Röntgenii

111	2 17 32 32 18 8 2
Rg (282)
Röntgenii

Röntgenii (Rg — roentgenium latinan kelel) om 111nz' himine element himižiden elementoiden periodižes tabludes. Sen sijaduz om üks'toštkümnendes gruppas, tabluden seičemendes periodas.

Ühthine ümbrikirjutand

Ei ole röntgenijad londuses. Se om transaktinoidine ratud element. Germanižiden fizikantedomehiden grupp Jügedoiden ioniden Institutaspäi (Darmštadt) avaiži^[1] röntgenijan vismutan i nikelin reakcijas vl 1994. Voib säta elementan severt-se atomoid vaiše.

Vspäi 2004 element om nimitadud Vil'hel'm Konrad Röntgen-fizikantedomehen muštoks.

Fizižed ičendad

Röntgenii om radioaktivine päličmänendmetall.

Atommass — 282. Ninevuz (normaližiš arvoimižiš) — 28,7 g/sm³ (ezimeletaden).

Vodele 2010 kaik om seičeme avaitud izotopad 272, 274, 278..282 atommassanke, izomärid ei ole. Kaikiš hätkemban röntgenii-282-izotopan pol'čihodamižen pord om 2,1 minutad. Kaik izotopad kändasoiš meitnerijaks α-čihodamižen jäl'ghe, no röntgenii-281 čihodase erazvuiččihe südäitukuihe päpaloin.

Himižed ičendad

Kuldan analog ičendoiden mödhe. Mülütadas röntgenijad hüväsuguižiden metalloiden gruppha. Röntgenii om hobedan mujun ezimeletaden i kaikiš inertižemb metall, sen himine aktivižuz om penemb mi kuldan.

Naceine muiktuzmär om +3 kuldan kartte (oz., röntgenijan triftoridas RgF₃).

Homaičendad

↑ S. Hofmann et al. The new element 111 // Zeitschrift für Physik A. — 1995. — T. 350, № 4. — Lpp. 281−282. (angl.)

Irdkosketused

Röntgenii webelements.com-saital. (angl.)

Röntgenii Vikiaitas

[1] S. Hofmann et al. The new element 111 // Zeitschrift für Physik A. — 1995. — T. 350, № 4. — Lpp. 281−282. (angl.)

[1]