Mali: Erod versijoiden keskes
Om sätud uz' lehtpol', kudamban südäiolend om '{{Valdkund | Nimi = Malin Tazovaldkund<br />République du Mali | Valdkundznam = Coat of arms of Mali.svg | Flag = Flag of Mali.svg | Valdkundzn...' |
(Nimittušt erod)
|
Vajehtuz 5. viluku 2015, kell 00:11
Flag![]() |
Valdkundznam![]() |
Pälidn | Bamako |
Eläjiden lugu (2014) | 16,455,903[1] ristitud |
Pind | 1,240,192 km² |
![]() | |
Kel' | francijan |
Valdkundan pämez' | Ibragim Bubakar Keita |
Päministr | Musa Mara |
Religii | islam |
Valüt | KFA:n frank (XOF) |
Internet-domen | .ml |
Telefonkod | +223 |
Aigvö | UTC+0 |
Mali, täuz' oficialine nimi om Malin Tazovaldkund (franc. République du Mali), — mererandatoi valdkund Päivlaskmaižes Afrikas. Sen pälidn da kaikiš suremb lidn om Bamako. Edel 1958 vot Malid nimitihe Francižeks Sudanaks.
Istorii
Vl 1960 sügüz'kun 22. päivän Mali tedišti ičeze ripmatomudes Francijaspäi.
Sodakukerdused oliba vozil 1968, 1991, 2012 (2 kerdad: keväz'kus da tal'vkus).
Jäl'gmaine Konstitucii oli hüvitadud kaiken rahvahan referendumal vl 1992 vilukun 12. päivän. Se om väges vn 2013 vajehtusidenke[2].
Geografijan andmused
![](http://upload.wikimedia.org/wikipedia/commons/thumb/a/af/Mali_Topography.png/250px-Mali_Topography.png)
Mali om mavaldkundröunoiš Alžiranke pohjoižpäivnouzmas (röunan piduz — 1376 km), Nigeranke päivnouzmas (821 km), Burkina Fasonke suvipäivnouzmas (1000 km), Kot d'Ivuaranke suves (532 km), Gvinejanke suvipäivlaskmas (858 km), Senegalanke päivlaskmas (419 km), Mavritanijanke lodehes (2237 km). Ühthine röunoiden piduz — 7243 km[3]. Mali om mererandatoi valdkund.
Valdkund sijadase tazangištol 200-500 m korktusil. Päivlaskmas om väghine mahuz, man keskuses om Sahelin zon, no letetazangištod enambištudas (60-65% man territorijad). Man pohjoine om Sahar-letetazangišton pala.
Kaikiš korktemb čokkoim om Gombori Tondo-mägi, 1155 m valdmeren pindan päl. Kaikiš madalamb om Senegal-jogen tazopind, 23 m meren pindan päl.
Senegal- da Niger-joged oma surembaižed laivoiden täht.
Klimat om subekvatorialine man suves (tradicionine valdkundan keskuz), man pohjoižes — kuiv tropine. Voden aigan kesklämuz vajehtab vähän, se om +28...+29°C.
Londuseližed päresursad — kuld, fosforitad, uran; toižed — raudkivend, cink, vas'k, boksitad, gidroenergii.
Tobmuz
![](http://upload.wikimedia.org/wikipedia/commons/thumb/a/a2/Bamakomali_%283%29.jpg/250px-Bamakomali_%283%29.jpg)
Ohjandusen form om unitarine prezidentiž-parlamentine tazovaldkund. Valdkundan pämez' om prezident, hän paneb päministrad radsijha, päministr jo formuruib ohjastust. Prezidental om oiktuz heitta parlamentad. Kaik rahvaz valičeb prezidentad 5 vodeks. Ühten kahtenden strokun om voimuz.
Parlament om üks'kodine Nacionaline Suim (fr.: Assemblée Nationale). Kaik rahvaz valičeb sen 147 ühtnijoid 5 vodeks (ezivaličendoiden aigan vl 2007 sen ližaks 13 valitihe verhiš maiš).
Malin parlamentan järgvaličendad oliba vl 2013 tal'vkun 15. päivän. Prezidentad valitihe järgkerdan vl 2013 elonkun 11. päivän (kahtenden valičemižetapan aigan olnu päministran enččikš Ibragim Bubakar Keita sai 77,61%).
Administrativiž-territorialine jagand
Kacu kirjutuz: Malin administrativiž-territorialine jagand.
Mališ om 8 agjad da üks' pälidnaine ümbrik (Bamako). Agjad alajagase 49 ümbrikho (fr. üks'lugu cercle). Agjoiden ümbrikod da pälidnaine ümbrik alajagase 703 kommunha.
Eläjad
Mališ elädas malilaižed.
Malin toižed sured lidnad (enamba 100 tuh. ristitud, 2012[4]): Sikaso, Kajes, Kulikoro, Segu, Mopti, Gao.
Ižanduz
Malin päeksport om puvill, kuld; toine eksport — fruktad, afrodeziakad.
Homaičendad
- ↑ Malin ristitišton endustuz 2014, heinku. — Mail'man faktoiden kirj (Cia.gov). (fr.)
- ↑ Malin Tazovaldkundan Konstitucii. — Wipo.int. (fr.) (angl.)
- ↑ Mali country profile. — United States Library of Congress. Federal Research Division (January 2005) (Lcweb2.loc.gov). (angl.)
- ↑ Tableau 1.2. Urbain & Rural regions //Annuaire Statistique du Mali 2012. — Institut National de la Statistique (Republique du Mali) (instat.gov.ml). Decembre 2013. — 137 lpp. — Lp. 29-43. (fr.)
Irdkosketused
![]() |
Mali Vikiaitas |
Afrikan valdkundad | ||
![]() | ||
1 Om Azijas mugažo. |