Mozambik

Vikipedii
Hüpähtada: navigacii, Ecind
Mozambikan Tazovaldkund
República de Moçambique
 Flag
Flag of Mozambique.svg
 Valdkundznam
Emblem of Mozambique.svg
Pälidn Maputu
Eläjiden lugu (2014) 24 692 144[1] ristitud
Pind 801 590 km²
Mozambikan TazovaldkundRepública de Moçambique
Kel' portugalijan
Valdkundan pämez' Filipe Njusi
Päministr Karluš Agostinjo du Rosariu
Religii hristanuskond
Valüt mozambikan metikal (MZN)
Internet-domen .mz
Telefonkod +258
Aigvö UTC+2

Mozambik (port. Moçambique), oficialižikš — Mozambikan Tazovaldkund (port. República de Moçambique), om valdkund Päivnouzmpol'žes Afrikas. Pälidn da kaikiš suremb lidn om Maputu.

Istorii[redaktiruida | redaktiruida purde]

Vl 1975 kezakun 25. päiväl Mozambik sai ripmatomut Portugalijaspäi.

Geografijan andmused[redaktiruida | redaktiruida purde]

Mozambikan topografine kart.

Mozambik om mavaldkundröunoiš Zimbabvenke päivlaskmas (röunan piduz — 1402 km), Zambijan (439 km) da Malavinke (1498 km) lodehes, Tanzanijanke pohjoižes (840 km), Svazilendan (108 km) da Suviafrikan Tazovaldkundanke (496 km) suves. Ühthine röunoiden piduz om 4783 km. Sen päivnouzmaižed randad lainištab Indine valdmeri. Randanpird om 2470 kilometrad. Madagaskar sijadase Mozambikan kanalan toižel randal.

Mozambikan pohjoižes om madalid mägid da mägitazangištod, a man suves om sodunu tazangišt. Kaikiš korktemb čokkoim om Bing-mägi, 2436 m meren pindan päl. Znamasižed joged oma Zambezi- da Limpopo-jogiden alajoksmused, ned langetas Indižhe valdmerhe Mozambikan territorijas.

Londuseližed pävarad oma kivihil', titan, tantal, boksitad, raudkivend, londuseline gaz da gidroenergii.

Tobmuz[redaktiruida | redaktiruida purde]

Ohjandusen form om unitarine prezidentine tazovaldkund. Valdkundan pämez' om prezident. Rahvaz valičeb händast. Prezidentan valdatusiden strok om 5 vot (om oiktuz valitamha tošti).

Üks'kodine parlament om Tazovaldkundan Suim. Se mülüb 250 deputatad-ühtnijad, heid-ki rahvaz valičeb 5 vodeks.

Administrativiž-territorialine jagand[redaktiruida | redaktiruida purde]

   Kacu kirjutuz: Mozambikan administrativiž-territorialine jagand.

Administrativiž-territorialižikš Mozambik jagase 11 agjaha (provincijha), niid alajagadas 128 ümbrikho (port. distrito). Ümbrikod alajagase postoihe, niid om 405 kaiked valdkundadme.

Eläjad[redaktiruida | redaktiruida purde]

Mozambikas elädas mozambikalaižed.

Toižed järedad lidnad (enamba 200 tuh. ristituid vl 2012[2], surembaspäi penembha): Matol, Nampul, Beir, Šimojo, Nakal, Kelimane.

Rahvahanižanduz[redaktiruida | redaktiruida purde]

Mozambikan päeksport om alüminii da sen ühthesuladused (30%), maižandusen produktad (12%: tabak, sahar, pähkmed, puvill, fruktad), elektruz (9%); toine eksport — merenproduktad (2%), toižed metallad (2%), mašinad avtoteiden sauvondan täht.

Homaičendad[redaktiruida | redaktiruida purde]

  1. Vl 2014 Mozambikan ristitišton endustuz heinkus. — Mail'man faktoiden kirj (Cia.gov). (angl.)
  2. Mozambik: kaikiš surembad lidnad da statistik niiden ristitišton polhe. (2011-05-05). — World-gazetteer.com. (angl.)

Irdkosketused[redaktiruida | redaktiruida purde]


Afrikan valdkundad
Afrikan valdkundad
Alžir | Angol | Benin | Botsvan | Burkina Faso | Burundi | Čad | Džibuti | Efiopii | Egipt1 | Ekvatorialine Gvinei | Eritrei | Gabon | Gambii | Gan | Gvinei | Gvinei-Bisau | Jemen1 | Kabo Verde | Kamerun | Kenii | Keskafrikan Tazovaldkund | Komoran Sared | Kongon Demokratine Tazovaldkund | Kongon Tazovaldkund | Kot d'Ivuar | Lesoto | Liberii | Livii | Madagaskar | Malavi | Mali | Marok | Mavrikii | Mavritanii | Mozambik | Namibii | Niger | Nigerii | Ruand | San Tome da Prinsipi | Seišelan Sared | Senegal | Sjerra Leone | Somali | Sudan | Suviafrikan Tazovaldkund | Suvisudan | Svazilend | Zambii | Zimbabve | Tanzanii | Togo | Tunis | Ugand

1 Om Azijas mugažo.