Polonii

Polonijan spektran nägui pala

84	0 6 18 32 18 8 2
Po 208,9824
Polonii

Polonii (Po — polonium latinan kelel) om 84nz' himine element himižiden elementoiden periodižes tabludes. Sen sijaduz om kudendestoštkümnendes gruppas (vanhtunuden klassifikacijan mödhe — kudenden gruppan päalagruppas, VIA), tabluden kudendes periodas.

Ühthine ümbrikirjutand

Pol'šanmalaižed himikad Pjer Küri da Marija Sklodovskaja-Küri löuziba ut elementad urankivendos (0,1 mg tonnas) i saiba puhtast polonijad ezmäižen kerdan vl 1898. Polonii om nimitadud Pol'šanman mödhe (latinan kelel: Polonia), se oli Sklodovskaja-Kürin tatanma.

Polonii da kaik sen ühtnendad oma morijad lujas!

Fizižed ičendad

Polonii om pehmed korgedradioaktivine hobedaižvauged metalloid (pol'metall), lämbitase lujas ičeze radiacijan tagut. Kubine klassine kristalline segluz om üks'jäine mugoine elementoiden keskes madalal lämudel, se kändase romboedrižeks +36 C° lämudel.

Atommass — 208,9824. Ninevuz (normaližiš arvoimižiš) — 9,32 g/sm³. Suladandlämuz — 527 K (254 C°). Kehundlämuz — 1235 K (962 C°).

Elemental ei ole stabiližid izotopoid. Tetas 33 ratud izotopad 188..220 atommassanke, i niiden 28 izomärad. Kaikiš hätkembad izotopad oma ²⁰⁹Po-izotop 125,2 ± 3,3 vot pol'čihodamižen pordonke, ²⁰⁸Po (T_½=2,9 vot) i ²¹⁰Po (T_½=138,37 päiväd).

Himižed ičendad

Metall muigotub il'mas teravas, sädab nenid hapandusid: polonijan dioksid (РоО₂)_x i monooksid РоО. Muigotandmärad: −2, +2, +4, +6, tobjimalaz +2 i +4.

Sädab tetragalogenidoid reagiruiden galogenidenke. Reakcijas muiktusidenke lähteb segoiteshe ruskedvauvhiden Ро²⁺-kationiden sädandanke:

${\ce {Po + 2 HCl -> PoCl2 + H2 ^}}$$.$

Ku polonii segoitase solmuiktuses magnijan olendanke, ka polonovezinik sädase:

${\ce {Po + Mg + 2 HCl -> MgCl2 + H2Po.}}$

Kävutand

Ottas kävutamižhe polonijad kosmosladimiden energetikas. Polonii-210 om lämän kaikiš effektivižemb purde, lämbitase da sulab ičeze α-radiočihodamižespäi, sikš pidab kaita sidä hahktinas. Polonijan pätegii om Venäma (mail'man tehmižen 98 %).

Sadas atomreaktoriš vismutad sädegoiten.

Irdkosketused

• Polonii webelements-saital. (angl.)
• Kirjutuz polonijas Himižiden elementoiden populärižes n-t.ru-kirjištos. (venäkelel)