügüz'kud. Videon hätkeližuz om 33 sekundad.

Source file/Файл-источник Toižetada Allekirjutez
Label in English / Подпись на русском

18

Animacii MediaWiki:n šingoteses (sulaku 2003 — eloku 2015). Se om vikiprogramholituz, kudamb likkub mugomid vebsaitoid kut Vikipedii. Mediawiki:n programholitusen bazine kod om avoin, se laskeb tehta tondad sädajile kaikedme mirudme. Videon hätkeližuz om 17 min 13 s, 18. eloku 2015, om sätud Gource-programholitusen kävutandanke.

Source file/Файл-источник Toižetada Allekirjutez
Label in English / Подпись на русском

19

Demonstracii pid'oitelemha Pavel Durovad (Telegram-messendžeran pädirektor) Berlinan Parižan torgul (saks.: Pariser Platz) Francijan sur'oigenduzkundan kohtas, Saksanma, 1. sügüz'ku 2024. Videon hätkeližuz om 7 min 52 s.

Source file/Файл-источник Toižetada Allekirjutez
Label in English / Подпись на русском

20

Lühüd dokumentaline fil'm Uden Zelandijan arhividen keradusiš (angl.: Archives New Zealand, maor.: Te Rua Mahara o te Kāwanatanga, päfater sijadase Vellington-pälidnas), i kut Valdkundarhivad kävutasoiš tedoidajil da toižil. Videon hätkeližuz om 7 min 40 s, 7. sulaku 2011.

Source file/Файл-источник Toižetada Allekirjutez
Label in English / Подпись на русском

21

Wikimania 2023-aigtegon (kahtenz' päiv nelläspäi) paneline mel'vajehteluz Džimmi Ueilsan ühtnendanke, Suntec City, Singapur, 17. eloku 2023. Rindatihe ChatGPT- i WikiGPT-čatbotoiden voimusid, ümbripagištihe generativižen ratud intellektan kävutandan problemoid Vikimedijan projektoiš, mugomid kut Vikipedii. Videon hätkeližuz om 1 čas 0 min 8 s.

Source file/Файл-источник Toižetada Allekirjutez
Label in English / Подпись на русском

22

Dokumentirudud murendused Ukrainan L'viv-lidnas Venäman öližen atakan jäl'ghe raketoiden i dronoiden abul, vn 2024 4. päiväl sügüz'kud. Satusenladindoiden mödhe atak rikoi seičemed ristitud, 47 mest vai sen enamba oliba satatadud. Arhitekturan seičeme muštnikad oliba muretud paloin. Videon hätkeližuz om 1 min 8 s, tegi Ukrainan Ekstraordinarižiden situacijoiden ministruz.

Source file/Файл-источник Toižetada Allekirjutez
Label in English / Подпись на русском

23

Verez sel'gitai video redustoitandas mikroplastikal i sen kulutandas, 11. semendku 2020. Videon hätkeližuz om 1 min 10 s, tegi Surfrider Foundation Europe.

Source file/Файл-источник Toižetada Allekirjutez
Label in English / Подпись на русском

24

RA-3-dizel'jonusen nägud dronaspäi (kirill. РА3 «rel'savtobus 3. toižendan», vai «Orlan») sen ajandan aigan Kriman raudtedme, 1. kezaku 2021. Sen jonusen modelid (kaks' i koume vagonad) oliba pästtud vll 2019−2022, kaik 91 jonust om sätud. Videon hätkeližuz om 1 min 54 s.

Source file/Файл-источник Toižetada Allekirjutez
Label in English / Подпись на русском

25

DART-apparatan (angl.: Double Asteroid Redirection Test) ainastuz Dimorfos-asteroidanke 177 metrad surtte, jäl'gmäižed viž polenke minutad, stabiliziruidud video, 26. sügüz'ku 2022. Missii kodvi toižen čuradusen oigendust asteroidoile, ku ned grazdäs meiden planetale. Videon hätkeližuz om 39 sekundad, tegi NASA.

Source file/Файл-источник Toižetada Allekirjutez
Label in English / Подпись на русском

26

Šablon:Motd/2024-09-26 (vep)

Source file/Файл-источник Toižetada Allekirjutez
Label in English / Подпись на русском

27

Retrospektivine video Monrealin protokolas, politižiš dokumentoiš, ühthižtöiš politikanmehiden, tedomehiden i tegimišton lideroiden keskes reguliruimha hlorftorhil'nikoiden (angl.: CFC) pästandad, miše kaita ristituid ozonšoidun edesišt murendust i ozonreiguid vaste. Se tegihe satusekahan rahvahidenkeskeižen ekologižen politikan harvaks ozuteseks. Kävutihe hlorftorhil'nikoid varuitomaks viluagentaks (freon), propellentaks, vahtansädajaks, segoitajaks. Videon hätkeližuz om 5 min 54 s, 22. reduku 2012, tegi amerikaine NASA.

Source file/Файл-источник Toižetada Allekirjutez
Label in English / Подпись на русском

28

Šablon:Motd/2024-09-28 (vep)

Source file/Файл-источник Toižetada Allekirjutez
Label in English / Подпись на русском

29

Video animacijanke sel'gitab timus-raugun funkcijad, se om immunižen sisteman tarbhaižeks organaks. Ozutase, kut T-stajad (vauktoiden veristajiden, vai leikocitoiden, toižend) tehtas koverikast matkad timusas kändamhas täuz'kaznuzikš immunižikš stajikš, kudambad oma vaumhed toratas infekcijad vaste. Se raug om ristituil i äjiden erikoiden živatoil. Videon hätkeližuz om 2 min 23 s, 28. sulaku 2017.

Source file/Файл-источник Toižetada Allekirjutez
Label in English / Подпись на русском

30

Honkongan elektronižen tegimišton Elmer Juen'-edheotai (angl.: Elmer Yuen, kit.: 袁弓夷, sünd. 1949) starinoičeb, miše Kitain rahvahanikad ei nägend valičendbülletenid, kut Kitain kommunistine partii tegeb žalloičendoita, i ičeze planas demokratijan edenendas Honkongan territorijal. Videon hätkeližuz om 2 min 37 s, 26. eloku 2023, tegi Chinese Voice of America.

Source file/Файл-источник Toižetada Allekirjutez
Label in English / Подпись на русском