Litvanma: Erod versijoiden keskes
-> commons |
Ei ole vajehtusen ühthevedoid |
||
Rivi 11: | Rivi 11: | ||
| Kart = EU-Lithuania.svg |
| Kart = EU-Lithuania.svg |
||
| Kel' = [[litvan kel'|litvan]] |
| Kel' = [[litvan kel'|litvan]] |
||
| Valdkundan pämez' = [[ |
| Valdkundan pämez' = [[Dalia Gribauskaitė]] |
||
| Päministr = [[ |
| Päministr = [[Algirdas Butkevičius]] |
||
| Religii = [[hristanuskond]] |
| Religii = [[hristanuskond]] |
||
| Valüt = [[euro]] (€) (EUR) <ref>Edel 2015 vot — [[litvan lit]].</ref> |
| Valüt = [[euro]] (€) (EUR) <ref>Edel 2015 vot — [[litvan lit]].</ref> |
Vajehtuz 8. Tal’vku 2016, kell 19:32
Flag |
Valdkundznam |
Pälidn | Vil'nüs |
Eläjiden lugu (2014) | 2,944,459[1] ristitud |
Pind | 65,300 km² |
Kel' | litvan |
Valdkundan pämez' | Dalia Gribauskaitė |
Päministr | Algirdas Butkevičius |
Religii | hristanuskond |
Valüt | euro (€) (EUR) [2] |
Internet-domen | .lt[3] |
Telefonkod | +370 |
Aigvö | tal'vel UTC+2 kezal UTC+3 |
Litvanma (litv.: Lietuva), oficialižikš Litvanman Tazovaldkund (litv.: Lietuvos Respublika), om valdkund Päivnouzmpol'žes Evropas, Baltijan meren randal. Vspäi 2004 EÜ:n da PAKO:n ühtnii. Pälidn da kaikiš suremb lidn om Vil'nüs.
Istorii
Ezmäine johtutez keskaigaižes Litvanmas oli vl 1009. XIII voz'sadalesai germanižed ricer'kundad (ordenad) ladiba anastada Litvanmad i toda sinnä hristanuskondad, no satusita. Litvanma tegihe hristianižeks vaiše XIV voz'sadan lopuks. Sil aigal se oli jo üks' surembaižiš valdkundoišpäi päivlaskmaižes Evropas. Vl 1569 Litvanma ühtištui Pol'šanmanke Pol'šanlitvanmaha (ninga nimitadud Lüblinan Unii). Vl 1795 kaik Litvanma tegihe Venälaižen Imperijan palaks. 18.02.1918 Litvanman nevonkund (kaikiden litvalaižiden ezitai organ) om tedotanu Litvanman ripmatomut. Sil aigal kaik Litvanma oli völ okkupiruidud germanižil sodavägil (oli Ezmäine mail'mansoda). Jäl'ges germanižiden sodavägiden lähtendad pol'šalaižed nacionalistad tegiba Vil'nüsha kumaiduz, kudamban ezinenas oli jeneral Želigovski. Litvanman ohjastuz pageni Kaunasha. Kaunas oli Litvanman pälidnan vodelesai 1940.
Vl 1940 Litvanman okkupirui Nevondkundaline Ühtištuz; nece oli Molotovan-Ribbantropan paktan oiged rezul'tat. Vozil 1941 — 1944 Litvanman okkupirui nacional-socialistine Germanii. Vl 1944 Litvanman möst anasti Nevondkundaline Ühtištuz.
Ripmatomuz tedotihe udes 11.03.1991. Litvanma tegihe EÜ:n da PAKO:n ühtnijaks vl 2004.
Geografijan andmused
Litvanma om kaikiš suremb Baltijan valdkund, se om väheta Irlandijan surtte. Litvanman merirandan piduz' — 99 km. Pälidnan Vil'nüsan korktuz om 213 metrad ülemba meren tazopindad.
Litvanma oma mavaldkundröunoiš Latvijanke, Vaugedvenämanke, Pol'šanmanke da Venämanke (Kaliningradan agj).
Litvanman kaikiš korktembad mäged oma Juozapine vai Kruopine (niiden korktuz om ühtejitte). Valdkundan pindan koumandesen kattas mecad. Kaikiš suremb (pidemb) jogi om Nämunas (Nemunas); Litvanmas om enamb 4000 järved.
