Livermorii

Vikipedii-späi
Livermorii
116
6
18
32
32
18
8
2
Lv
(293)
Livermorii

Livermorii (Lvlivermorium latinan kelel) om 116nz' himine element himižiden elementoiden periodižes tabludes. Sen sijaduz om kudendestoštkümnendes gruppas, tabluden seičemendes periodas.

Ühthine ümbrikirjutand[vajehta | vajehtada tekst]

Ei ole livermorijad londuses. Se om transaktinoidine ratud element.

Voib sada elementan severt-se atomoid vaiše tetabiš südäitukreakcijoiš. Element sase kürijaspäi i kal'cijaspäi vai čihodamižel oganesonaspäi.

Lugustusen mödhe livermorijan muiktuzmärad voidas olda +2, +4 i −2.

Avaidusen istorii da nimituz[vajehta | vajehtada tekst]

Venämalaižiden tedomehiden grupp avaiži livermorijan Dubnas vl 2000 i jätksi sen kodvid vhesai 2006. Amerikaižed i nevondkundaližed tedoidajad napriba löuta 116:nt elementad sen-žo kürijan-248 i kal'cijan-48 reakcijan jäl'giš vll 1977, 1978 i 1985, no ecind oli satusetoi.

Vn 2011 1. päiväl kezakud IUPAC tundišti 116-nden elementan avaidust i vn 2016 28. päiväl kül'mkud vahvišti elementan nimitust E. Lourensan nimel nimitadud Livermoran rahvahaližen laboratorijan mödhe (Livermor-lidn, AÜV), kudamb ühtni elementan avaiduses, sihesai kucuihe sidä Unungeksii-nimeks (Uuh) da eka-polonijaks.

Fizižed ičendad[vajehta | vajehtada tekst]

Livermorijan atommass — 293. Ninevuz (normaližiš arvoimižiš) — 12,9 g/sm³ (lugustusen mödhe). Suladandlämuz — 637..780 K (364..507 C°, ezimeletaden). Kehundlämuz — 1035..1135 K (762..862 C°, ezimeletadud).

Kaik nell' izotopad om avaitud 290..293 atommassanke. Kaikiš hätkemb pol'čihodamižen pord om livermorijal-293, 53 millisekundad. Kändasoiš flörovijaks α-čihodamižen jäl'ghe.

Homaičendad[vajehta | vajehtada tekst]


Irdkosketused[vajehta | vajehtada tekst]