Voden kesklämuz' om +6,7 grad., uhokun -2,8 da heinkun +17,9 grad. Lämuden vajehtusen amplitud om sur': kezan +30 gradusišpäi tal'ven -32 gradusihesai. Vozne keskpaineh om 744,8 mm., kesknepsuz — 78 %.
Politine sistem
Litvanma om unitarine konstitucine parlamentine tazovaldkund äjiden partijoiden sistemanke.
Litvanman prezident om valdkundanpämez', händast valitas ühtihižil valičemižil viden voden strokuks. Prezident om armijan päkäsknik i ohjandab irdpolitikal. Hän sijatab mugažo päministran (nece sijatez vahvištab parlament, litv. Seimas).
Litvanman parlamentas (seimas) om 141 deputatad. Deputatoid valitas nellän voden strokuks.
Administrativiž-territorialine jagand
Kacu kirjutuz: Litvanman administrativiž-territorialine jagand.
Litvanma jagadas kümnehe agjaha (litvank. apskritis). Surembad lidnad oma ičenaižed agjad.
# | Agj | Administrativine keskuz | Pind, km² |
Ristitišt (2011)[4], rist. |
Rahvahantiheduz, rist./km² |
---|---|---|---|---|---|
1 | Klaipedan agj | Klaiped | 5209 | 339 062 | 65,09 |
2 | Tel'šäin agj | Tel'šäi | 4350 | 152 078 | 34,96 |
3 | Šäuläin agj | Šäuläi | 8540 | 301 686 | 35,33 |
4 | Panevežisan agj | Panevežis | 7881 | 250 390 | 31,77 |
5 | Utenan agj | Uten | 7201 | 152 004 | 21,11 |
6 | Tauragen agj | Taurage | 4411 | 110 059 | 24,95 |
7 | Kaunasan agj | Kaunas | 8060 | 608 332 | 75,48 |
8 | Vil'nüsan agj | Vil'nüs | 9760 | 810 403 | 83,03 |
9 | Marijampolen agj | Marijampole | 4463 | 161 649 | 36,22 |
10 | Alitusan agj | Alitus | 5425 | 157 766 | 29,08 |
Kaik | 65 300 | 3 043 429 | 46,61 |
Eläjad
Enamba 83% Litavnman eläjid — litvalaižed, 6,6% — pol'šalaižed, 5,4% — venänikad da 1,3% — vaugedvenälaižed.
Litvalaižed — katoližen jumalanpertin uskojad; Litvanman om völ ortodoksid, protestantid, judaistoid da musul'manoid.
Ižanduz
Litvanman ižanduz kazvab stabiližešti; vl 2006 radotomiden lugu oli 6,1%, infläcii oli 3%. Edel surt finansišt krizisad Venämas (vl 2008) Litvanman torguindan päpartnöran oli Venäma. Nügüd' Litvanman torguindan päpartnör om EÜ. Kaikiš suremb radišt — Ignalinan atomine elektrostancii, kudamb andab 70% valdkundha tehtud elektrust.
Homaičendad
- ↑ Ristitišt kun augotišel. — Osp.stat.gov.lt. (angl.)
- ↑ Edel 2015 vot — litvan lit.
- ↑ Mugažo .eu kuti EÜ:n ühtnii.
- ↑ Vn 2011 Litvanman rahvahanlugemižen andmused. — Web.stat.gov.lt.
Irdkosketused
- Litvanman ohjastusen oficialine sait. (litv.) (angl.)
- Litvanman prezidentan oficialine sait. (litv.) (angl.) (fr.) (ven.)
- Litvanman parlamentan oficialine sait. (litv.) (angl.) (fr.) (saks.) (ven.)
Litvanma Vikiaitas |
Evropan valdkundad | ||
Alamad | Albanii | Andorr | Armenii1 | Azerbaidžan1 | Avstrii | Bel'gii | Bolgarii | Bosnii da Gercegovin | Čehanma | Danii | Estinma | Francii | Grekanma | Gruzii1 | Horvatii | Irlandii | Islandii | Ispanii | Italii | Kazahstan1 | Kipr1 | Latvii | Lihtenštein | Litvanma | Lüksemburg | Mad'jaranma | Mal't | Moldov | Monako | Mustmägi | Norvegii | Pohjoižmakedonii | Pol'šanma | Portugalii | Ročinma | Romanii | San Marino | Saksanma | Serbii | Slovakii | Slovenii | Suomenma | Sur' Britanii | Šveicarii | Turkanma1 | Ukrain | Vatikan | Vaugedvenäma | Venäma1 | ||
1 Om Azijas mugažo. |